Biblia Todo Logo
Bib sou entènèt

- Piblisite -




1 TIMOTI 3:16 - DAÜLANGPÜ LAIHING (BSI)

16 Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

Gade chapit la Kopi




1 TIMOTI 3:16
81 Referans Kwoze  

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.


Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;


Shembüpa Jisui jom mü eteipheikü vangsholei anlang, hatü Kahvangei lakdah philei uo.


Shaang büpa, üpai ngelei shahjangmei aimü, hatü den luangi joshi angpü shahjo shakei vampü aimü Jisu Khrista jung baongpai am wong kohhühen aok,


Mechem jomi ha kü thamaei nyupa, ngangahük kü shennyak nyi nyangnyangpü ashak ümtü jomphong touei peiyei yaong.


Hanangkü ammi vangsho phang kübü hangkuli peü kü baongpü shahjangmei homei lahpü monglem mepa ammi dan, ha kübü nemoiloi-i hapa kü nedoh-i chongwongei vaipü kü wongshongi nyutuh. Paul, ngeiyü hapa shahjangmeilei chongphobü leipeih.


Hapa yangnyu shakei vam, ha hami eetih hatü ha kü denpü shuohnyeih, hatü hapa nedohnetenpü yangnyu Chepa mü nyupü jen touei shakei vampü jung am kü baongnyeih.


Büpa vangsholei aongei Kahvangei lakdah philei vangsho phongshanthü, wongthü mü uo, hatü nganthü peü büpa phangkü tuh.


Thihivamthüi jom shing chongphonyu nevai, shejao vangsho leipü shompü Laangha Daülangpai am kü shahjangmei chongvenpü ami am kü shaang ephopü douthü jung epai jomi am chongphoteke. Hathü dou vangsho phongshanthüi dangkao veihen ongyangnyüke.


Mehenangkü jen kü naü hük büh-ei nyüke, jen kü yeshang hük shuoh-ei nyüke, hatü vanglem lempü büpalei bhagchong shangkü nyuhen. Büpa kü kahmükvangphapü, Shahnying Venbü, Jeiyong Kahvang, Nedohnetenpü Pa, Chingmei Ongpa shei nyükhen.


Ngei ha dükpü mükhongü jom mongkü mongnang thongteihen hatü bampü kü mongjemhen nangkü nyüpeih, shejüang hingshangpü danteipai koei peipü lekhingpü mop hatü Kahvangei shahjo lappai, Khrista nyinghen.


Kahvangi büpalei hapa shahjo müknyinshekhang mop Kung am touei meshük longpa, ha nyinghühen shingvaishi jomphong jepeih; hapayü am kü nyupü Khrista, müknyinshekhangpü monglem.


am touei peipü homei danei nyüke. Kahdoknyü kempülei hapai betjük jükei longpü keiha ammi ha danpü nyih kübü amphong touei hapa shahjangmei-i betjük jükteke, hatü hingshangi Kahvang phahji nyingteke.


Hahepak kü vangsho leipü vangsho phongshan hük büpa touei vamei büpa kü wong shouh.


Jisu baptükhinüng yungeipü vam. Hahepak kü vangsho shaden aptü athuba keiha Kahvang Laangha vangsho leipü yiüei büpa kü bakteke,


Büpayü mang yah-ei lüdainüng shakei vampeih shei ammi nying, hatü büpa kü mang neshiü.


Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.


jomei mongdeih daülangpai hinglempü shahjo kü wongshongi shoungpü vaihen vongbong.


hatü pinnyüi vangsho phongshan nyi shola ow owtü Jisulei mahng shangjing lemei hük hatü la lemei hük uoshi ee.


“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”


Hapa pheikü ngei veishuohjü iehen neaoki khongnyü longpü hük kahmük, jat, nanglakthü hatü shahlem longi Mi Chehalei ong uoshing touei bhagthuh shola thuhtü jomei lakei palm pükaothü notü nyuteke.


Büpayü kahdoknyü lingshekü jepeih, shejao ammei men kü dohpü nyih kü shakei vamteke.


Maanpüba kü longpübai moihimanpü kü jü-ühen shah neshiü.


Mechem ngelei ju kübü shah vamei ehen, monglongshi hapa shahjang meipü shahjo nyinghühen nangkü ngei kü shahjang yahphahen shingvaishi ngei shingao phopshih.


büpai Khrista kü mong hahpü aimü büpai mongpü shahjo jen kü nyinghüteke.


Shejao mechem jiüpü hepak lomei peipa, Kahvangi shahkungnyü phangkü nyüha hüki bühhüei laophülei Ha shom.


Shongpü shennyakü kahdok leipü, kahdok shennyak hük; nyipabü shennyakü vangsho leipü.


Shejao hami joshi hatü jaoshi nyupü Kahvangei kihikon jung enyeih, hatü hapayü denshemthü pangshekü Kahvangi jenei müknyinshekhang shingvaishi jetükpeih.


Shejao ngei phenyeih: Jomi nedanangpü je? Hih, jomi danphei. “Jomei ngeü kahdoknyü peüei daiteke, hatü jomei shahthü kahdoknyü dohpü ngoiteke.”


Am laophü nyingi hatü Laangha Daülangpai amphong veibü vaihen tuhpü mithü peü thaeimaei yomtuh; laophülei Halei iy homei shakei tuhpü Kahvangei attoi kü mi yomtuh.


Jehoda am touei Peter phongshan vaiyei shomhen Kahvangi dou dükpü keiha ngeiyao Kung am touei phongshan vaiyei shomhen büpai dou dükpeih.


Hebrew am pathüyü jomei, phai keyü peü shak kübü Messiah-ü jom kübü, Kahvang den kü moihimantuh, Amen.


