1 TIMOTI 6:13 - DAÜLANGPÜ LAIHING (BSI)

¹³ Peü kü yangnyu shuohpü Kahvang touei, hatü Khrista Jisu, üpai Pontius Pilat touei denpü shuohshingkü lahpü meipü lingpa,

1 TIMOTI 6:13 Referans Kwoze

MATHI 27:11

Shaang Jisu governor touei yaong, hatü governor-i büpa kü, “Nüngü Jehoda amei Ong je?” shei phe. Jisui, “Nüngi enyüke” shei e.

1 TIMOTI 5:21

Kahvang hatü Khrista Jisu hatü jelangpü vangsho phongshanthü omshi hathü shahkung baong nehani dükhen, hatü loukei bampü neshiüi dükhen ngei nüng kü shahvüng shuohnyeih.

SHAKEI VAMPÜ 3:14

Laodikea kübü attoi leipü phongshan kü nyangtuh: Hathüyü Amen, hingshangpü hatü shahhing denbü, Kahvangi lingpü kü vanglem lembülei shahthü:

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

JOHAN 5:21

Pa-i dipü kübü yangei leitü jom kü yangnyu shuohpükei Ha-iyao büpai mongpüthü kü yangnyu shuohnyeih.

SHAKEI VAMPÜ 22:1

Hapheikü vangsho phongshani ngei kü chüshaü kei daülangpü Kahvang ong uoshing hatü Mi Cheha leipü yenpü yangnyu yung yungyen huphüteke;

SHAKEI VAMPÜ 21:6

Hapheikü büpai ngei kü eteke, “Ha dükteke. Ngeiyü Alpha hatü Omega, Chongpangpü hatü Dohpü. Yung lepüthü kü ngei lop neyah-i yangnyu yunglok kübü yung yinghen shuohhen.

1 TIMOTI 6:12

Hinglempü vehok meipü hoktuh; vanyangyem kü shoungtuh; hapa shingvaishi nüng nyükpeih, hatü denpü longi omshi nüngi lahpü meipü lingpeih.

1 TIMOTI 2:5

Mehenangkü Kahvang hük nyüke hatü Kahvang hi hangku aa kü baong kü shapü hük mon nyüke, hapayü shennyak, Khrista Jisu.

PHONGSHANTHÜ DOU 17:25

nevaijü büpai lemhük nanyu kei hangkulei laki büpa chongnephonyih; büpaiang hangku peü kü yangnyu, ngü hatü dou peü shuohnyeih.

JOHAN 19:11

Jisui jangei, “Shangphi leipai nüng kü neshuohlangmeyü nüng ngei shak kü wong nenyuhah shepeih; hanangkü üami ngei yepei nüng kü lanei shuohnya, jomi nyeipü mang thahteke” shei e.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

JOHAN 5:26

Mehenangkü Pa kü büpa kü-üng yangnyuyem nyupü keiha Ha kao büpa kü yangnyuyem nyuhen shuohpeih;

1 SAMUEL 2:6

Shembüpai jünyeih hatü yangei leishihnyeih; büpai mahngchongei müei yünyeih, hatü yangei leishihnyeih.

SHAHKÜP 32:39

Ngei monha Kahvang, ngei mü lenei lebü kahvangthü neshiü. Ngei jütüknyüpeih, hatü ngei yangei leinyeih. Ngei ma shahünyeih, hatü ngei ha meitüknyeih, hatü ngelei lakmong leipü üpaiyao neyangaokpih.

MATHI 27:2

Jomi büpa shatü müei deiyei Pilat governor kü shuoh.

2 KORINT 9:13

Ammi dükpü hapa dousho homei Khristalei shahjangmei kü lah-ei ammi ven danpü hatü ammi jom mü hatü mih peü mü nekaungi hanteipü homei ammi Kahvang müknyinshekhangnyüke.

GALATIA 3:26

mehenangkü Jisu Khrista kü hinglempü homei am peü Kahvangei hapeüthü leiteke.

1 TIMOTI 1:12

Ngei wong kohhüpü Khrista Jisu, jenei Shembüpa kü ngei mongongnyeih; mehenangkü büpai ngei hingshangi nyüke shei nyingei ngei büpalei dousho kü jeteke.

1 TIMOTI 1:15

Hapayü dhao mü yah-aokbenüng hingshangpü shah: Khrista Jisu-ü mangthü yangnüng kahdoknyülei yiü, ha khongkü ngei peü mü nemeipüba.