1 TIMOTI 5:18 - DAÜLANGPÜ LAIHING (BSI)

¹⁸ Mehenangkü Laihingi, “Hah tenpü mohoh-ei ju kü tuw tethuh” hatü “Dou dükbü-ü nanglat danghen shangpeih” shei enyüke.

1 TIMOTI 5:18 Referans Kwoze

SHAHKÜP 25:4

Hah tenshing kü mohohlei ju kü daw tethuh.

1 KORINT 9:14

Ha aihük mü üami shahjangmei baongnya, hathüi shahjangmei baongpai jomei yangnyu haümhen Shembüpai shahkung shuohteke.

LUK SHAHSHA APPÜ 10:7

Jomi mehe yahphahenshang hah-ei yingei ha shemei nyutuh; mehenangkü dou dükbü-ü nanglat danghen jiüpeih. Ammi shem hük kübü hük shei telongtei.

MATHI 10:10

khoung teko nevaijü bhagthuh nyi, nevaijü lathuh nyi teko, hatü lenshuoh teno; mehenangkü dou dükbüi laophülei hean danghen shangpeih.

LEVI 19:13

Ammei chingyowpa kü telutelem nevaijü tegüh. Nepphei thahshi ammei kahlei nang shapü kü lat neshuoh-i tetuh.

JAKOB 4:5

Nevaijü jen kü nyuhüpü laanghayü Kahvangi büpa shing mon nyuhühen mükhühnyeih shei Laihingi epeyü meheyao nevai shei ammi deihnyu je?

ROM SHAHSHA APPÜ 10:11

“Büpa kü hinglempü üpaao neveühüpih” shei Laihingi enyüke.

ROM SHAHSHA APPÜ 9:17

Mehenangkü Laihingi Pharaoh kü hei eteke: “Ngelei men kahdoknyü peülei baonghen nangkü nüng kü ngelei ngan huhühen mükhong kü ngei nüng longei anshihpeih.”

GALATIA 3:8

Kung amao hinglempai Kahvangi dahshakhühen shei Laihingi yeihshi eeyei sheleiüng hapa shahjangmei Abraham kü, “Kung am peü nüng homei moihimanhen” shei baongei eteke.

ROM SHAHSHA APPÜ 11:2

Büpai yeihshi nyingei nyupü laophülei nanglak Kahvangi neyaktükangpih. Laihingi Elijah nang mehe e, mekei büpai Israel am khüei Kahvang kü phoppa, ammi nyingla?

ROM SHAHSHA APPÜ 4:3

Mehenangkü Laihingi mehe enya? “Abrahami Kahvang kü hinglem, hatü büpa kü daülangpü shei ieyeilem.”