1 TIMOTI 6:15 - DAÜLANGPÜ LAIHING (BSI)

¹⁵ mepa Kahvangi büpalei hepak kü koei peihen– büpalei Kahvang, moihimanpü hatü vanglem lembü, ongthü khongkü Ongpa, shembüthü khongkü Shembüpa,

1 TIMOTI 6:15 Referans Kwoze

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

SHAKEI VAMPÜ 17:14

Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.

1 TIMOTI 1:17

Shaang dohpü neshiüpü, ongpa, nemahnemenpü, ne-eeaokpü büpa mon Kahvang kü dhüm hatü müknyinshekhang den den kü nyute, Amen.

JEREMIAH 10:10

Shejao Shembüpayü hingshangpü Kahvang; büpayü vanyangyem Kahvang, nedohnetenpü Ongpa. Mechem büpa mongshihhen, kahdok jennyüpeih; jatthüi büpa mongshihpü nenenaoknyih.

MENVIH KESHO 47:2

Jaipüba Shembüpayü meshük longpüang! Büpayü kahdoknyü peü shak kü longpü ongpa.

1 TIMOTI 1:11

hatü ngei kü shuohpü moihimanpü Kahvangei müknyinshekhang shahjangmei kü jiüshi nyuhpüvenpü meipü khüei nyupüthü shingvaishi shahkungü lingpeih.

JEREMIAH 46:18

Ngeiyü vanyangyem Kahvang, Jeiyong Shembüpa, ongpa. Kahshangthü peü mü Tabor Kahshang shaopü keiha, yungching shangkü Karmel kahshang shaopü keiha, am hahhen hük peikahen.

MENVIH KESHO 83:18

Shembüpalei men monha kahdoknyü kü peü mü Jaipüba shei jomi nyinghütuh.

DANIEL 4:34

Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.

KANDOK 8:15

Ngei-i ongthü vanglem lemhünyeih, hatü vanglem lempüthüi shahhing shahkung linghünyeih.

1 TIMOTI 2:6

Büpai laophü nying hangku peü angei leihen bhei shuoh, hatü hapayü jiüpü hepak kü denpü shuohteke.

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

EZRA 7:12

Artaxerxes, ongthü khongkü ongpai vangsho Kahvangei Shahkung nyuhbü hatü ngongpa Ezra touei selam:

SHAHKÜP 10:17

Mehenangkü Shembüpa, ammei Kahvangü kahvangthü khong kü Kahvang, hatü shembüthü khong kü Shembüpa. Büpayü longpü, wong kohpü hatü nyempühanbenüng Kahvang khih. Büpai baong hanei nenonyih hatü yawhdou neyahnyih.

MENVIH KESHO 136:3

Oh shembüthü khongkü Shembüpa kü menvih shuohtuh, büpa bampü den kü nyunyeih.