1 TIMOTI 3:15 - DAÜLANGPÜ LAIHING (BSI)

¹⁵ Shejao ngei pheidaijema, Kahvangei shemong, mepa vanyangyem Kahvangei attoi kü shahhing shemnyü hatü chongnyiam nyüpa, hapa kü mekei shennyakthüi dükhen ha nyinghen vongbong.

1 TIMOTI 3:15 Referans Kwoze

1 PETER 2:5

amphongao yangnyuyem yaong keiha daülangpü ngongli vaihen hatü Jisu Khrista homei Kahvangi yah-aokbenüng laangha moila shuohhen nangkü am nyingi laangha shem vepü kü noteihütuh.

1 THESALONIKA 1:9

mehenangkü ammi ham mekei mongongshi yah, ha jom nyingi shah-om shuohteke. Vanyangyem hatü hingshangpü Kahvang chongphohen shingvaishi am mekei lajei kübü mong lepei Kahvang touei leipa,

1 SHÜPPÜKENGPÜ 22:13

Israel am shingvaishi Mosa homei Shembüpai shuohpü shahkung hatü vanglemthü kenhingei dükjema nüngi aokpü danghen. Nüng wong kohtuh hatü monglongtuh. Nüng tenyem nevaijü mongtemaan.”

1 ONGPATHÜ 2:4

hatü Shembüpai ngei kü lah-ei, ‘Nüngei hühihathüi jomei lem kü lishi nyujema, hatü jomei mongdang hatü laangha kempai ngei touei shahhing kü kamjema, Israel ong uoshing kü uohen shennyak netao-i nyuhen’ ” shei epeih.

GALATIA 2:9

Jakob, Peter hatü Johan hathüi ngei kü shuohpü phahji nyingei pei, hatü jomi Barnabas henji kü chemi lak kü dükteitü Kung am touei daihen, hatü jomphongü Jehoda am touei daihen mongteiteke.

ROM SHAHSHA APPÜ 3:2

Lem peü kü longi nyüpeih! Shongpüba kü jom kü Kahvangei shah shuohpeih.

MATHI 16:16

Simon Peteri, “Nüngü vanyangyem Kahvang Ha Khrista” shei jangei e.

1 SAMUEL 17:26

Davidi büpa touei chemi yaongpüthü kü “Hapa Philistia naüha jüpü hatü Israel am kü ne-ienelempü kübü yangpü shennyak kü mehe shuohhen epa? Vanyangyem Kahvangei veshanthü kü vehok chenghen üpa nejaptükpü Philistia naüha ang?” shei phe.

ROM SHAHSHA APPÜ 9:26

“hatü jomphong kü, ‘Amphongü ngelei nanglak nevai’ shei epü shing kü jomphong kü, ‘Vanyangyem Kahvangei hathü’ shei ehen.”

PHONGSHANTHÜ DOU 1:2

büpai jepü phongshanthü kü Laangha Daülangpü homei nyuhpheikü büpa vangsholei manganlangpü nyih thahshilei jung ngei nyangteke.

JOHAN 14:6

Jisui jangei, “Ngeiyü lemnyü, shahhing hatü yangnyu; ngei nehompheikü üpaiyao Opa touei nepeiaokpih.

MATHI 18:18

Hingmei ngei am kü enyeih, amphongi mehe kahdoknyülei sha, ha vangsholeiyao shahen, hatü amphongi mehe kahdoknyülei lai, ha vangsholeiyao laihen.

1 ONGPATHÜ 2:2

Sheyü ngei didaihen hepak ngoiteke, “Nüng wong kohtuh hatü monglongtuh,

JOSHUA 3:10

Hapa keiha vanyangyem Kahvang am mü nyüke, hatü büpai hingmei am toueipü Kanan am, Hit am, Hiv am, Perizz am, Girgash am, Amor am hatü Jebus am changtükphahen shei ammi nyinghen.

SHAHKÜP 31:23

Hahepak kü Shembüpai Nunei cheha Joshua kü, “Nüng wongkoh monglongtuh; mehenangkü ngei jom kü lahpü kahdokei nüngi Israel am müei daihen hatü ngei nüng mü nyukahen” shei e.

SHAHKÜP 5:26

Vanyangyem Kahvangi aw kübü vamei shah epü danpheikü yemmü amphong kei nyuphei je?

