1 TIMOTI 4:1 - DAÜLANGPÜ LAIHING (BSI)

¹ Pheilei hanei ami vaipü tuhphongtü lupülempü laanghathü hatü shepe-i nyuhpüvenpü kü mong shuoh-ei mühen shei shaang Laanghai ngaiheyei enyüke.

1 TIMOTI 4:1 Referans Kwoze

2 PETER 2:1

Shejao shahshem nyuhbüthü am nanglak khongkü vamteke, hatü ha aihük mü amphong khongkü shahshem nyuhbüthü vamkahen. Jomi joei tenbenüng chudeih koei peikahen; jomi jom angei leipü Shembüpa yaktükhen, hatü laophü nyingkü lomi mahhen koei peikahen.

JUD SHAHSHA APPÜ 1:18

mehenangkü jomphongi am kü, “Dohpü hepak kü mih vüshih-ei epüthü, Kahvang nenyingpü ten lem kü kampüthü vamkahen” shei eteke.

2 PETER 3:3

Shongpüba kü ammi ha nyingtuh; dohpü nyih kü yaüpülungpüthü mih kü yaüei hatü jomei iyjeiphailei kü nyupüthü peikahen,

JUD SHAHSHA APPÜ 1:4

Hingmei am khong touei Kahvang nenyingpüthü nyonghühen shingvaishi shelei mebü temtükpü nenyingi joei am touei peiteke. Jomi jenei Kahvang phahjiyü mükbongjuyung mü jeiteitüknyüke, hatü jenei Shembüpa Jisu Khrista yaktüknyüke.

2 KORINT 11:3

Shejao biüei glüp homei Ev luhahpükei Khrista kü ammi mong kemei hatü daülangpai lanei shuohpü kübü lemnyongei mülanghen khih shei ngei yingei deihnyüke.

2 TIMOTI 3:13

Shejao nemeipü hatü mih kü vinei dükpüthü, mih kü lawlüppüthü nemeipü kübü nemeipüba leidaihen.

1 JOHAN 4:6

Jenphongü Kahvang leipü. Üami Kahvang nying, jeni epü bangnyeih, hatü üam Kahvang leipü nevai jeni epü kü nebangnyih. Ha homei shahhing laangha hatü shahshem laangha jeni baong hanei nyingnyüke.

JOHAN 16:13

Mechem shahhing Laangha peikahen, büpai shahhing peü lemei am müphahen; mehenangkü büpai büpa nang ne-ehen, shejao büpai danpüthü ephahen, hatü ngoikahen douthü jung am kü ephahen.

1 JOHAN 2:18

Bampü hashihthü, hapayü dohpü hepak nyüke. Khrista khüpü vamkünyüke shei ammi danei nyupükei shaang Khrista khüpüthü longi vamteke. Ha homei shaang jeni hapayü dohpü hepak shei nyingnyüke.

DANIEL 10:14

Dohpü nyih kü ammei nanglakthü kü mehe vamkahen ha nüng kü nih-ei ephahen ngei peiküpeih. Hapa manghkhangü ngoikahen nang epü khih.”

SHAKEI VAMPÜ 2:11

Üpa kü danhen dhaong nyu, Laanghai attoithü kü mehe enya ha bangtuh. üami vehok neünya, nyipabü dipai jom kü nehongpih.

2 TIMOTI 4:4

hatü shahhing shah banghen kübü lepei lüdaihen hatü yimpilathü kü mong shuohdaihen.

SHAKEI VAMPÜ 20:10

hatü jom luhahpü kahshih-ü yemha hatü shahshem thibü nyupü awkaong meli bahpü aw shemyungei yepei shüktükteke; jom halei nyakhingai thüngei den den kü hanghiyei nyuhen.

SHAKEI VAMPÜ 3:6

Üpa kü banghen dhaong nyu, Laanghai attoithü kü mehe enya bangtuh.”

SHAKEI VAMPÜ 2:29

Üpa kü banghen dhaong nyu, Laanghai attoithü kü mehe enya bangtuh.

EZEKIEL 38:16

ngelei nanglak Israel am khüei kahdok kü phumnyaki jümpükei peihen. Shompülei ngelei kahdok khüei ngei nüng müei peihen, Oh Gog, shejüang mechem ngei nüng homei ngelei daülangshemshepü jomei müki eeshi huhenshang jatthüi ngei nyinghen.

1 PETER 1:20

Büpayü kahdoknyü lingshekü jepeih, shejao ammei men kü dohpü nyih kü shakei vamteke.

