1 TIMOTI 6:10 - DAÜLANGPÜ LAIHING (BSI)

¹⁰ Mehenangkü lop kü bampeyü mang peüei tünglang, hatü shemmei leihüpü nangkü hanei amü vaipü kübü yanei lüdaiteke, hatü mongmang longpai jomei mongdang mangdaitü nyüke.

1 TIMOTI 6:10 Referans Kwoze

KANDOK 1:19

Shahhing ne-e-i mop napüthü peü kü hapakei dohpü peinyüke. Gühpai-üng gühpa heüei jütüknyüke.

1 TIMOTI 6:9

Shejao üami shemmei leihünya dokpü kü vühen, hatü nanglakthüi lomohpü hatü mahpü sholi neshiüpü hatü yemei dihen taikon kü mandainyeih.

MENVIH KESHO 32:10

Nemeipüthü longi ponghahnyeih, shejao Shembüpa kü hinglempüthü kü bampai shonei nyunyeih.

TITUS 1:11

Jomphongü shah ne-e-i nendaihen vongbong; mehenangkü jomi nyuhhen nejiüpü douthü nyuh-ei shemongshathü kemei lomohhünyüke, hatü hayü jomi shahhing ne-epü nanglei danghen nangkü düknyüke.

KANDOK 1:31

Ammi ammei betjük danghen; hatü ammi temhahpü küpjani am lomohhen.

JUD SHAHSHA APPÜ 1:11

Hathüyü Onyükei! Mehenangkü jomi Kainei lem kü kamnyüke; nanglei shingvaishi Balaami pungpü lem kü dainyüke, hatü Korah-i khüei yaongpü mang kü mahnyüke.

ISAIAH 56:11

Jomü mechemao moh nemeipü hahnempü shi khih. Jomphongü kon neshiüpü mi yombüthü; Jom peü laophülei lem kü mon lüdaikemnyüke, peüi laophü nanglei danghen lem mon yemnyüke.

2 TIMOTI 4:10

mehenangkü Demas-i kahdoknyü bampü nangkü ngei tuhphongtü Thesalonikalei heihdaiteke. Krescens-ü Galatialei, hatü Titus-ü Dalmatialei heihdaiteke,

1 TIMOTI 3:3

yiü yingpü am nevai, iy-aongmashapü am nevai shejao inyainyempü, nedenelaopü, hatü lop kü nebampü am vaihen vongbong.

MATHI 23:13

Am akhümmong-üm shahkung nyuhbü hatü Phariseethü, onyükei! Mehenangkü ammi shennyakthü neshühahhen mü vangsho ongching küptüknyüke, hatü am nyingiyao halei neshünyu, hatü mih shühenao nehannyu.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

MALAKI 1:10

Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

SHAHKÜP 16:19

Amphongi shahhingi shahshem teleitük nevaijü baong hanei teno. Ammi yawhdou teyah; mehenangkü yawhdoui nyingpühingpüthü mükphüngtüknyeih hatü shahhing epüthülei shah keüdainyeih.

JAKOB 5:19

Ngelei jeihinaüthü hatü nyahinaüthü, am hanei shahhing kübü yanei lüdaijema, hanei ami büpa müei leihen vongbong.

1 TIMOTI 6:21

henüng eyei haneiyü vaipü kübü yandaidaiteke. Nüng mü phahji nyute.

EZEKIEL 22:12

Hapa chingnyülei shennyakthü mih jühen nangkü yawhdou yahnyüke; ammi nyeishi lop kü lop bhüei yahnyüke, hatü chingyowthü leipü aeteisheyei nanglei dangnyüke, hatü amphongi ngei betükteke shei Shembüpa Kahvangi enyüke.”

EZEKIEL 16:33

Büm yupü shennyak keyü lop shuohnyüpeih shejao amphongiyü am mü mükbongjuyung dükhen nyempeikei shei mih kü yawhdou shuoh-ei hatü thintho-i jom yawhnyüke.

EZEKIEL 13:19

Nük lakbaoh hük nangkü hatü aan bhaok hük tata kü ammi ngelei nanglakthü touei ngelei men yaüteke. Dihen nejiüpüthü jütük, yemmü nyuhen neshangpü yemmü tuhnyüke. Ammi ngelei nanglakthü kü shahshem enyüke hatü jomi ha kü hinglemnyüke.”

