2 JOHAN 1:6 - DAÜLANGPÜ LAIHING (BSI)

⁶ Jeni büpalei shahkung aimü kamhen khih; hayü bampü nyüke, hapayü chongpangpülei nüngi danei heihpü shahkung nyüke– nüngi ha kü kamtuh.

2 JOHAN 1:6 Referans Kwoze

1 JOHAN 5:3

Büpalei shahkungthü bangpeyü Kahvang kü bampü hih, hatü büpalei shahkungthüyü hanggovih nevai;

1 JOHAN 2:24

Chongpangpülei ammi mehe dan, ha am kü nyuhütuh. Chongpangpülei ammi mehe dan, ha am kü nyujema, ammi Ha hatü Pa nyiphen kü nyuhen.

1 JOHAN 2:5

shejao üami büpalei shah bangnya, hingmei hapa shennyak kü Kahvang bampü changpüshapü ngoiteke. Hapai jenü büpa kü nyüke shei leknyüke.

JOHAN 15:10

Ammi ngelei shahkungthü bangjema, ngei Opalei shahkungthü bangei büpa bampü kü nyupükei amphongao ngei bampü kü nyuhen.

JOHAN 14:15

Ammi ngei kü bamjema, ngelei shahkungthü banghen.

JOHAN 15:14

Ngei am kü epü dükjema amphongü ngelei küphüthü.

JOHAN 14:21

Üam kü ngelei shahkungthü nyu hatü hathü düknya, hathüyü ngei kü bampüthü, hatü üami ngei kü bamnya, hathü kü Opai bamhen, hatü ngei jom kü bamhen hatü ngei jom kü shakei vamhen.

1 JOHAN 5:15

Jeni mepa yü büpai jeni epü dannyeih shei jeni nyingjema, jeni büpa kü yüpü dangteke shei jeni nyingnyüke.

2 JOHAN 1:5

Shejao shaang, bampü nyühima, ngei nüng kü shahkung ja hük nyangnyu kei ngei nüng kü nephenyih, shejao pangpü mebü jeni mepa shahkung dang, hapa keiha jen hüki hük mü bamteishah.

SHAHKÜP 13:4

Ammi Shembüpa, ammei Kahvang phei mon mütuh, hatü büpa kü dhüm shuohtuh; büpalei shahkungthü düktuh hatü ven bangtuh; büpa chongphotuh hatü hinglemtuh.

JOHAN 14:23

Jisui büpa kü, “Üami ngei kü bamnya, hathüi ngelei shahthü banghen, hatü Opa-i hathü kü bamhen, hatü ham jom touei peiyei jom mü chemi shemong hük leiyei nyuhen.

1 JOHAN 2:7

Bampü küphüthü, ngei am kü shahkung ja nenyangnyih, shejao shelei mebü nyupü shahkung chang nyangnyeih; hapa shahkung changü ammi danhampü shah hih.