Hahepak kü Peteri jomphong mü ehen pang: Kahvangü baong hanei nenonyu shei ngei hingmei mü nyingnyüke,


Mehenangkü phai-i wong nekohhüpü nangkü mepa shahkungnyüi nedükaok, ha Kahvangi laophülei Ha mang phai keiha leihütü mang mahtükhen shompai phai kü büpai mang nyonghüteke.


Mechem jiji leiyei Antiokh ngoipa, jiji-i attoi am chemi nyük, hatü Kahvangi jiji kü dükpü, hatü mekei Kung am kao hinglemhen shaden appa, ha jung peü shah-om aokteke,


Ngei Opa leipü pei, hatü kahdoknyülei yiü; shao ngei kahdoknyü tuhphongtü Opa touei lüdainyeih.


chepai büpalei lak kü lemphü shuohteke, hatü büpa Kahvang leipü pei, hatü Kahvang touei daihen shei Jisui nyingei,


Büpai jom kü moihimanei nyushingkü büpa jomphong toueipü yanei vangsholei anlang.


Vangsho phongshani ngei kü, “Nüng mehekei yashannya?” shei phephüteke. Ngei nüng kü hapa nyühalei doujo, hatü pinnyü uopü shangjing nyet hatü vaung an kohpü yemha jung ephahen.


hatü pinnyülei shangbalei shahjo men hük, “LONGPÜ BABYLON, BÜM YUPÜ HATÜ KAHDOKNYÜLEI JIÜHITNALAILEI NYÜ” shei nyangtü nyu.


Shaang hami epü shah shongnyüyü hapa hih: Vangsholei Lenangpalei ong uoshing kü jenei ngongchong lakdah philei uoshi nyüpeih;


Mehenangkü shahkung benpü joshi nyupü ngaiyei dou dükei pangdaiteke, shejao shaang shoungei nyupü mangyahlang thahshi mehe vamhen nyu, ha nevamkahen.


hatü hapayü mechem büpa laophülei daülangpü nanglakthüi büpa kü müknyinshekhanghühen, hatü büpa kü hinglempüthü leipü dhüm yahhen yiühenshang ha vamhen. Ha kü amao omei nyüpeih; mehenangkü hami am kü epü shahjangmei kü ammi hinglemteke.


Hapa jung Jerusalemei nyupü peüi nying; hanangkü hapa kah kü jomei shah mü, Akeldama, lappai, “Iy Kah” shei nyükteke.)


Hanangkü shaang, Opa, kahdoknyü lingshekü nüng touei ngei kü nyupü müknyinshekhangi nüng touei ngei müknyinshekhanghütuh.”


Ngei am kü Opa leipü shompü Sheühbü mechem peikahen, Opa leipü peipü shahhing Laanghai ngei nangkü denpü shuohhen.


Shejema Shennyak Ha büpa shongei nyupü shingei aongdai-i eejü mekei ehen?


Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.


Jiji mahngchongei shüjajü nethe hük shola ow owtü lakdah philei uoshi ee, hapa kü jiji nyemteke.


Büpa jahpanei nyih pinyi thahshi Kahshih-i dokei ang; hatü büpayü phaüyemthü mü nyu, hatü vangsho phongshanthüi büpa yomteke.


Ngangahük kü pedi longi vük; mehenangkü Shembüpalei vangsho phongshan hük vangsho leipü yiüei ha yaong ngowtüktü ha kü uoshi nyuteke.


Büpai jangei e, “Amphong kü payü vangsho ongching doujo nyinghen shuohteke, shejao jomphong kü payü mangshuohpih.


Hahepak kü Kahshih-i büpa tuhtü lüdai, hatü lomi vangsho phongshan peiyei büpa kü jung.


Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.


Mehenangkü Khristayao mang nangkü den shing chem mon shangpong; am Kahvang touei müei leihen nangkü daülangpü hük nedaünelangpüthü shingvaishi diteke. Büpa phai kü dihü, shejao laangha kü yem leihü,


Hanangkü Shembüpai nüng kü nyangeihepü hük yahphahen. Veituh, pai mü ngühpü nela hüki yeshang hük bühkahen, hatü büpa kü Immanuel shei menhen.


Mehenangkü Jehoda hatü Greek am aa kü baong hanpü neshiü; hapa aihük Shembüpayü peüei Shembüpa, hatü büpa kü nyükpü peü kü moihimannyeih.


Hapakei nevai! Shennyak peü shahshem epüthü; Kahvangü shahhing. Hapakei nyangei nyüke: “Hanangkü mechem nüngi shah ehen, nüng jiüpeih shei huteke, hatü nüng shahphen shingkü dahshakteke.”


shejao shaang shakei vam, hatü ven danei hinglempü kü mühen shingvaishi vanyangyem Kahvangei shahkung aimü thihivamthüi nyangpü homei Kung am peü kü nyinghütepa,


Mehenangkü Kahvang Ha, Jisu Khrista, üpa jung Silvanus hatü Timoti hamphongi am kü baongnya, hayü, “Hih hatü nevai” shei nevai, shejao büpa kü hapayü düngei, “Hih” shei nyüpeih.


Üpai büpa dipü kübü yangei leishih, hatü büpa müknyinshekhanghü, büpa homei ammi Kahvang kü hinglempeih, hanangkü ammi hinglempü hatü monglempü Kahvang kü nyüpeih.


Mang thahpü peü kahshihlei hapeüthü; mehenangkü chongpanghinüng kahshih-i mang thahhampeih. Kahshihlei dou mangtükhen mükhong kü Kahvang Ha shakei vampeih.


Davidi büpa kü Shembüpa shei nyük; shejema mekei etü büpayü büpalei ha vaihenang? shei e.


Swiv nou:

Piblisite


Piblisite