SHAKEI VAMPÜ 18:2

Büpai ngeü longpai nyükei e: “Doteke, doteke longpü Babylon! Hapayü kahshihthü nyushing leidaiteke, mang laangha hatü jiühitbenüng outhü nyushing, mang laangha hatü jiühitbenüng yemhathü nyushing.

KOLOSI 2:18

Am üpaiyao shahshemi maanpü leinyeih shei epüthü hatü vangsho phongshan kü khümpüthüi hayaoha manghkhang eenyeih shei am tenyonghü. Meheyao nevaivai-i hapa keipü shennyakthüi hangkulei phai chudeih enyüke,

1 KORINT 10:20

Nevai, mehe nevaipü ami moilanya, hayü Kahvang kü nevai, kahshihthü kü moilanyüke. Ngei amphongü kahshihthü mü hean yahpü am nyemtevai shei deihnyeih.

MIKA 4:1

Dohpü nyih kü hapa vamkahen: Hakei-üng Shembüpalei phopshem kahshangü peü mü shaopü kahshang leihen; Kahshangthü peü khongkü shaoshi linghen, hatü shennyakthü halei bhümei shühen.

JEREMIAH 49:39

Shejao shomshi ngei Elam am kü moihimanhen shei Shembüpai enyüke.”

JEREMIAH 48:47

Shejao shomshi ngei Moab am kü moihimanhen shei Shembüpai enyüke. Moab am kü shahphenpü hajük thahshi mon.

ISAIAH 2:2

Ngoikahen nyihthü kü Shembüpalei shem nyupü kahshangü, kahshangthü peü mü shaopü vaihen; hatü shangchingthü peü mü shaopüba longei anshihhen, hatü jatthü peü yung yenpükei halei peihen.

SHAHKÜP 32:29

Jom paoh kon kohlangmeyü jom dohpütenpü mekei nyuhen hapa yao-aokhen vaipeih.

SHAHKÜP 4:30

Mechem am shangpong yakying kü nyuhen, hatü hathüi am kü dhaümhenshang, hahepak kü ammi Shembüpa, ammei Kahvang touei mong lepei leiyei büpalei shah banghen.

BHEI-IE 24:14

Shaang ngei ngelei nanglakthü touei nyokei leidainyeih, shejao Israel ami pheilei ammei nanglakthü kü mehe dükphahen ngei leidai shekü hapa shahvüng ephüshah:

KAHBHAO 3:13

Hahepak kü Shembüpa Kahvangi hapa nyüha kü, “Nüngi mehe dükpa?” shei e. Hapa nyühai, “Biüi ngei luhahpeih; hanangkü ngei ha hahpeih” shei e.

SHAKEI VAMPÜ 20:8

hatü büpai kahdoknyü vaungjung ali kübü nanglakthü, lappai, Gog hatü Magog lueilemhen shingvaishi vamkahen. Büpai hathü yungching yungkung leipü bhihla kei hokhen shingvaishi thaihen.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

SHAKEI VAMPÜ 18:23

hatü awdük vangngai-i hajük kü am kü nekhanghen; hatü sheyü yiükyahpa hatü doi dailalei ngeü nedanhen; mehenangkü nüngei bhei leihpüthüyü kahdoknyü kü longpüthü nyupeih. Nüngei phongyom hüngletpü doui kahdoknyü luhahteke.

SHAKEI VAMPÜ 13:14

hatü hapa yemhalei men kü nyangeihepü dükpai yani ma yahjao meidaipü yemhalei lajei linghen eyei kahdoknyülei nyupüthü luhahteke;

SHAKEI VAMPÜ 9:20

Aopü hangkuthü, üam hapa cham kü nejütük, hathüi jomei lakdou nevaijü kahshih nevaijü hon, ngin, melangnyiam, yaong hatü pü yah-ei lingpü müki ne-ee, nevaijü nedan, nevaijü nekamaokpü lajeithü kü khümpü kübü nedoh.

SHAKEI VAMPÜ 3:22

Üpa kü banghen dhaong nyu, Laanghai attoithü kü mehe enya bangtuh.”

SHAKEI VAMPÜ 3:13

Üpa kü banghen dhaong nyu, Laanghai attoithü kü mehe enya bangtuh.

SHAKEI VAMPÜ 2:17

Üpa kü banghen dhaong nyu, Laanghai attoithü kü mehe enya, ha bangtuh. Üami vehok neünya, ngei jom kü joshi nyupü manna shuohhen, hatü ngei yaong shola hük hapa kü yahbüi nyingpü mü lenei üpaiyao nenyinghen mü men ja hük nyangtü shuohhen.

