1 TIMOTI 5:5 - DAÜLANGPÜ LAIHING (BSI)

⁵ Vaümnyü, üpa monha nyu, Kahvang kü monglemnyüke hatü nyakhingai thüngei yüpü hatü phoppü kü nedoh-i nyunyüke;

1 TIMOTI 5:5 Referans Kwoze

1 TIMOTI 5:3

Hingmei mü vaümnyüthü kü dhüm shuohtuh.

LUK SHAHSHA APPÜ 2:37

hatü pinnyü bong büalipüali ngoipü thahshi vaümnyü nyuteke. Pinnyüi mechemao phopshem leipü nedai shejao halei nyakhingai thüngei shüaeiyungleyei phopei khümei nyu.

1 PETER 3:5

Ha aihük mü aivang den kü Kahvang kü monglempü daülangpü nyühathüi laophülei baha phangkü nyupü homei dhemeilaüma ow owpeih.

1 TIMOTI 5:16

Vaipü nyüha hanei jom shemei vaümnyü hanei nyujema, pinnyüi hathü kü jungtuh; hayü attoilei hanggovih nyemtevai, shejüang hapai hingmei monha nyupü vaümnyü kü jungaokhen.

1 KORINT 7:32

Am mongshang neshiüi nyemnyu shei ngei deihnyeih. Shem neyempü shennyakü Shembüpalei dousho aokhen, mekei etü Shembüpa mongmeihühen deihshi nyunyeih;

LUK SHAHSHA APPÜ 18:1

Hahepak kü Jisui jomphong kü düngei phophen hatü mong nemahhen vongbong shei shahlap hük eteke.

MENVIH KESHO 91:4

Büpalei yangkaoki nüng unglanghen, büpa jungpai nüng yanglanghen; büpa shahhing epeyü nüngei inyüshung hatü penyüsha.

EPHESIA 6:18

Hepak peü kü phoppü hatü yüpü lemphü kü Laangha kü phoptuh. Ha vaipü nangkü mükpaonathashi nyutuh hatü düngei daülangpüthü shingvaishi phopei nyutuh.

LUK SHAHSHA APPÜ 18:7

Kahvangi jelangpüthü büpa kü nyakhingai thüngei lenjü büpai shahhing shahphen neshuohhen je? Büpai jom kü sheühhen kaaei nyudaihen je?

RUTH 2:12

Nüngi mehe dükpa, ha kü Shembüpai nüng kü nyemshempha. Shembüpa, Israel Kahvang, üpalei kaokhiyang phangkü loihen nüng peitepa, büpai nüng kü thintho changshi nyemyahphama” shei e.

1 KORINT 7:34

hatü büpalei chudeih nyi hantü nyunyeih. Shem neyempü nyüha hatü nelayü büm hatü laangha kü daülangi nyuhen nangkü Shembüpalei dousho deihshi nyunyeih; shejao shem yempü nyühayü kahdoknyü shahhidou kü mekei etü baha mongmeihühen deihshi nyunyeih.

ROM SHAHSHA APPÜ 1:12

ha lappai, am hatü ngei aa kü jen hüki hük hinglempü kü nangthongteihen.

ROM SHAHSHA APPÜ 1:5

büpalei men kü Kung am peü hinglempai ven danpü touei mühen shingvaishi büpa homei jeni phahji hatü phongshan vaihen dangteke,

PHONGSHANTHÜ DOU 26:7

Nyakhingai thüngei lanei shuoh-ei khümshingkü jat anpünyi-i danghen shei monglempü lahpeyü hapa hih. Ongpa, hapa monglem nangkü Jehoda ami ngei nyonghünyu khih.

YOUNG LAI 1:13

Büpai shanglemeipü aw shom, hatü hapai ngelei vang mongei bah; Büpai ngelei lem kü tai haen, hatü kahdokei shüei vü; Büpai ngei yakphong, hatü helu tüngei tuhphong.

ISAIAH 54:1

“Loktuh, Oh nyülan, hapeü chemao mangpohpü; Kesho loktuh, mongongpai lentuh, am aokvomi chemao mangtüngpüthü; Baha nyupü nyühathülei hapeüthü meyü, yaktükpü nyühathülei hapeüthü nyeishi nyuhen” shei Shembüpai enyüke.

ISAIAH 50:10

Am khongkü üpai Shembüpa kü nyemnya, hatü büpalei chongphobülei shah bangnya, üpai vangngai neshiüi vangnyak kü kamnya, shejao Shembüpalei men kü hinglemnya, hatü büpalei Kahvang kü hinglemnya?

ISAIAH 49:21

Hahepak kü ammi ammei mongei, “Ham kü naüthü hajükjük üpai bühphopa? Ngeiyü naüthü mahdaitü kong mü nyuhampeih; Ngeiyü wüpküpei daiyei yaktükpü kei nyuhampeih. Hathüyü üpai bühpa? Ngei monha nyupeihhathü hashihthü meleipü peiküpa”? shei ehen.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

ISAIAH 3:26

Zion penyüshathü mahng thephen, hatü younghen; hapa chingnyü-ü bümkong nehahneyingi kahdokei uoshi nyuhen.

PHONGSHANTHÜ DOU 6:1

Shaang hathü nyih kü mechem nanglak bhei-ie dapa, Greek ami jomei vaümnyüthü kü nyihjeih hahying jiüshi nehannyu shei Hebrew am khüei langmaan.

PHONGSHANTHÜ DOU 9:39

Hanangkü Peter layaongei jiji mü heih, hatü mechem büpa ngoijapa, jomi büpa jaandokpa dung-amei müei an. Vaümnyüthü büpa touei yaongtü pinnyü jom mü nyushi Dorkas-i thüngshuohpü bhagthuh hatü ashakviha hutü thep.

PHONGSHANTHÜ DOU 9:41

Büpai pinnyülei lak kü khaaitü pinnyü yaonghü. Hapheikü büpai nanglomthü hatü vaümnyüthü kü nyükei büpai pinnyü yemmü deiyei shuoh.

PHILIPPI 4:6

Menüng kao am mongtok tevai, shejao lemphüli kü phoppai hatü yüpai menvih shuohpü mü ammi yüpü Kahvang kü nyinghütuh,

1 TIMOTI 2:1

Shongpüba kü yüpü, phoppü, mih shing phoppü hatü menvih-ei phoppü peü shing,

2 TIMOTI 1:3

Mechem ngei nyakhingai thüngei phoppü kü ngei nüng deihei danghenshang, bühipai khümpükei ngelei chudeih mongdang daülangpai khümpü Kahvang kü ngei menvih shuohnyeih.