1 TIMOTI 6:4 - DAÜLANGPÜ LAIHING (BSI)

⁴ hayü changmeipü, danaokpü neshiüpü shejao venpü shah nangkü shah shükteihüpü hatü dokteihüpü nyüke. Henüng kübü mükhühpü, dehilao, yaüeilungpü, ten kohshi mongnelemteipü,

1 TIMOTI 6:4 Referans Kwoze

2 TIMOTI 2:23

Yoishah hatü sholi neshiüpü shah teshüktei; hathüi dehilao vamhünyeih shei nüngi nyingei nyüke.

2 TIMOTI 3:4

vaipü kübü yandaipü, jiüjiükei dükpü, awdapü, Kahvang kü bamhen nangjei mongongmongle kü bampü,

1 TIMOTI 3:6

Büpayü vaipü nanglak ja nevaihen khih, hei nevaijema büpa beiyei changmeipai büpaao kahshih keiha nyonghüpü kü vühen.

JUD SHAHSHA APPÜ 1:10

Shejao ha shennyakthüi jomi nenyingaokpü peü kü yaünyüke, hatü jomphongü hathü doui-üng mahhünyüke; jomi sholi neshiüpü yemhathü kei nyingnyoi kü lepü mon nyingnyüke.

2 PETER 2:12

Hathüyü sholi mongdang neshiüpü yemhimakthü, mangpü phaüyemthü yepei jütükhen nangkü shaanpüthü, jomi mehe nenying ha kü thaüvaünyüke, hatü mechem ha yemhathü jühen, jomao jütükhen.

2 TIMOTI 2:14

Jomphongi ha deihhen nangkü etuh, hatü jomi shah nangkü nelangmaanteihen Kahvang touei jom kü shahvüng shuohtuh; mehenangkü hapai meheyao mei nedüknyih, shejao hapa bangpüthü lomohnyeih.

JUD SHAHSHA APPÜ 1:16

Ha shennyakthüyü nümnümpü hatü mih-ei mang yempüthü; jomi mangi vaüpü lem kü münyüke; jomi bom bhaopükei shah enyüke, hatü jom vangmeihen tata kü mih yawhlangnyüke.

2 PETER 2:18

Mehenangkü jomi changmeipü hatü ngashah enyüke, hatü phai yahhahhüpü jiühitnalai homei pungei nyupü khong kübü yangei daijapü shennyakthü yawh-ei yahnyüke.

1 TIMOTI 1:7

jomi mehe enya hatü mehe douthü jung enya ha nenyingi shahkung nyuhbüthü leihüei lepdaiteke.

1 TIMOTI 1:4

hatü jom nyingi bütetpavan yimpila hatü dohpü neshiüpü bülem phukteipai, hinglempai nyingpü Kahvangei küpjan nevai, neshetnephen vamhünyeih.

JAKOB 1:19

Ngei bampü jeihinaüthü, ha nyingtuh: Peüi danhen shülangtuh, youngmü etuh, mongshih youngmü vamtuh;

TITUS 3:9

Shejao ngashah shükteipü, bülem yemteipü, dehilao hatü shahkung nangkü depülaopü peü tuhtüktuh; mehenangkü hathüyü nanglei hatü yahlak neshiü.

PHONGSHANTHÜ DOU 15:2

Paul hi Barnabas nyi ha nangkü shah daktei; hanangkü Paul hi Barnabas nyi mü lebü hanei Jerusalemei aonghen hatü hapa shahhidou phongshanthü hatü behethü mü shah shükteihen jeteke.

SHAKEI VAMPÜ 3:17

Mehenangkü ammi, “Ngeiyü shemmei hih, ngei lemphü nyüpeih; meheyao netaonyih” shei enyüke. “Shejao amü lomoh aühaü mong kü nemeipü, taopü, mükphüngpü hatü bümkong kü nyüke shei nenyingnyu.

2 THESALONIKA 2:4

Büpai khüei yaonghen hatü büpa laophü nyingi kahvang shei epü hatü khümpü dou lemphü shak kü longei aonghen, shejüang büpai kahvang hih shei eshi Kahvang phopshemei uohen.

