1 TIMOTI 5:10 - DAÜLANGPÜ LAIHING (BSI)

¹⁰ Pinnyülei doumei kü peüi denpü shuoh-aokshampü, hapeüthü meishi longaokpü, yen kü bampü hupü, daülangpüthülei la phuopü, shanghahpüthü kü sheühpü, hatü lem peü kü doumei dükpü kü lanei shuohpü vaihen khih.

1 TIMOTI 5:10 Referans Kwoze

1 TIMOTI 6:18

Doumei dükhen, doumei kü shemmei leihen; nekaungi mih mü hanteihen temei nyuhen etuh.

TITUS 3:8

Üami Kahvang kü hinglemei pei, hathüiyao doumei kü lanei shuohhen shingvaishi nüngi hathü kü dhaümshi dükkahen ngei nanyüpeih; hathü dou longi meipeih, hatü peü shing nanglei nyüpeih.

PHONGSHANTHÜ DOU 9:36

Shaang Joppalei nanglom hük Tabitha, (Greek shah mü Dorkas) shei menpü nyu. Pinnyü-ü düngei doumei dükpü hatü taopathü kü sheühhamteke.

TITUS 3:1

Nanglakthü kü vanglem lempü hatü wong nopüthü phangkü nyuhen, ven danhen, doumei lemphü tempülempü nyuhen,

TITUS 2:7

Doumei peü kü nüng nyingi lappü meipü hutuh, hatü nüngi nyuhpü kü shahhing, hatü mih yepei leiaokhen mü nyuhtuh,

2 TIMOTI 3:17

shejüang Kahvangei shennyakthü peü doumei peü shingvaishi dükaokhen temtüktü nyuhen nyüke.

ROM SHAHSHA APPÜ 12:13

Kahvang shennyakthü taopü kü moilatuh; yenpa kü bampü hutuh.

LUK SHAHSHA APPÜ 7:44

Hapheikü büpai hapa nyüha philei yaakei leitü Simon kü e, “Nüngi hapa nyüha eenyüla? Nüngi ngelei la phuhen yung meheyao neshuoh, shejao pinnyüi laophülei mükphi-i ngelei la shiehütü pinnyülei sho-i thitnyüke.

MATHI 5:16

Hapa keiha am kü nyupü vangngai mih kü nyahütuh; shejüang jomi ammei doumei eeyei vangsholei nyupü ammei Pa kü müknyinshekhang shuohhen.

1 PETER 2:12

Kung am touei ammi dhüm kohshi düktuh; jomi am kü ten dükpü am shei ejao büpa shahphenhen yiüshingkü jomi ammei dhüm kohbenüng doumei eeyei Kahvang müknyinshekhanghen.

HEBREW 13:21

büpai am mei lemphü kü büpai mongpü dükhen changhüshahühen, shejüang Jisu Khrista homei büpai mong hahbenüng büpai jen homei dükhen, büpa kü den den kü müknyinshekhang vaituh. Amen.

HEBREW 13:2

Yenpa kü bampü huhen tebetük; mehenangkü hapakei dükpai hanei ami nenyingi vangsho phongshanthü kü ühyingpeih.

HEBREW 10:24

hatü bampü hatü doumei dükhen nangkü hüki hük mü nangthongteishah.

TITUS 3:14

Nyihjeih nadang lanaokhen shingvaishi, hatü meheyao nanglei neshiüi nenyuhen shingvaishi doumei kü lanei shuoh-ei dükhen nanglakthü kü nyinghütuh.

TITUS 2:14

Büpai jen mang peü kübü angei leihen, hatü büpai laophü shing lompü vaihen nangkü doumei dükhüpü nanglakthü daühühen shingvaishi büpai jen shing laophülei yangnyu shuoh.

LUK SHAHSHA APPÜ 7:38

Pinnyüi büpalei dokphei kü la tüngei thepei yaong, hatü pinnyülei mükphi-i büpalei la shiehü, hatü pinnyülei sho-i ha thitei ühü. Hapheikü pinnyüi büpalei la kü jüptü meli phuteke.

KAHBHAO 18:4

Ngei yung maani ankününg; lakhüh shephutü hapa püdhümei nyiumeituh.

3 JOHAN 1:12

Peüi Demetrius meipü jung denpü enyüke, hatü hayü shahhing nyüke. Hamiyao büpa jung denpü shuohnyeih, hatü hami denpeyü shahhing shei nüngi nying.

1 PETER 4:9

Ne-eela-i hüki hük kü sheühteituh.

2 TIMOTI 3:15

hatü hashih mebü nüngi Daülangpü Laihing, mepai nüng kü Khrista Jisu kü hinglempü homei yemleihen shingvaishi nyuhhen aoknya, ha nüngi nyingei nyüke.

