1 TIMOTI 5:17 - DAÜLANGPÜ LAIHING (BSI)

¹⁷ Behethü üami meishi chongphonya, anyei vaishi chongvenpü hatü nyuhpüvenpü dou düknya, jomphongü lat shingnyi nyeishi danghen shangpeih.

1 TIMOTI 5:17 Referans Kwoze

HEBREW 13:17

Ammei mübüthülei ven bangtuh, hatü jom phangkü shütuh; mehenangkü jomi ammei laangha kü veishi nyunyeih, hatü am nang jomi shah-om shuohhen. Jomi epü ammi bangjema, jomi mongongpai jomei dou dükkahen, hei nevaijema jomi mongmangpai dükkahen, hatü hapayü am shing nanglei nevaikahen.

GALATIA 6:6

Üami hathü shah nyuhhahnya, hathüi laophülei nyuhbü mü doumei peü hanteihen vongbong.

LUK SHAHSHA APPÜ 10:7

Jomi mehe yahphahenshang hah-ei yingei ha shemei nyutuh; mehenangkü dou dükbü-ü nanglat danghen jiüpeih. Ammi shem hük kübü hük shei telongtei.

HEBREW 13:7

Am kü Kahvangei shah ephopü ammei mübüthü deih-ei dangtuh; jomei yangnyu nyuhichong kübü vampü deih-ei dangtuh hatü jom hinglempü kapituh.

2 TIMOTI 2:6

Kah lingbü üpai dou kheyei dük, büpai shongpü betjük phaihan danghen vongbong.

PHILIPPI 2:29

Shembüpa kü mongong longpai mongongei büpa yahtuh, hatü hapa keipü shennyakthü kü dhüm shuohtuh;

ROM SHAHSHA APPÜ 12:8

hapayü mongnang thongpü vaijema, büpai mongnang thongtuh; hapayü mih kü shuohpü vaijema, büpai nekaungi shuohtuh; hapayü mübü hean vaijema, büpai kenhingei vanglem lemtuh; hapayü phahji hupü vaijema, büpai ha monghumei düktuh.

PHONGSHANTHÜ DOU 28:10

Jomi hamphong kü dhüm longi shuoh, hatü mechem ham layaongdaihen ngoipa, jomi ham nahen hahying peü jahas mongei hüphüteke.

2 KORINT 6:1

Jen chemi büpa mü dou dükshingkü Kahvang phahji angkong kü neyahhen hami am kü enyeih.

ROM SHAHSHA APPÜ 16:12

Shembüpa kü chongphopü Triphaena hi Triphosa nyi kü selam ete. Shembüpa kü kheyei dou dükpü bampü Persis kü selam ete.

ROM SHAHSHA APPÜ 15:27

Jomi ha dükhen mongong, hatü jomi hathü kü ha dükhenü hang nyüke; mehenangkü Kung ami Jehoda amei laangha moihimanthü hanteijema, Kung amiyao Jehoda am kü jomei mophimo hanteihen jiüpeih.

PHILIPPI 4:3

Hih, ngei am kao phenyeih, ngei mü pang hük paipü, hapa nyüha nyi kü sheühtuh; mehenangkü shahjang meipü dousho nangkü ngei mü jiji hatü Klement hatü chemi chongphopüthüi kheyei düktepih, hatü jomei men yangnyu laitap kü nyangei nyüke.

1 KORINT 16:16

Jeihinaüthü, hapa keipü shennyaki müpü pheikü dou dükpüthü peü mütuh shei ngei enyeih.

PHONGSHANTHÜ DOU 11:30

jomi hayü Barnabas hatü Saul nyi mü shomei attoi behethü kü dükteke.

2 ONGPATHÜ 2:9

Mechem jijinyi yung hompa, Elijah-i Elisha kü, “Ngei nüng toueipü anlanghen shekü ngei nüng kü mehe dükhahhüpüshang eshih” shei e. Elisha-i, “Nüngei ngan mükjüp phaihan shing nyi ngei kü yahshih” shei e.

2 TIMOTI 4:2

Shahjangmei chongventuh; dühü kü hatü dühü nevaipü hepak kü temei nyutuh, inyainyempü longpai, hatü kenhingei nyuhpai nejiüpü kü yeantuh, loh-eishuoh, hatü nangthongtuh.

1 TIMOTI 4:16

Nüngi laophülei yangnyu, hatü nüngi nyuhpüvenpü kü kenhingtuh. Hathü dou nedoh-i düktuh; mehenangkü nüngi hathü dükjema, nüng hatü nüngi epü bangpüthü nyiphen yanghen.