KOLOSI 2:18

Am üpaiyao shahshemi maanpü leinyeih shei epüthü hatü vangsho phongshan kü khümpüthüi hayaoha manghkhang eenyeih shei am tenyonghü. Meheyao nevaivai-i hapa keipü shennyakthüi hangkulei phai chudeih enyüke,

PHILIPPI 2:14

Dou peü nenümnümi hatü shah nelahtei-i düktuh,

PHILIPPI 2:3

Laophü shing mon hahnemei deihpü, nevaijü laophü shing mon maongnyeipai mepayao tedük, shejao maanpü leipü kü laophü meyü mih-üng meipüba shei ieyeilemtuh.

PHILIPPI 1:15

Hanei amiyü mükhakpü hatü khüpü homei Khrista jung venteke, shejao lebüthüi mei deihshi venteke.

GALATIA 6:3

Üami menüngao nevaipü kü lemhük vaipükei deihnya, laophü nyingi luhahnyüke.

GALATIA 5:26

Jen hüki hük mü dokteiyei, mükhühteipai changmeiyei neleishah.

GALATIA 5:15

Shejoongpa am hüki hük mü khetteiyei lühtükjema, am hüki hük homei dipü mahpü neponghen lituh.

2 KORINT 11:20

Hanei ami am aa leihüjü nevaijü am lomohhüjü, nevaijü am nangkü jom vangmeijü nevaijü am tai kü manlangjü nevaijü ammei dhe kü apjü ammi hathü kü meheyao neenyu.

1 KORINT 11:18

Shongpüba kü, mechem am attoi am chemi thaihenshang amphong khongkü hanteipü nyüke shei ngei dannyüke, hatü hapayü vaiteke shei ngei hinglemnyeih.

1 KORINT 11:16

Shejao hanei ami shah dakteihüjema, hapa keipü jenei vanglem nevaijü Kahvangei attoi kü neshiü.

1 KORINT 3:18

Am laophü nyingi telutelemhah. Hapa den kü amphong nahpeih shei deihjema, am nahpü am leihen shingvaishi ngapa leihen vongbong.

1 KORINT 3:3

mehenangkü am shaang thahshi phailei nyüke. Am khongkü mükhühteipü, hatü dehilao nyupü thahshi amphongü kahdoknyü phai, hatü hangkui lümpükei nyunyu nevaipü je?

ROM SHAHSHA APPÜ 14:1

Vaipü kü wong nekohpüthü mongongshi yahtuh, shejao büpalei mongdeih nangkü shah tedaktei.

ROM SHAHSHA APPÜ 13:13

jeni vangngai kü keiha deiaei meipü kü nyushah; hahngayungpe hatü nükchokyiümok nevai; mükbongjuyung hatü phai mongongmongle nevai; dehilao hatü mükhakmongyung nevai.

ROM SHAHSHA APPÜ 12:16

Hüki hük mü meiteishi nyutuh; am techangmei; phangpa kü nyupüthü mü küeijemtuh; nüngi laophü nyingi nahnyu kei tedeihhah.

ROM SHAHSHA APPÜ 2:8

shejao üami laophü shing mon yemnya, hatü shahhing yaktüktü mang phei münya, Kahvangi büpalei mongshih hatü mongpuk show laihen.

PHONGSHANTHÜ DOU 18:15

shejao hapayü shah hatü men hatü ammei shahkung nangkü shah dakteipü vaipü nangkü am nyingi ehahtuh; ngei henüng nangkü shahphenbü nevaipih” shei e.

PHONGSHANTHÜ DOU 8:9

Shaang Simon shei menpü shennyak hüki shelei mebü hapa chingnyülei thihivam dou dükei nyu, hatü Samaria amü thamaei büpayü longpü shennyak hih shei eteihamteke.

ISAIAH 58:4

Veituh, amphong shüaeiyunglepeyü, deyeilaoei, üpteilenteiyei, hüki hük kü lak shihteiyeidohnyüke. Am shinnyihpü keiha shüaeiyunglepai ammi phoppü shang Kahvangi nedanlangphapih.

KANDOK 26:12

Shennyak hüki laophü nyingi kon kohnyüpeih shei deihhahpü nüngi eela?

KANDOK 25:14

Laophüi thintho neshuohhen kü lahtü changmeipüthüyü vang nekei-i phum thih-ei vanglük lükpükei nyüke.

KANDOK 13:7

Hanei ami meheyao neshiüshiüi lemphü angpükei hunyüke; shejao lebü hanei-i lemphü angtü taopa kei hunyüke.