1 TIMOTI 6:12 - DAÜLANGPÜ LAIHING (BSI)

¹² Hinglempü vehok meipü hoktuh; vanyangyem kü shoungtuh; hapa shingvaishi nüng nyükpeih, hatü denpü longi omshi nüngi lahpü meipü lingpeih.

1 TIMOTI 6:12 Referans Kwoze

1 PETER 5:10

hatü phahji peüei Kahvang, üpai Khrista kü nedohnetenpü müknyinshekhang touei am nyükpa, am kansho hük shangpong pheikü büpai am changhüshahühen, am wong kohhühen, sheühphahen hatü chonglinghühen.

1 TIMOTI 1:18

Timoti, ngelei hapeü, nüng nangkü shelei tetpüvanpü shahthü keiha nüngi hathü mü kamei vehok meipü hok-aokhen shingvaishi ngei hapa nyuhpüvenpü nüng kü shuohnyeih,

2 TIMOTI 4:7

Ngei vehok meipü hoktepih, ngei mokpü lemsho laitepih, ngei hinglemei nyutepih.

SHAKEI VAMPÜ 3:3

Ammi mehe yah hatü dan, ha deih-ei dangtuh; hapa ven bangtuh hatü mong leptuh. Am shipü kübü nepaojema, ngei gühpa hük keiha peikahen, hatü ngei mepa hepak kü peikahen ammi nenyinghen.

1 TIMOTI 6:13

Peü kü yangnyu shuohpü Kahvang touei, hatü Khrista Jisu, üpai Pontius Pilat touei denpü shuohshingkü lahpü meipü lingpa,

1 JOHAN 2:25

Hatü büpai jen kü mehe lah, hayü vanyangyem yangnyu khih.

HEBREW 6:18

Mechemao nejeileaokpü doulem nyi nyüke. Mechem Kahvangi lemhük ehen, büpai shahshem ne-enyih, hatü mechem büpai lahhen shahshemi nelahnyih. Hanangkü jen üami büpa touei dhümloi dang, jen touei temei nyupü monglem kü wongshongi shonghen shingvaishi hapai jen kü wong hatü nyiushemmei shuohnyeih.

2 TIMOTI 1:9

Jenei dou aimü nevai shejao büpalei mükhong hatü phahji aimü büpai jen yangpeih, hatü daülangpü nyükpü homei jen kü nyükpeih. Hapa phahjiyü denshemthü chongpang shekü Khrista Jisu kü büpai jen kü shuohpeih,

KOLOSI 3:15

Khristalei chingmei-i ammei mongkü vanglem lemhütuh; ha shingvaishi büm hük kü phaihan hük leiyei chingmei nyuhen am nyükpeih. Ha kü am men vihtuh.

1 TIMOTI 6:19

Hapakei dükpai ngoikahen den shingvaishi wong kohpü chongnyiam keiha jomi laophü shing mop jaohen, shejüang jomi yangnyu mepa hingshangpü yangnyu nyüpa, ha kü shoungaokhen.

ZEKHARIAH 10:5

Jomphongü vehok kü hampathü kei nyuhen. Chingyangshong nyaühut kü vepathü nyeütükhen; jomi hokei koyei veshanthü neütükhen; Mehenangkü Shembüpa jom mü nyüke, hatü jomi koyei kü uopüthü veühühen.

HEBREW 3:14

Jen kü shongei nyupü monglem kü dohpü ngoishi wongshongi shongjema jen Khristalei phaihan leinyüke.

1 THESALONIKA 2:12

mongnang thongei, nyiushem meihüei, hatü Kahvangi büpalei ongching hatü müknyinshekhang kü am nyükpü shangshi yangnyu nyuhen deipümeipü ha ammi nyingei nyüke.

KANDOK 3:18

Pinnyü kü shoungpüthü kü pinnyü-ü yangnyuyem pü; Pinnyü kü wongshongi khaaipüthü kü moihimanpü shei nyükhen.

1 PETER 3:9

Ammi ten kü ten, thaüvaü kü thaüvaü tekhangtei, shejao ha nang jeiyei moihimaneishuoh. Moihiman mükjüp danghen tata kü amphong nyükpeih.

2 THESALONIKA 2:14

Hapa nangkü ammi jenei Shembüpa Jisu Khristalei müknyinshekhang yahhen shingvaishi hami venpü shahjangmei homei büpai am nyükpeih.

MENVIH KESHO 63:8

Ngelei laanghai nüng kü shongnyeih; nüngei lakdah-i ngei kü düknyeih.

SHAHKÜP 26:3

Hahepak kü chongphoei nyupü ngongpa kü peiyei, “Jen kü shuohhen shei Shembüpai jenei bühipa kü lahpü kahdokei ngei shinnyih nyunyüpeih shei baongnyüpeih” shei ehen.

ISAIAH 44:5

Hük pheikü hük shei shennyakthüi, “Ngeiyü Shembüpalei” shei ehen, hatü jomi Israel nanglakthü mü omhen. Jom peüi jomei lak kü, “Ngeiyü Shembüpalei” shei nyanghen, hatü Israel amei men yahhen.

2 KORINT 9:13

Ammi dükpü hapa dousho homei Khristalei shahjangmei kü lah-ei ammi ven danpü hatü ammi jom mü hatü mih peü mü nekaungi hanteipü homei ammi Kahvang müknyinshekhangnyüke.

HEBREW 13:23

Jenei jeihinaü Timoti khoklat leipü veteke, hatü büpa hepak jiüshi peiküjema, ngei am mü ponghen peijü büpaao ngei mü peikahen.

2 KORINT 6:7

shahhing epai hatü Kahvangei ngani laknyong lakdah kü daülangshemshepü phunglang mü;

SOLOMONEI KESHO 3:4

Ngei jomphong tuhtü daihinüng ngei büpa heüpeih. Ngei büh ngei paümpü onyülei ngamshem dungnukei müei manglei thahshi ngei büpa nedeishih-i shonglangpeih.

PHILIPPI 1:30

Ngei ponghahpü shangpong ammi eeyei nyupü aihük shangpongi am shaang ponghahnyüke, hatü shaangao ngei ponghahpü ammi dannyüke.

1 TIMOTI 1:19

hatü hinglempü nyuei mongdeih meipü nyutuh. Hapa mongdeih meipü yaktükpü homei shennyak haneiyü jom vaipü kü beneilangei leidaiteke.

1 TIMOTI 4:14

Nüng kü nyupü laangha thintho mepa thihivam shah homei hatü behethüi laki shüngei shuohpa, ha nenotei-i tetuhphong.

2 TIMOTI 2:2

hatü denpü longi homei nüngi mepa ngei leipü danpa, ha mih kao nyuh-aokhen monglemaokpü shennyakthü kü koeishuoh.

JUD SHAHSHA APPÜ 1:3

Bampü küphüthü, jeni chem kü hean yahpü yemleipü jung am kü nyanghen shei temeilemei nyushingkü denshing chem mon daülangpüthü kü shuohpü jeni vaipü nangkü vehok hokhen khih shei nyanghen hatü khümhen vongbong kei vamteke.

SHAHPHENBÜTHÜ 3:2

Büpai hathüyü Israel am denja pheihathü shelei vehok hokpü nenyingpüthü kü nyuhhen shingvaishi dükteke.