1 TIMOTI 4:3 - DAÜLANGPÜ LAIHING (BSI)

³ Jomi mih kü shem neyemhen, hatü hinglempüthü hatü shahhing nyingpüthüi menvih shuoh-ei hahhen shingvaishi Kahvangi lingpü hahying nehahhen enyüke.

1 TIMOTI 4:3 Referans Kwoze

1 TIMOTI 4:4

Mehenangkü Kahvangi lingpü lemphü meiangpeih, hatü menvih shuoh-ei hahphei keyü tükhen meheyao neshiü;

HEBREW 13:4

Peüi bükhishem yempü kü dhüm shuohtuh, hatü shem yempü amei shinshing nesheih-i angtuh; mehenangkü Kahvangi iyjeiphailei hatü mükbongjuyung nyiphen shahphenhen.

ROM SHAHSHA APPÜ 14:6

Üami nyih hük kü hayaoha dhüm shuohnya, Shembüpa kü dhüm shuoh-ei yahtuh; shao üami hahnya, Shembüpa kü dhüm shuoh-ei hahtuh; mehenangkü jomi Kahvang kü dhüm shuohnyüke; üami nehahnya, Shembüpa kü dhüm shuohpai tehah, hatü Kahvang kü menvih shuohtuh.

KOLOSI 2:16

Hanangkü üpaiyao amphong hahying nangkü nevaijü mohitap, lenja nevaijü Sabbath nangkü am tenyonghü.

1 KORINT 8:8

Shejao hahyingi jen Kahvang yopailei müei nepeinyih; jeni nehahjao meheyao shaidaipü neshiü; jeni hahjao meheyao mei neshiü.

KAHBHAO 9:3

Ngei am kü phenhavunglak shuohpükei yemmü kamteipü yem peü ammi hahhen shuohnyeih. Ngei am kü lemphü shuohnyeih.

KOLOSI 3:17

Ammi mehe dükhen, shah kü vaijao dou kü vaijao, lemphüli Shembüpa Jisulei men kü büpa homei Pa Kahvang kü menvih shuoh-ei düktuh.

1 KORINT 7:28

Shejao am shem yemjema, hapai am mang nethahnyih, hatü nela hük shem yemjema, pinnyüi mang nethahnyih. Shejao üami shem yemnya, hapa yangnyu kü shanghah ponghen, hatü am ha kübü yanghüei deihnyüke.

ROM SHAHSHA APPÜ 14:3

Lemphü hahpü shennyaki nehahpüba kü naamei tedeih, hatü nehahpübai lemphü hahpü shennyak nenyonghühen vongbong; mehenangkü Kahvangi büpa yahnyüpeih.

HEBREW 13:9

Baong nedangpü nyuhpüvenpü lemphü homei am nyongei temühü; mehenangkü Kahvang phahji-i wong kohhühenü mongdang shingvaishi meipeih, hatü hapayü hahying nangkü shahkung bangpai nevai; hathü shahkung bangpai meheyao nanglei nedangpih.

1 TIMOTI 2:4

üpai peü yanghen hatü shahhing nyingpü touei peihahhünya.

1 KORINT 6:13

“Hahyingü shünyü shingvaishi hatü shünyü-ü hahying shingvaishi nyüke,” hatü Kahvangi nyiphen mahtükhen. Bümü iyjeiphailei shingvaishi nevai, shejao Shembüpa shingvaishi, hatü Shembüpayü büm shingvaishi nyüke.

ROM SHAHSHA APPÜ 14:17

Mehenangkü vangsho ongchingü hahbenüng hatü yingbenüng nevai, shejao daülangshemshepü, chingmei hatü Laangha Daülangpü kü mongongpü nyüke;

MATHI 15:36

büpai ha aan pha nyet hatü nyah yah-ei menvih shuohtü bhaokteke hatü ha nanglomthü kü shuoh, hatü nanglomthüi khong kü shuoh.

CHONGVENBÜ 5:18

Hapayü meipü khih shei ngei eepeih: Kahvangi shuohpü yangnyu nyih shohük mong aa kü shennyak hük shingvaishi hahhen, yinghen hatü laophüi dükpü dou kü hüshemei nyuhen, hapa-üng büpalei lashüh khih shei ngei nyingpeih.

MATHI 14:19

Hapheikü büpai khongnyü kü thüngkon shangei uohen e. Aan nga hatü nyah bhaoknyi yah-ei notü büpai vangsho philei ngangei vei, hatü ha kü moihimantü aan bhaok, hatü nanglomthü kü shuoh, hatü nanglomthüi khongnyü kü hanei shuoh.

PHONGSHANTHÜ DOU 27:35

Büpai ha epheikü büpai hahying ngaiyei jom peü touei Kahvang kü menvih shuohtü ha demei hahteke.

JOHAN 6:23

Hapheikü Shembüpai moihimantü jomi aan hahpü shing yopailei Tiberius leipü ai hanei peiteke.

LUK SHAHSHA APPÜ 24:30

Mechem büpa jiji mü nükdülei uopa, büpai aan yah-ei moihiman, hatü ha bhaoktü jiji kü shuoh.

DANIEL 11:37

Büpai chebü chepai khümpü kahvangthü ne-ienelemhen, nevaijü nyühathüi kenpü kahvang kü dhüm neshuohhen, hatü mepa kahvang kao dhüm neshuohhen; mehenangkü büpayü peü mü longpeih shei deihhen.

1 SAMUEL 9:13

Anji jila ngoihinüng, büpa moidülei hahyinghen mangshüdai-i chongkahen hih. Büpa mangngoi thahshi nanglakthüi meheyao hahyingei chongnepanghen; mehenangkü büpai moila kü moihimanhen, hapheikü mon nyükpüthüi hahhen. Aongjatuh, büpa lomi ponghen hih” shei eteke.

MATHI 15:11

Shennyak hükei jushalei mehe shünya, hapai shennyak hük nedaüi neleinyih, shejao mepa ju kübü vamnya, hapai büpa nedaüi leihünyeih” shei e.

1 TIMOTI 5:14

Hanangkü vaümnyü naüeethüyü shem yemei, hapeü angei laophülei shemong lingei nyemnyu shei deihnyüke; shejüang vepathüi jen khüei ten ehen lem nedanghen.