1 TIMOTI 6:18 - DAÜLANGPÜ LAIHING (BSI)

¹⁸ Doumei dükhen, doumei kü shemmei leihen; nekaungi mih mü hanteihen temei nyuhen etuh.

1 TIMOTI 6:18 Referans Kwoze

HEBREW 13:16

Mei dükhen, hatü nüngi angpü hanteihen tebetük; mehenangkü hapa keipü moilathüyü Kahvang mongongbenüng hih.

1 JOHAN 3:17

Hanei ami kahdoknyü mop angtü laophülei jeihinaü hatü nyahinaü taopü eetüktü nesheühjema mekei etü Kahvang bampü büpa kü nyuhen?

ROM SHAHSHA APPÜ 12:8

hapayü mongnang thongpü vaijema, büpai mongnang thongtuh; hapayü mih kü shuohpü vaijema, büpai nekaungi shuohtuh; hapayü mübü hean vaijema, büpai kenhingei vanglem lemtuh; hapayü phahji hupü vaijema, büpai ha monghumei düktuh.

MENVIH KESHO 37:3

Shembüpa kü hinglemtuh, mei düktuh; shejüang am hapa kahdok kü nyuhen, hatü meishi mongongshi nyuhen.

TITUS 3:8

Üami Kahvang kü hinglemei pei, hathüiyao doumei kü lanei shuohhen shingvaishi nüngi hathü kü dhaümshi dükkahen ngei nanyüpeih; hathü dou longi meipeih, hatü peü shing nanglei nyüpeih.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

LUK SHAHSHA APPÜ 12:21

Hanangkü laophü shing mop yowtü Kahvang touei shemmei neleipüthü hapakei nyuhen” shei e.

GALATIA 6:10

Hanangkü hepak mei dangpü nangkü jeni peü kü doumei dükshah; anyei vaishi vaipü shemongshathü kü.

ROM SHAHSHA APPÜ 12:13

Kahvang shennyakthü taopü kü moilatuh; yenpa kü bampü hutuh.

1 TIMOTI 5:10

Pinnyülei doumei kü peüi denpü shuoh-aokshampü, hapeüthü meishi longaokpü, yen kü bampü hupü, daülangpüthülei la phuopü, shanghahpüthü kü sheühpü, hatü lem peü kü doumei dükpü kü lanei shuohpü vaihen khih.

2 KORINT 8:9

Jenei Shembüpa Jisu Khristai nekaungi shuohpü ammi nyingei nyüke; büpa shemmei vaijao büpa taopa leipai am shemmei leihühen shingvaishi ammei men kü büpa taopa leipeih.

2 KORINT 8:12

Mehenangkü shuohhüpü mong nyuphei keyü laophüi ne-angpü ai nevai, shejao angpü aimü thintho yahnyüpeih.

1 KORINT 16:2

Hatyang kü shongpü nyih kü am peüi laophü kü peipü ittü lop yowei tuhtuh; shejüang ngei peishingkü lop nethaihen.

ISAIAH 58:7

Aeipüthü kü ammei hahying hanhen, shem neshiüpü taopathü kü loihen shem shuohhen; Bümkong eejü ashakviha shuohhen, hatü laophülei shem am kü sheühhen, hathü hih.

CHONGVENBÜ 11:6

Nepnüng nüngi sheili haituh, hatü om kü nüngei lak kongei tenyu; mehenangkü mepapa sheili meipüba kohhen, nevaijü nyiphen-üng meishi kohhen nüngi nenying.

MENVIH KESHO 112:9

Büpai taopathü kü angkü bhenyüke, büpa daülangshemshepü den kü nyunyeih; büpayü wong kohshi, hatü peüi dhüm shuohnyeih.

3 JOHAN 1:11

Bampü küphü, mehe ten nyüpa, ha nevai, meipü veiyei yahtuh. Üami mei dük, hayü Kahvang leipü; üami ten dük, hathüi Kahvang ne-eeang.

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

PHONGSHANTHÜ DOU 9:36

Shaang Joppalei nanglom hük Tabitha, (Greek shah mü Dorkas) shei menpü nyu. Pinnyü-ü düngei doumei dükpü hatü taopathü kü sheühhamteke.

ISAIAH 32:8

Shejao pamei shennyaki pamei küpjan lingnyeih, hatü pamei dou kü büpa yaongnyeih.

CHONGVENBÜ 3:12

Hangkuli shingvaishi mongonghen hatü yemmü nyupü thahshi mei dükhen mü lenei lebü meipü meheyao neshiü shei ngei nyingpeih.

2 SHÜPPÜKENGPÜ 24:16

hatü büpayü David chingnyülei ongpathü mü mahng vü; mehenangkü büpai Israel, hatü Kahvang hatü jom shem shing doumei dük.

1 PETER 3:11

hatü jom ten kübü nyokei leiyei mei düktuh; jomi chingmei yemei ha kü changei daihütuh.

PHONGSHANTHÜ DOU 11:29

Nanglakthüi laophüi aokpü kei peüi Judealei nyupü vaipüthü kü sheühpü shomhen temteke;

PHONGSHANTHÜ DOU 10:38

Mekei Kahvangi Nazareth am Jisu Laangha Daülangpai hatü ngani thiteiphu, hatü mekei büpai doumei dükei, hatü mang laanghai shüveihahpüthü meihüpa ammi nyingei nyüke; mehenangkü Kahvang büpa mü nyuteke.

MATHI 5:42

Nüng kü yüpüthü peü kü shuohtuh, hatü nüng leipü luhahnüng peiküpü kü lueishuoh.

LUK SHAHSHA APPÜ 3:11

Büpai jangei jomphong kü, “Üpa bhagthuh nyi nyu, büpai neshiüpüba kü hük hantuh, hatü üpai hahying ang, büpaiyao hapakei hantuh” shei e.

EPHESIA 4:28

Gühpathüi gühpü yaktüktuh; halei meyü taopathü kü lemhük dangkao shuoh-aokhen mü laophülei laki shahhing kü dou düktuh.