2 TIMOTI 2:21

Ngei epü douthü kübü laophü nyingi daüei nyupüthü peü shem shembü am kü doumei lemphü shingvaishi noteihen daütüktü temei tuhpü dükhi-ümthü leihen.

2 TIMOTI 1:5

Ambi Lois kü shongei nyupü hatü anyü Eunice kü nyupü hinglempü ha nüng kü shaangao nya-aipih shei deihnyeih, hatü nüng kü nyupü hinglempü lekpü ha ngei deih-ei dangnyüke.

1 TIMOTI 5:25

Hapa keiha doumeiyao ngaiheyei eenyeih, hatü hathü ngaiheyei ne-eejao joshi nenyuaokpih.

1 TIMOTI 2:10

shejao Kahvang kü dhüm shuohpü nyühathü kei jiübenüng doumei-i owtuh.

KOLOSI 1:10

Shejüang Shembüpa touei changpü yangnyu nyuei lem peü kü büpa mong hahhühen, doumei peü kü betjük jükei Kahvang nyingpü kü longhen nangkü hami phopnyeih.

EPHESIA 2:10

Mehenangkü jenphongü büpai mehe ling, ha hih, jeni dükhen shingvaishi Kahvangi yeihshi mebü Khrista kü doumei shingvaishi jen lingpeih.

PHONGSHANTHÜ DOU 22:12

Ananias shei menpü shennyak hük, shahkungnyü kü jiüshi vaipü hatü halei nyupü Jehoda am peüi büpa nang meishi epü shennyak hük;

PHONGSHANTHÜ DOU 10:22

“Veshan kho hük shak kü mübü Kornelius-i hamphong shompeih. Büpayü daülangpü hatü Kahvang nyempü shennyak hih. Jehoda am peüi büpa kü longi dhüm shuohnyeih. Nüngi mehe e büpai ha banghen shingvaishi daülangpü vangsho phongshani nüng jomei shemei nyükhen eshuohpüja” shei jomphongi jangei e.

PHONGSHANTHÜ DOU 9:39

Hanangkü Peter layaongei jiji mü heih, hatü mechem büpa ngoijapa, jomi büpa jaandokpa dung-amei müei an. Vaümnyüthü büpa touei yaongtü pinnyü jom mü nyushi Dorkas-i thüngshuohpü bhagthuh hatü ashakviha hutü thep.

PHONGSHANTHÜ DOU 6:3

Hanangkü jeihinaüthü, amphong khong kübü menmei kohpü, Laangha hatü kihikoni maei nyupü jetuh, hatü hami jomphong kü hapa dousho kotü tuhhen,

ISAIAH 1:17

Jiüpü dükhen nyingtuh, shahhing yemtuh, neaoknethangpüthü kü sheühtuh. Hashihhathü kü jiüpü düktuh, vaümnyülei shahphentuh.

MENVIH KESHO 119:4

Kenhingei dükhen shingvaishi nüngi nüngei shahkungthü shuoh.

LEVI 25:35

Jempü Israel shennyak taoei laophü nyingi nesheüh-aoki leijema, benha kü kei am mü nyuhen shingvaishi lakeiloiyei nyuhen nyushing yah-eishuoh.

KAHBHAO 24:32

Hanangkü hapa shennyak shemei aong, hatü utthü leipü hanggo ngühlang. Utthü shing hahtang hatü het anei shuoh, hatü hapa shennyak hatü jempü shennyakthü shing lakhüh shephuhen yung anei shuoh.

KAHBHAO 19:2

“Ngelei shembü nyi, chingmeilemlingei shemei shükütuh. Lakhüh shephutü sheyayü shemei paümtü nepnüng lomi layaongei daituh” shei e. Jijinyi-i, “Anyoh, henjiyü chingshongei kamteiyei paümhen” shei e.

1 TIMOTI 5:16

Vaipü nyüha hanei jom shemei vaümnyü hanei nyujema, pinnyüi hathü kü jungtuh; hayü attoilei hanggovih nyemtevai, shejüang hapai hingmei monha nyupü vaümnyü kü jungaokhen.

1 TIMOTI 3:7

Büpa mih-i nenaamhahhen mü hatü kahshihlei tai kü nemanhen shingvaishi attoi haolei nyupüthü touei menmei kohpü vaihen vongbong.

KAHBHAO 43:24

Mechem chongphobüi jomphong Josephei shemei müei shüei yung yahshuohpa, jomphongi lakhila phu, hatü gaduthü kü het üh,

1 TIMOTI 3:2

Shaang attoi mübü hükü nepaohneshaipü, nyüha hük mü mon shem yemei nyupü, shümei aokpü, laophü nyingi ungei-aeipü, dhüm kohhahhen mü nyupü, yen kü bampü, nyuh-aokpü,

MATHI 25:17

Hapa keiha phaihan haja nyi dangpü shennyakiyao shao phaihan haja nyi üei lat.