1 TIMOTI 3:5

Hanei ami laophülei shemong kü dangkao vanglem nelemaokjema, büpai mekei etü Kahvangei attoi jungei aokhen?

PHILIPPI 2:16

Ammi yangnyu shah kü wongshongi shoungpü homei ngei angsha kü nemok, nevaijü dou nedük shei Khristalei nyih kü ngei changmeiaokhen.

MATHI 24:25

Yeihshi ngei am kü ha etepih, nyingtuh.

HEBREW 13:24

Ammei mübüthü hatü Kahvangei nanglakthü peü kü selam ete. Italy leipüthüi am kü selamja.

1 TIMOTI 4:10

Ha tata kü hami ponghah-ei dou düknyeih; mehenangkü ham monglempeyü hangku peü, anyei vaishi büpa kü hinglempüthü yemleipüba vanyangyem Kahvang kü tuh-ei nyüpeih.

1 KORINT 15:10

Shejao Kahvang phahji homei ngei shaang mehe nyu ha hih, hatü büpalei phahji ngei shingvaishi angsha neleidai. Halei meyü jomphong peü mü ngeiang nyeishi kheyei dükpeih– hapayü ngei nevai, shejao ngei mü nyupü Kahvang phahji homei.

PHONGSHANTHÜ DOU 20:35

Ha peü kü ngei am kü hapakei dou dükpü homei Shembüpa Jisulei shah deih-ei dangtü wong nekohpüthü kü sheühhen khih shei ngei am kü lappü hük shuohtepih; mehenangkü büpai, “Yahhahpü leimeyü yahshuohpüüng meipüba” shei eteke.

JOHAN 4:38

Ammi nelingpü kah leipü vethen ngei am shompeih; mih-i ha lingteke, hatü jomi dükpü kübü nanglei ammi dangteke” shei e.

LUK SHAHSHA APPÜ 12:42

Jisui e, “Laophülei shembüi büpalei aathü kü hepak jiüshi jomphong kü hanpü hahying shuohhen dousho hanhen mü hingshangpü hatü kon kohpü kheipa üpa nyüpa?

ZEKHARIAH 9:12

Oh monglemlem shei wüpküpei yepei küpshi nyupüthü, am yangshing yemei leituh; Ngei shaang, am kü enyüpeih, ammi ponghahpü peü shingvaishi ngei shing nyi nyokei moihimanphahen.

JEREMIAH 17:18

Ngei kü shüveipüthü veü ponghütuh, shejao ngei tevaühüma; Jom nyemhütuh, shejao ngei nyempü kübü yangshih. Jom kü shanghah nyih koei peijatuh, jom shingnyi nyeishi mangtüktuh.

JEREMIAH 16:18

Jom nemeipü hatü jomei mang nangkü ngei shingnyi shemhen; mehenangkü jomi ngelei kahdok yangnyu neshiüpü lajei mahngi, hatü ngelei mükjüp jiühitnalai-i matükteke.

ISAIAH 40:2

Jerusalem nanglakthü kü yawh-eiyangei etuh, hatü pinnyü kü, “Hepak luangi shanghahpü dohdaiteke, pinnyülei mang tükteke, jomei mang shingvaishi SHEMBÜPAleipü jomi shingnyi dangteke shei baongeishuoh.

1 TIMOTI 5:3

Hingmei mü vaümnyüthü kü dhüm shuohtuh.

1 TIMOTI 4:6

Nüngi ha nyuhpüvenpüthü jeihinaü hatü nyahinaüthü kü shuohjema, nüngü hinglempü shahthü, hatü nüngi yahpü nyuhpüvenpü meipai haümei longpü Khrista Jisulei chongphobü hük leihen.

1 KORINT 3:9

Mehenangkü henjiyü chemi dou dükpü Kahvang chongphobü nyi; amphongü Kahvangei kah, Kahvangei shem.

1 TIMOTI 4:14

Nüng kü nyupü laangha thintho mepa thihivam shah homei hatü behethüi laki shüngei shuohpa, ha nenotei-i tetuhphong.

1 TIMOTI 5:19

Denpü nyi jem nenyupheikü behe hük khüei nyonghühen teyaong.

BHEI-IE 18:31

Nüng hatü am shemi melei melei shangkü hahhen aokhen; mehenangkü hapayü nüng ashakshemei chongphopü nangkü nüngei lat nyüke.

SHAHKÜP 18:8

Büpai lebü ngongpathü kei hükkeipü phaihan danghen, hatü shem ami shompü lemphü noteihen aok.