1 TIMOTI 6:11 - DAÜLANGPÜ LAIHING (BSI)

¹¹ Shejao Kahvang shennyak nüng payü hathü peü yaktüktuh; daülangshemshepü, Kahvang nyingpü, hinglempü, bampü, munenpü, inyainyempü changei daituh.

1 TIMOTI 6:11 Referans Kwoze

2 TIMOTI 2:22

Thehila hepak iyjeiphailei kübü nyaidaituh, hatü daülangshemshepü, hinglempü, bampü hatü chingmeivangmei changei daülangpü mongdang kübü vamei Shembüpa kü nyükpüthü mü daituh.

2 TIMOTI 3:17

shejüang Kahvangei shennyakthü peü doumei peü shingvaishi dükaokhen temtüktü nyuhen nyüke.

1 TIMOTI 4:12

Nüngei nethe yangnyu kü üpaiyao ne-ienelemi tenohah, shejao epü kü, dükpü kü, bampü kü, hatü daülangshemshepü kü lappü hük nyutuh.

HEBREW 12:14

Shennyak peü mü chingmei kü hatü daülangi nyuhen kentuh; daülangi nenyuphei kü üpaiyao Shembüpa ne-eehen.

1 KORINT 10:14

Hanangkü bampü küphüthü, lajeithü khümpü kübü nyaidaituh.

1 PETER 3:11

hatü jom ten kübü nyokei leiyei mei düktuh; jomi chingmei yemei ha kü changei daihütuh.

1 KORINT 6:18

Iyjeiphailei tuhtüktuh! Shennyak hüki thahpü mang kemei büm kü hongei neshiü, shejao mükbongjuyungü laophülei büm khüei düknyüpeih.

MENVIH KESHO 34:14

Mang kübü yantuh, mei düktuh; chingmei yemtuh hatü ha changei daituh.

1 TIMOTI 5:10

Pinnyülei doumei kü peüi denpü shuoh-aokshampü, hapeüthü meishi longaokpü, yen kü bampü hupü, daülangpüthülei la phuopü, shanghahpüthü kü sheühpü, hatü lem peü kü doumei dükpü kü lanei shuohpü vaihen khih.

1 KORINT 14:1

Bampü phei mütuh hatü laangha thinthothü kü kentuh, anyei vaishi chongvenlemlingpü thintho kü kentuh.

ROM SHAHSHA APPÜ 14:19

Shejema mepai chingmeivangmei vamhünya, hatü hüki hük lingei leinya ha kü jeni changshah.

ISAIAH 51:1

Ngei epü bangtuh, amphong daülangshemshepü kü chongphopüthü, hatü Shembüpa yempüthü. Amphong meleipü bhaokei yahpa, hapa yaongnyü kü veituh, am meleipü lokei ngaipa hapa yaongdung kü veituh.

MENVIH KESHO 38:20

Ngei meipü pheikü müpü nangkü ngelei vepathüyü mei kü ten jeiyei shuohteipüthü nyüke.

2 ONGPATHÜ 5:20

Kahvang shennyak Elishalei chongphobü Gehazi-i, “Ngelei shembüi hapa Aram am Naamani koei peipü meheyao neyah-i ahshiüng yaüshole kü deishihtükteke. Vanyangyem Shembüpalei men kü ngei büpa phei mokei daiyei büpa leipü lemhük yahhen” shei deih.

1 TIMOTI 6:20

Timoti, nüng kü mehe kophopa, ha yomtuh. Ten vapvappü, hatü mepa hanei ami pungei, “Kihikon” shei eshi neshetnephen ngashah shükteinya, henüng kübü khaatdaituh;

JEREMIAH 35:4

Ngei jomphong Shembüpalei shemei Kahvang shennyak Igdaliahlei cheha Hananei chehathülei dungnukei müei dei. Hapayü lebü lakchongbüthülei dungnuk kü dhienei nyu, hatü phopshem shaden yombü Maaseiah, Shallumei chehalei dungnuk dok kü nyuteke.

2 SHÜPPÜKENGPÜ 8:14

Chepa Davidi dükpü vanglem keiha büpai ngongpathü khong hanpü aimü jomei dousho kü dükhü, hatü Levi ami kesho mühen hatü ngongpathü kü nyihjeih dükhen dousho aimü hanteke. Shao büpai shaden yombüthü jomei khong hanei nyupü aimü shaden peü yomhen Kahvang shennyak Davidi hanpükei hanteke.

2 ONGPATHÜ 23:17

Ongpai, “Ngei eepü mahngchong yaongü meheang?” shei phe. Hahepak kü chingnyü leipü shennyakthüi, “Hapayü Bethel leipü moidü kü eelaei epü, mepa dou nüngi shaang dükpa, hapa jung teteivanei epü Judah leipü peipü Kahvang shennyakei mahngchong khih” shei e.