SHAKEI VAMPÜ 7:2

Hahepak kü ngei lebü vangsho phongshan hük vanyangyem Kahvangei füoshang notü heongphi leipü vamkei-i ee. Büpai kahdok hatü yungching mangtükhen ngan shuohtükpü vangsho phongshan ali kü ngeüwong anei nyüktü,

HEBREW 12:22

Shejao amphongü Zion Kahshang, vangsho amei Jerusalem, vanyangyem Kahvangei chingnyülei peiteke. Amphongü vangsho phongshan haja haja mongongei thaipü touei,

HEBREW 3:12

Jeihinaü hatü nyahinaüthü, am üpaiyao mang hatü hingnelempü mongdang jüktü vanyangyem Kahvang toueipü lepei nedaihen kenhingtuh.

1 TIMOTI 6:16

büpa monha nemahnemenpü, hatü üpaiyao nenei neheih-aokpü vangngai kü nyunyeih; üpaiyao büpa ne-ee hatü ne-eeaokhen, büpa kü dhüm hatü wong düngei nyute. Amen.

1 TIMOTI 4:10

Ha tata kü hami ponghah-ei dou düknyeih; mehenangkü ham monglempeyü hangku peü, anyei vaishi büpa kü hinglempüthü yemleipüba vanyangyem Kahvang kü tuh-ei nyüpeih.

1 TIMOTI 3:16

Nejü-üi jenei vaipü vanglem kü shahjo longpü nyüpeih: “Büpa phai kü shakei vam, Laangha kü dahshakhü, vangsho phongshanthüi ha ee, Kung am kü ha baongteke, kahdoknyü kempülei hinglem, müknyinshekhang kü shangei anlang.”

1 TIMOTI 3:2

Shaang attoi mübü hükü nepaohneshaipü, nyüha hük mü mon shem yemei nyupü, shümei aokpü, laophü nyingi ungei-aeipü, dhüm kohhahhen mü nyupü, yen kü bampü, nyuh-aokpü,

KOLOSI 1:5

mehenangkü am shingvaishi vangsholei monglemhen tuh-ei nyüke. Ammi hapa monglem jung shelei-üng shahhing shah, shahjangmei,

EPHESIA 4:21

Hingmei ammi büpa jung danteke, hatü Jisu kü nyupü shahhing keiha büpa phei müpü amphong kü nyuhteke.

GALATIA 3:1

Am Galatia am ngapathü! Üpai am nganlangpa? Jisu Khrista shophang kü appü ammei müki lekei eeshi huteke.

2 KORINT 6:16

Kahvang phopshem mü lajei melei shepshaihen? Mehenangkü jenphongü vanyangyem Kahvangei phopshem; Kahvangi ha eteke: “Ngei jom kü nyuhen hatü jom mü kamhen; ngei jomei Kahvang vaihen, hatü jomphongü ngelei nanglak vaihen.

PHONGSHANTHÜ DOU 14:15

Küphüthü, mehekei amphongi hapa düknya? Henjiyü am keipü hangku hih, hatü henüng yahlak neshiüpü douthü kübü kahdok, vangsho, yungching hatü halei nyupü lemphü lingpü vanyangyem Kahvang touei lepei leihen shingvaishi henji-i am touei shahjangmei koei peiküpeih.

JOHAN 6:69

Nüngü Kahvang kübü Daülangpü Hük shei hinglemei peinyüke hatü nyingnyüke” shei e.

JOHAN 1:17

Mehenangkü shahkungü Mosa homei shuoh, shejao phahji hatü shahhingü Jisu Khrista homei peipeih.

DANIEL 6:26

Ngei hapa shahkungnyü yannyüpeih; ngelei ong ongching kü nyupü nanglak peü Danielei Kahvang kü nyemtuh hatü dhüm shuohtuh: ‘Mehenangkü büpayü vanyangyem Kahvang nyüke, hatü büpai denden vanglem lemkahen; Büpalei ongching mechemao nemahhen, büpa vanglem lempü dohpütenpü neshiüküpih.’

JEREMIAH 23:36

Shejao amphongi, “Shembüpalei shah” shei ju kü vamei te-etei; mehenangkü laophü laophülei shah-i hanggovih leidaiteke; hapa keiha vanyangyem Kahvang, Jeiyong Shembüpa, jenei Kahvangei shah nyongnyongdah-i leitüknyüke.

