1 TIMOTI 5:14 - DAÜLANGPÜ LAIHING (BSI)

¹⁴ Hanangkü vaümnyü naüeethüyü shem yemei, hapeü angei laophülei shemong lingei nyemnyu shei deihnyüke; shejüang vepathüi jen khüei ten ehen lem nedanghen.

1 TIMOTI 5:14 Referans Kwoze

TITUS 2:5

ungei-aeihen, daüeilangei nyuhen, shemong meishi shümaokhen, bampü, laophülei baha phangkü shüaokpü am leihen, shejüang Kahvangei shah dhüm neshiüi neleihen.

1 TIMOTI 6:1

Üami aalei pang phangkü nyüpa, peüi laophülei shembü kü dhüm shuohtuh, shejüang Kahvangei men hatü nyuhpüvenpü kü ne-eelahen.

TITUS 2:8

hatü meipü shah mechemao nyonghününg neaok; shejüang jen kü khüpüthüi ten ehen meheyao neshiüi jom veühen.

1 TIMOTI 4:3

Jomi mih kü shem neyemhen, hatü hinglempüthü hatü shahhing nyingpüthüi menvih shuoh-ei hahhen shingvaishi Kahvangi lingpü hahying nehahhen enyüke.

DANIEL 6:4

Ha nyingei, vanglem lembü nyi hatü governorthü peü Danieli ongching kü dükpülingpü lemphü kü mang yephen lem yem, shejao jomi büpa kü shaipü pungpü meheyao neyepaok; mehenangkü büpayü shahhing epü, nehetnewongi nenyupü nevaijü meheyao ten neshiüpü shennyak nyuteke.

KANDOK 14:1

Kon kohpü nyühai laophülei shemong lingnyüpeih, shejao nganyüi laophü nyingi ha mangtüknyeih.

HEBREW 13:4

Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

1 TIMOTI 5:11

Shejao vaümnyü naü-eethü omei tenyang; mehenangkü mechem jomei mongkü shem yemhüei leyei peihenshang, jomi Khrista toueipü yandainyüke,

1 TIMOTI 2:8

Hanangkü shing peü kübü shennyakthüi mongshih nevami nevaijü shah nedaktei-i lak haongei nyemphop shei ngei deihnyüke;

2 KORINT 11:12

Lebü phongshanthüi changmeihen hatü hami dükpü dou hükkeipü jomiyao düknyeih shei ngam yahhen kübü bangtükhen shingvaishi ngei shaang mehe dou düknya, ha nedoh-i dükei daihen.

ROM SHAHSHA APPÜ 14:13

Hanangkü jen hüki hükei shah nephenshah, shejao ha nang jeiyei mih-ei lem kü huluh yaong nehaühen nevaijü lem nebangteihen deihshah.

2 SAMUEL 12:14

Shejao nüngi hapakei dükpai Shembüpa kü longi yaüeilungteke; nüng kü bühküpü hapeü didaihen” shei e.

KAHBHAO 18:9

Jomphongi büpa kü, “Anyüha Sarah melei nyüpa?” shei phe. “Pinnyü-ü shem mongei nyüke” shei büpai e.

KAHBHAO 18:6

Abrahami shemei shüei Sarah kü, “Shülangi atta aan meipü dok jem hükshing yah-ei ngümei aan lingtuh” shei e.

JEREMIAH 29:6

Shem yemei hahimoi büh-ei paümei nyutuh; jomiyao hühiha nyuhen shingvaishi yeshangthü kü nyüha yahhütuh, yiükhathü doi deishihtuh. Hangku nanglak nekomi dahütuh.