2 ONGPATHÜ 1:13

Hanangkü ongpai jempabü veshan mübü, hatü büpalei veshan jom pinyipüan shom. Jempabü veshan mübüi aongei Elijah touei aümei shatü, “Oh Kahvang shennyak, chingmeilemlingei ngei hatü nüngei chongphobü jom pinyipüanei yangnyu kü phahjishih.

2 ONGPATHÜ 1:9

Hahepak kü ongpai Elijah touei veshan pinyipüan shak kü mübü hük mü veshan pinyipüan shom. Shangching hükei uoshi nyupü Elijah touei büpa aongei büpa kü, “Oh Kahvang shennyak, chem leikütuh shei ongpai enyüke” shei e.

1 ONGPATHÜ 20:28

Israel ongpa Ahab touei thibü hük peiyei, “Aram ami ngeiyü kahjilei Kahvang nevai, shejao shangchingthülei kahvangthü khih shei epü nangkü ngei hapa veshan khongnyü longpü nüngei lak kü shuohhen, hatü ngeiyü Shembüpa shei nüngi nyinghen” shei e.

1 ONGPATHÜ 17:18

Pinnyüi Elijah kü, “Oh Kahvang shennyak, nüngi ngei kü mehe kü khünya? Ngelei mang deih-ei danghühen, hatü ngelei hapeü jütükhen shei nüngü peiküpü je?” shei e.

1 SAMUEL 2:27

Shaang Kahvang shennyak hük Eli touei peiyei büpa kü e, “Shembüpai hapakei enyüke: Ijiplei Pharaoh ong phangkü aa vaishi nyushi ngei nüngei bühipa Aaron kü shakei vamei hutepih.

1 ONGPATHÜ 13:26

Mechem büpa lem leipü müei leipü thibüi hapa jung danpa, büpai, “Hapayü Shembüpalei shah nebangpü Kahvang shennyak khih. Hanangkü Shembüpai büpa kü eshuohpükei, Shembüpai büpayü mailangi shükei jühen shuohpü khih” shei e.

1 ONGPATHÜ 13:1

Shembüpai epü nangkü Judah leipü Kahvang shennyak hük Jeroboami moila shuohnüng shei moidü touei yaongshi nyushi aongei Bethel ngoiteke.

1 SAMUEL 9:6

Shejao naüi büpa kü, “Hapa jilalei Kahvang shennyak hük nyüpeih; büpayü mih peüi longi dhüm kohshi noteinyeih. Büpai epü peü jiüshi khan vamnyuja. Jiyao halei heihshah; üpai nyingpa, ji melemei yemhen ephanüng aokpeih” shei e.

SHAHKÜP 33:1

Hapayü Kahvang shennyak Mosai büpa didaishekü Israel am kü moihiman shuohpü nyüke:

SHAHKÜP 16:20

Shembüpa, ammei Kahvangi am kü shuohpü kahdok yah-aokhen hatü halei yüluei nyuaokhen shingvaishi shahhing mon etuh.

NEHEMIAH 12:36

hatü büpalei shem am sheühteipü Shemaiah, Azarel, Milalai, Gilalai, Maai, Nethanel, Judah hatü Hanani hathüi Kahvang shennyak David ongpalei kesho lokteipü hadir koteke, hatü nyangbü Ezra-i jomphong khong müteke.

NEHEMIAH 12:24

Levi am mübüthü: Hashabiah, Sherebiah, Kadmielei cheha Jeshua, hathüi mütü jom mü sheühteipüthü peü khong nyi lingtü Kahvang shennyak David ongpai epükei jangteiyei Kahvang kü menvih shuoh-ei men longei nyuteke.

1 SHÜPPÜKENGPÜ 23:14

Kahvang shennyak Mosalei hapeüthüyü Levi jat aimü ieteke.

1 ONGPATHÜ 17:24

Hanangkü hapa vaümnyüi Elijah kü, “Nüngü Kahvang shennyak khih, hatü nüngei ju kübü Shembüpalei shah-ü shahhing khih shei shaang nyingteke” shei e.

KANDOK 15:9

Shembüpai nemeipü amei lem kü jiühitnyeih, shejao üami daülangpü yemnya, büpai hathü kü bamnyeih.

1 TIMOTI 1:14

Khrista Jisu kü nyupü bampü hatü hinglempü mü jenei Shembüpalei phahji ngei kü changshi khüpphopeih.

2 TIMOTI 2:21

Ngei epü douthü kübü laophü nyingi daüei nyupüthü peü shem shembü am kü doumei lemphü shingvaishi noteihen daütüktü temei tuhpü dükhi-ümthü leihen.

2 TIMOTI 3:10

Shaang nüngi ngei nyuhpüvenpü, ngelei dükhiling, yangnyu kü ngelei mükhong, ngei hinglempü, munenpü, ngei bampü hatü ngei wongshongi yaongpü,