SHAKEI VAMPÜ 2:7

Üpa kü danhen dhaong nyu, Laanghai attoithü kü mehe enya ha bangtuh. Vehok neüpü peü kü Kahvangei Paradise leipü yangnyuyem pü kübü hahhen ngei shuohhen.”

1 KORINT 12:11

Hathü peü Laanghai mongpükei pabüm ieyei kü hapa aihük Laangha hüki shuoh-ei dükhünyeih.

PHONGSHANTHÜ DOU 28:25

Hanangkü jom hüki hük mü shahju nejiütei, hatü jom leidai shingkü Pauli shao shah hük hapakei e: Isaiah thibü homei ammei bühipa kü Laangha Daülangpai epeyü jiüpü khih,

PHONGSHANTHÜ DOU 17:18

Shao Epikurean hatü Stoik vaipü vanglem kü nyingpühingpüthüi büpa mü shah doktei. Hanei ami, “Hapa shahvang ahpai mehe ehünyuja” shei e. Lebüthüi, “Büpayü mih Kung amei Kahvang jung baongbü khih” shei e. (Hayü büpai Jisu jung shahjang meipü hatü yangei leipü jung epü nangkü nyuteke.)

PHONGSHANTHÜ DOU 13:2

Mechem jomi Shembüpa kü khümei shüaeiyungleyei nyupa, Laangha Daülangpai jomphong kü, “Mepa dou shingvaishi ngei jiji nyük, ha dou dükhen ngei shingvaishi Barnabas hi Saul nyi khaatei deishihtuh” shei e.

EZEKIEL 1:3

Babylon kahdok Kebar yungyenei Buzilei cheha Ezekiel ngongpa touei Shembüpalei shah pei, hatü Shembüpalei laki büpa kü dükteke.

SHAKEI VAMPÜ 16:14

Hathüyü kahshih laanghathü Jeiyong Kahvangei longpü nyih kü vehok hokhen shingvaishi kahdoknyü bahiyang peü kübü ongthü touei nanglakthü nyükei thaihühen nyangeihepü dou dükei daipü nyuteke.

HOSEA 3:5

Hapheikü Israel am nyokei leihen hatü Shembüpa, jomei Kahvang, hatü David jomei ongpa yemhen. Dohpü nyih küang jom Shembüpa touei nyemei kheüei peihen hatü büpa leipü moihimanthü yahhen.

1 ONGPATHÜ 13:18

Hahepak kü Bethel leipü thibü changi büpa kü, “Ngeiyao nüng keipü thibü hih. Shembüpalei shah homei vangsho phongshan hüki, ‘Hahyinghen shingvaishi hapa shennyak nüng mü müei leituh’ shei ephopeih” shei e. (Shejao büpai shahshem eshuohteke.)

JEREMIAH 23:26

Jomei sholi kü lejapü eyei meshük lushi hapa thibüthü nyuhenang?

MATHI 18:7

Hangku mang thahhüpü douthü nangkü ha kahdoknyü onyükei! Hapa keipü dou vamkahen, shejao üpa homei ha vamhühenshang onyükei!

LUK SHAHSHA APPÜ 17:1

Jisui büpalei nanglakthü kü e, “Shennyakthü mang thahhühen douthü peishasha, shejao üpa homei ha peihenshang onyükei!

PHONGSHANTHÜ DOU 20:23

chingnyü peülei ngei shingvaishiyü khoklat kü küphen hatü shüveidoidei mon ngei shing danei nyupü Laangha Daülangpai denpü shuohnyüke.

PHONGSHANTHÜ DOU 21:11

Ham touei peiyei büpai Paulei shüngshep yah-ei büpalei lakhila kü hapa shatü, “Hapa keiha Jerusalemei nyupü Jehoda ami hapa shüngshep shembü yepei shatü Kung amei lak kü shuohtükhen shei Laangha Daülangpai enyüke” shei büpai eteke.

1 KORINT 2:10

Ha douthü Kahvangi Laangha homei ham kü shakei vamhüpeih; mehenangkü Laanghai lemphü yemnyeih; Kahvangei chüpü douthüao yemnyeih.

1 KORINT 11:19

Hingmei, amphong khongkü hanteipü nyuhen vaiteke, shejüang am üam khong jiüpü shangkü hapa lekei nyinghen.

JAKOB 3:15

Hapa keipü kihikonü shangphi leipü nepeinyih, shejao hayü kahdoknyülei, laangha neshiüpü hatü shepelei nyüke.