JEREMIAH 1:18

Shejao shinnyih ngei nüngü kahmük peü khüei, Judah ongthü, ngongpathü hatü kahmük kü nyupü nanglak khüei yaonghen penyü showtükpü chingnyü, nyiam shemnyü hatü melangnyiami lingpü bham kei leihütih.

MENVIH KESHO 84:2

Shembüpa nyushing deihpai ngelei laangha ongyangnyeih, hatü shomeiyingnyeih. Vanyangyem Kahvang kü ngelei mongdang, hatü ngelei phai mongongpai loknyeih.

MENVIH KESHO 42:2

Ngelei laanghai Kahvang, vanyangyem Kahvang ongyangnyeih. Mechem ngei peiyei Kahvangei dhe eehen?

1 SAMUEL 17:36

Hapa keiha nüngei chongphobüi shahnyü hi sheptao jühampeih. Hapa nejaptükpü Philistia naühayao hathü kei-üng nyukahen; mehenangkü büpai vanyangyem Kahvangei veshanthü kü chengteke.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

2 TIMOTI 2:20

Shem longpü hükei dükhi-üm hon hatü ngini lingpü mon nevai, shejao pü hatü ashemi lingpao nyunyeih; haneiyü hayaoha hepak kü noteihen; haneiyü heüheü kü noteihen nyunyeih.

1 TIMOTI 3:5

Hanei ami laophülei shemong kü dangkao vanglem nelemaokjema, büpai mekei etü Kahvangei attoi jungei aokhen?

2 KORINT 6:7

shahhing epai hatü Kahvangei ngani laknyong lakdah kü daülangshemshepü phunglang mü;

2 KORINT 3:3

Amphongü ham chongphopü homei shompü Khristalei lai shei hunyüke; hapayü shiai yah-ei nenyang, shejao vanyangyem Kahvang Laanghai yaongba kü nevai, shejao hangkulei mongdang kü nyangpeih.

JOHAN 18:37

Pilati büpa kü, “Shejema nüngü ong je?” shei phe. Jisui jangei, “Nüngiang ngeiyü ong hük khih shei enyüke. Ha tata kü ngei bühpeih, hatü ha tata kü ngei hapa shahhing denpü shuohhen nangkü ngei kahdoknyülei yiüpeih. Hapa shahhing kü nyupü peüi ngei epü bangnyeih” shei e.

HOSEA 1:10

Israel amü ienüng neaok, shethen neaoki yungching bhihhiphang kei daei leihen. “Amphong ngelei nanglak nevai” shei jom kü epü nangjei, “Amphongü vanyangyem Kahvangei hapeüthü” shei nyükhen.

JEREMIAH 10:10

Shejao Shembüpayü hingshangpü Kahvang; büpayü vanyangyem Kahvang, nedohnetenpü Ongpa. Mechem büpa mongshihhen, kahdok jennyüpeih; jatthüi büpa mongshihpü nenenaoknyih.

2 ONGPATHÜ 19:4

Assyria ongpai büpalei Rabshakeh shomei vanyangyem Kahvang kü longi yaüeilungei eteke, hatü hapayü Shembüpa nüngei Kahvangi ha dan, hatü Shembüpa nüngei Kahvangi hathü shah nangkü büpa kü hanghi shuohhen. Hanangkü aoei nyupü nanglakthü shingvaishi nüngi phoptuh” shei e.

1 KORINT 3:16

Amphongü Kahvangei phopshem, hatü Kahvang Laangha amphong kü nyunyeih shei nenyingnyu je?

1 KORINT 10:32

Jehoda am kü vaituh, Greek am kü vaituh nevaijü Kahvangei attoi kü vaituh, huluh teshuohhü;

1 TIMOTI 3:14

Ngei lomi nüng touei peiyei pongteihen monglemnyeih, shejao ngei ha lai nüng kü venei nyangnyeih.

2 TIMOTI 2:19

Shejao Kahvangei chongnyiam shing lakshing wongshongi hapa nyangtü yaongshi nyüpeih: “Shembüpai büpa lompüthü nyingei nyüpeih” hatü, “Üami Shembüpalei men kü nyük, nemeipü leipü lepei leituh.”

HEBREW 10:21

hatü Kahvangei shem kü jenei ngongpa longpü nyupü nangkü,

1 PETER 4:17

Mehenangkü Kahvangei shem am kü shahphenpü chongpanghen hepak ngoiteke; hapayü jen mü pangjema, Kahvangei shahjangmei nebangpüthü dohpü mekei nyuhen?