1 TIMOTI 3:3 - DAÜLANGPÜ LAIHING (BSI)

³ yiü yingpü am nevai, iy-aongmashapü am nevai shejao inyainyempü, nedenelaopü, hatü lop kü nebampü am vaihen vongbong.

1 TIMOTI 3:3 Referans Kwoze

TITUS 1:7

Mehenangkü attoi mübü hükü Kahvangei dou kü khei vaibü vaipü nangkü eela neshiüpü vaihen vongbong; büpayü changmeipü nevaijü mongshih lomi vampü nevaijü yiü chokteipü, nevaijü depülaopü hatü lop kü bampü nevaihen vongbong;

TITUS 3:2

üpa kao ten ne-ehen, depülaopü nenyuhen, inyainyemi nyuhen, hatü peü touei nenteiaokpü huhen eyeishuoh.

EPHESIA 5:18

Yiüi techok; mehenangkü delilao nyüpeih, shejao Laanghai maei nyutuh.

1 TIMOTI 3:8

Hapa keiha deaconthüao nyingnyoi meipü, shüpünyiükpü, yei nyi nekohpü, yiü neyingpü, lop kü nenempü,

JAKOB 4:1

Amphong khongkü depülaopü hatü neshetnephen meleipü vamhünya? Hathüyü yahhahhüpai ammei mongei deyeilaoei nyupü kübü vamnyu nevaipü je?

ISAIAH 28:7

Thibüthü hatü ngongpathü dangkao yiüi chokei nüngitei-i nyüke, hatü sheti chokei longteinyüke. Jomi yiü longi yingei chokdaipü nangkü, jomi mehe dükhen nenyingi huluh shuohnyüke. Kahvangi shompü manghkhang nenyingaokhen mü thibüthüi yiü chokdaiteke; hatü ngongpathüi jom touei deijapü shah nephenaokhen mü yiüi chokei nyüke.

1 PETER 5:2

Am kü yomhen tuhpü Kahvangei mikhong kü veiyei haümtuh; hapayü kangeishungei nevai, shejao Kahvangi dükhahhüpükei monghumpai düktuh; lop kü kenei nevai, shejao chongphohüei chongphotuh.

HEBREW 13:5

Nüngei yangnyu lop bampü kübü yangei nyutuh, hatü mehe ang, ha kü mong hüshemei nyutuh; mehenangkü büpai, “Ngei nüng netuhphongpih nevaijü neyakphongpih” shei eteke.

TITUS 2:3

Hapa keiha nyüyongthü kao nyingnyoi kü dhüm kohshi nyuhen etuh; ühing itpü am nevai, nevaijü yiülei aa nevai; jomi mehe mei ha nyuhhen vongbong,

LEVI 10:9

“Nüng hatü anhanyi-i yiü nevaijü yiüji yingtü mechemao ashakshemei neshühen, hei nevaijema amphong dihen; hapayü hüdenhalenshi den shing shahkung chongkahen.

SHAKEI VAMPÜ 1:9

Ngei, Johan, Jisu nangkü shüveipü hatü ongching hatü munenpü kü am mü hean yahpü ammei jeihinaü, Kahvangei shah hatü Jisu jung denpü nangkü Patmos shei epü shübaongei nyuteke.

JUD SHAHSHA APPÜ 1:11

Hathüyü Onyükei! Mehenangkü jomi Kainei lem kü kamnyüke; nanglei shingvaishi Balaami pungpü lem kü dainyüke, hatü Korah-i khüei yaongpü mang kü mahnyüke.

2 PETER 2:3

Jom hahnempai jomei lupülempü shahthüi am leipü thüei jom nanglei danghen. Jom khüei shahphenhen shelei mebü temei nyüke, hatü jom mahtükhühen Hük shishi nenyu.

TITUS 1:11

Jomphongü shah ne-e-i nendaihen vongbong; mehenangkü jomi nyuhhen nejiüpü douthü nyuh-ei shemongshathü kemei lomohhünyüke, hatü hayü jomi shahhing ne-epü nanglei danghen nangkü düknyüke.

1 THESALONIKA 5:14

Jeihinaüthü, vaükpüthü kü shahvüng shuohtuh, mong laaidaipüthü mongyanghütuh, wong nekohpüthü kü sheütuh, peü mü nenteiaoktuh shei hami am kü nangthongnyeih.

ROM SHAHSHA APPÜ 16:18

Mehenangkü hapa keipü shennyakthüi jenei Shembüpa Khrista chongnephonyih, shejao jomei shünyü chongphonyeih, hatü inyainyemi epai hatü yawhshah-i lapja-i nyupüthü luhahnyeih.

PHONGSHANTHÜ DOU 20:33

Ngei üpalei hon hi ngin nevaijü ashakviha kao mük nehühnyih.

MATHI 21:13

Büpai jomphong kü, “Ha nyangei nyüke: ‘Ngelei shemü phoppü shem vaihen; shejao amphongi hapayü gühpathülei dung leitüknyüke’ ” shei e.

MALAKI 1:10

Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

MIKA 3:5

Shembüpai thibüthü nang hapakei enyüke: “Ngelei nanglakthü lemnyong kü müpü thibüthü nangkü, hanei-i hahhen yahshuohjema, chingmei vangmei nyutuh” shei baongnyüke, Shejao üpai hapakei nedükshuohhen, büpa khüei vehokhen jomi temnyüke.

MIKA 2:11

Ha nanglakthüi shahshem hatü lupülempai maei, “Am kü yiü hatü yiüji yenkahen shingvaishi teteivanhen” shei eshuohpü thibü nanyüke.

EZEKIEL 44:21

Mongpa chingdungei shüshingkü ngongpa üpaiyao yiü neyinghen.

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

JEREMIAH 6:13

Mehenangkü maanpü kübü longpü thahshi shahhing ne-epü mop danghen yemnyüke; thibü kübü ngongpathü thahshi peüi shahshemi mon düknyüke.

ISAIAH 28:1

Oh Ephraim am changmeipü, nükchokyiümokpü, hetmei hah-ei yiü leü kü chübongale mü ngüphivang meipü kü changmeipüthü onyükei!

CHONGVENBÜ 7:8

Lemphüli pangpü leimeyü dohpü-üng meipüba, hatü changmeipü leimeyü nenteiaokpü-üng meipüba.

KANDOK 15:27

Hahnempü shennyaki laophülei shemong kü shanghah koei leinyüpeih, shejao üpai yawhdou kü jiühitnya, yemmü nyuhen.

KANDOK 1:19

Shahhing ne-e-i mop napüthü peü kü hapakei dohpü peinyüke. Gühpai-üng gühpa heüei jütüknyüke.

1 SAMUEL 8:3

Shejao cheha nyi-i büpalei lem kü nekam. Jiji-i laophü shümoh meihen lem yemei dai, hatü yawhdou yah-ei shahhing ne-e-i shahphenteke.

2 TIMOTI 3:2

Mehenangkü shennyakthüi laophü kü mon bampü, lop bampü, daühingam epü, changmeipü, deyeinaamei epü, nyühipalei ven nedanpü, menvih neshuohpü, nedaünelangpü,