1 TIMOTI 6:14 - DAÜLANGPÜ LAIHING (BSI)

¹⁴ ha jenei Shembüpa Jisu Khrista mangyiü thahshi kawhikang hatü eela neshiüi hapa shahkungnyü dükhen ngei nüng kü hannyeih,

1 TIMOTI 6:14 Referans Kwoze

2 PETER 3:14

Hanangkü bampü küphüthü, ammi ha douthü danshingkü ammi büpa mü chingmei kü kawhikang hatü eela neshiüi nyushi büpai am eehen mü kentuh,

1 PETER 1:7

Honü mahdaihen dou vaijao awi doknyüpeih. Am hinglempeyü hon mao nyeinya douvang vaipü nangkü mechem Jisu Khrista shakei vamhen, menvih, müknyinshekhang, hatü dhüm kohshi eehen shingvaishi kentuh.

1 THESALONIKA 5:23

Chingmei Kahvang, büpai am chemjalak kü daüphahen, hatü jenei Shembüpa Jisu Khrista yiüshingkü ammei laangha, yangnyu hatü yembüm meishi hatü eela neshiüi tuhhen.

JUD SHAHSHA APPÜ 1:24

Shaang büpa, üpai nüng dohen kübü yangei tuh-aok, hatü büpalei müknyinshekhang mü mongongpü touei nüng kawhikang neshiüi yaonghüaok,

HEBREW 9:28

hapa keiha Khrista-ao nanglak longilei mang yah-ei lüdaihen shingvaishi chem mon moila shuohpeih. Büpa nyipabü yiükahen, hayü mangthü mü eteihen nangkü nevai, shejao büpa omdanpüthü kü yemleipü koei yiükahen.

TITUS 2:13

moihimanpü monglem hatü jenei longpü Kahvang hatü Yemleipü Jisu Khristalei müknyinshekhang shakei vamküpü danhen enyüke.

SHAKEI VAMPÜ 1:7

Veituh, büpa phum mü yiükünyüke; peüei müki büpa eehen; büpa kü phungi hümpüthüi dangkao eehen; hatü büpa tata kü kahdoknyü jatthü peü mahng thephen. Hapa keiha ha nyuhen! Amen.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

2 TIMOTI 4:1

Kahvang hatü Khrista Jisu ompü touei, üpai yemmü nyupü hatü didaipüthü shahphenhen, hatü büpa yiükahen hatü büpalei ongching danei ngei nüng kü ha nangei tuhnyeih:

2 THESALONIKA 2:8

Hapheikü shahkung benpü hük shakei vamkahen hatü Shembüpa Jisulei ju kübü ngü vampai noei shüktükhen hatü büpa yiüpü müknyinshekhangi büpa mahtükhen.

KOLOSI 4:17

hatü Arkhippas kü, “Shembüpa kü nüngi dangpü dousho temhen kentuh” shei eyeishuoh.

KOLOSI 1:22

Büpai shaang büpalei phai büm kü dipü homei mongjemhüteke, hatü hapayü amphong büpa touei daülangi, eela neshiüi hatü thaüvaühen neshiüi nyuhen shingvaishi nyüke.

PHILIPPI 1:10

hatü Khristalei nyih kü amphong daülangi hatü eela neshiüi mehe peü mü mei ha jeaokhen,

1 KORINT 1:8

Jisu Khristalei nyih kü am kawhikang neshiüi nyuhen shingvaishi büpai am dohpü ngoishi wong kohhühen.

SOLOMONEI KESHO 4:7

Ngei bampünyü, nüngü eelahen neshiüi meiangke;

1 JOHAN 3:2

Bampü küphüthü, shaang jenphongü Kahvangei hapeüthü nyüke; hatü jen mehe vaihen shao-üng shakei mangvam. Jeni nyingpeyü ha khih: mechem büpa shakei vamhenshang, jenphongü büpa kei nyuhen; mehenangkü büpa mekei nyu, hapakei jeni büpa eehen.

1 PETER 1:19

shejao kawhikang hatü eela neshiüpü Mi Cheha, Khristalei iy homei angei leipeih.

1 TIMOTI 6:20

Timoti, nüng kü mehe kophopa, ha yomtuh. Ten vapvappü, hatü mepa hanei ami pungei, “Kihikon” shei eshi neshetnephen ngashah shükteinya, henüng kübü khaatdaituh;

2 THESALONIKA 2:1

Jenei Shembüpa Jisu Khrista yiükahen nang hatü jen büpa mü chemi thaihen nangkü jeihinaü hatü nyahinaüthü,

1 THESALONIKA 3:13

Jenei Shembüpa Jisu, büpalei daülangpüthü peü mü yiüshingkü jenei Kahvang hatü Opa touei am eela neshiüi hatü daülangi nyuhen shingvaishi büpai ammei mongdang wong nyemkohhüma.

PHILIPPI 2:15

shejüang kaokdaipü hatü nyongdaipü den kü amphong eela neshiüpü, daülangpü, kawhikang neshiüpü Kahvang hathü vaihen; hapa kü amphong lithathü kei kahdoknyü kü nyahen.

PHILIPPI 1:6

Üpai am touei doumei chongpang, hapa Jisu Khristalei nyih thahshi kü temhen shei ngei monglempü nyüpeih.

EPHESIA 5:27

hanangkü attoiyü nethe meipü kü, ampü nevaijü khangdaipü nevaijü henüng keipü meheyao neshiüi shejao daülangi kawhikang neshiüi büpa kü shuohtuh.

1 SHÜPPÜKENGPÜ 28:20

Davidi cheha Solomon kü, “Wong kohtuh hatü monglongtuh hatü dou düktuh. Nüng tenyem nevaijü mongtemaan; mehenangkü Shembüpa Kahvang, üpa ngei chongphonya, büpa nüng mü nyüke. Hapa Phopshem dou mangtem thahshi büpai nüng kü neshaiphapih nevaijü netuhphongpih.

2 PETER 2:21

Daülangshemshepü lem nyingtü jom kü shuohpü daülangpü shahkung kü ngaümphei lepphongtü dailei meyü hapa nenyingpü-üng jom shingvaishi meipüba.

2 PETER 3:2

Peihdaipü hepak kü daülangpü thihivamthüi epü shahthü hatü Shembüpalei shahkung hatü ammei phongshanthü homei Yemleipübai epü shahthü deih-ei dangtuh.