ISAIAH 1:23

Nüngei vanglem lembüthüyü khüei yaongpüthü, gühpathülei mongjempathü leidaiteke. Peüi yawhdou kü kennyüke, hatü thintho phei changnyüke. Jomphongi hashihhathü khüamnebaknyu; Shahphen shingei vaümnyüi epü kü nebangnyu.

SHAHKÜP 23:18

hatü hapakei büm yuei latpü lop Shembüpa, ammei Kahvangei shemei lahpü jiühühen shingvaishi koei nepeihen; mehenangkü Shembüpai henüng kü jiühitnyeih.

KAHBHAO 29:26

Labani, “Hamei vanglemi nya vaipü doi kü mangdai-i naüpeü shong doi daihen vanglem neshiüpih.

SHAKEI VAMPÜ 18:13

cinnamon, hetnyai, vongmei meli, myrrh, ayingshü, yiü, olive mainga, meipü atta, hatü wheat, mohoh, mi, koyei, koyei kharithü, aathü hatü hangkulei yangnyu nyüke.

2 ONGPATHÜ 5:27

Hanangkü Naamanei ngomdin nüng hatü nüngei hühiha kü den kü bahhen” shei e. Hapheikü Elisha toueipü Gehazi lüdai, hatü büpa shüdao kei shoshi ngomei nyuteke.

KAHBHAO 38:16

Büpai pinnyü touei lemhaoei heihtü, “Heihkei, ngei nüng mü shishah” shei e. Mehenangkü büpai pinnyü-ü hapeülei yiük khih shei nenying. Pinnyüi, “Nüng peiyei ngei mü shijü nüngi ngei kü mehe shuohhenang?” shei phe.

KAHBHAO 29:14

Labani büpa kü, “Nüngü ngelei hapeü hatü ngelei iy” shei e. Jakob büpa mü lenyang hük nyuteke.

JOSHUA 7:21

Jeni yahpü douthü khongkü ngei Babylon amei bhagthuh meipü hük, ngin dok nyi hükshing, hatü hon dokbhao shei ahshi-üng mükhühshi eepü nangkü ngei hathü yahpeih. Hathüyü hamei ashakshemei kahdok shotü ngin peü mü phangei shihtü dungshi shepeih” shei Akhani e.

MENVIH KESHO 62:10

Aetpüshepü kü hingtelem; angsha kü gühhen kü mongtelem; mop nyeinya dashingkü nüngei mong hathü kü tenyang.

KANDOK 15:27

Hahnempü shennyaki laophülei shemong kü shanghah koei leinyüpeih, shejao üpai yawhdou kü jiühitnya, yemmü nyuhen.

CHONGVENBÜ 2:19

hatü büpayü nahpü nevaijü ngapa vaihen aoküpai nyingpa? Shejao vanghenyü phangkü ngelei kihikoni nyiueinangei düktükpü kü büpai shembü vaihen. Hapayao angsha khih.

MATHI 6:19

Ammi hapa kahdoknyülei laophü shing mop tejao; melei thep hatü düithungi hahtüknya, hatü gühpai shem mangei shüei gühlangnya.

MATHI 13:22

Hüh chi kü vüpü sheiliyü ha hih; hanei ami hapa shah dannyüke, shejao kahdok yangnyu chudeih mongshang hatü mop vaüpai hapa shah lümtükhünyeih hatü betjük nejüki leidainyeih.

MARK 4:19

shejao yangnyu chudeih mongshang, mopi yawhpüyangpü hatü peikahen lebü douthü deihpü peinyüke; hapai shahjangmei lümlangtü betjük nejüki leitüknyüke.

KOLOSI 3:5

Hanangkü am kü nyupü kahdoknyü nyingnyoilei douthü peü dihütuh: iyjeiphailei, nedaüpü, iyhiphai-i napü, ten vaüpü, hahnempü (mepa yaongnaüya khümpü nyüpa),

2 TIMOTI 3:2

Mehenangkü shennyakthüi laophü kü mon bampü, lop bampü, daühingam epü, changmeipü, deyeinaamei epü, nyühipalei ven nedanpü, menvih neshuohpü, nedaünelangpü,

KAHBHAO 34:27

hatü Jakobei lebü hapeüthü peiyei chenaü mangtükpü nangkü chingnyü leipü mop kemei yah-ei leilang.

1 ONGPATHÜ 2:40

Hanangkü büpai büpalei gadu kü uotü Gath am Akhish touei aa nyi yemei dai. Hapa keiha Shimei daiyei Gath leipü aa nyi müei lei.