1 TIMOTI 2:5 - DAÜLANGPÜ LAIHING (BSI)

⁵ Mehenangkü Kahvang hük nyüke hatü Kahvang hi hangku aa kü baong kü shapü hük mon nyüke, hapayü shennyak, Khrista Jisu.

1 TIMOTI 2:5 Referans Kwoze

GALATIA 3:20

Shejao mechem khong hük mon nyuhen, lembü nadang neshiü, shejao Kahvangü hük mon.

1 KORINT 8:6

shejao jen shingvaishiyü Pa Kahvang hük, üpa leipü douthü peü vam, hatü üpa shingvaishi jen nyunya, hatü Shembüpa hük, Jisu Khrista, üpa homei douthü peü vam, hatü üpa homei jen nyunya, büpa nyüke.

HEBREW 9:15

Ha tata kü Kahvangi nyüklangpüthü nedohnetenpü lahtükpü mükjüp danghen shingvaishi Khristayü vangpüshuwpü ja kü lembü leiteke. Shaang shongpü vangpüshuwpü phangkü mang thahpüthü bümei leihühen nangkü ha shemhen büpa diteke.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

SHAHKÜP 6:4

Bangtuh, Oh Israel, Shembüpa, hatü Shembüpa monha jenei Kahvang shei deihtuh.

HEBREW 12:24

hatü vangpüshuwpü ja kü lembü Jisu, hatü Abelei iy mao meipüba shah epü Jisulei iy yenpü touei peiteke.

JOHAN 1:14

Hapa Shah phai lei hatü jen mü nyu, hatü jeni büpalei müknyinshekhang, Pa leipü Halomei müknyinshekhang keiha phahji hatü shahhingi maei eeteke.

ISAIAH 44:6

Israel amei Ongpa, hatü Yemleibü, Jeiyong Shembüpai hapakei enyüke: “Ngeiyü chongpangpü hatü dohpü; Ngei mü lenei lebü Kahvang neshiüpih.

ROM SHAHSHA APPÜ 10:12

Mehenangkü Jehoda hatü Greek am aa kü baong hanpü neshiü; hapa aihük Shembüpayü peüei Shembüpa, hatü büpa kü nyükpü peü kü moihimannyeih.

JOHAN 17:3

Jomi nüng, hingshangpü Kahvang hatü nüngi shompü Jisu Khrista nyinghen hayü yangnyuyem hih.

HEBREW 8:6

Shejao shaang Jisu-ü chah-ei meipü chongphopü dousho dangteke; hatü vangpüshuwpü mepa kü büpa lembü lei, hapayü lahpü kü laphentü lingei nyüke.

EPHESIA 4:6

Kahvang hük, hatü büpayü peü shak kü nyüke, hatü peü homei hatü lemphülei Pa nyüke.

1 KORINT 8:4

Lajeithü kü jeetükpü hahying hahpü nang keyü, “Hingmei mü hapa kahdoknyü kü lajei neshiü, hatü Kahvang hük mü lenei lebü neshiü” shei jeni nyingnyüke.

JOB SHAHSHA APPÜ 9:33

Henji nyiphen kü lak shihhen mü henji aa kü shahphenbü hanei nyulangmeyü,

MATHI 1:23

“Veituh, pai mü ngühpü nela hük büm nekongi leihen, hatü Yeshang hük anghen, hatü büpa kü, ‘Immanuel’ lappai, ‘Kahvang jen mü nyüpeih’ shei menhen.”

SHAKEI VAMPÜ 1:13

hatü hathü awdük shemshing jiamei ngei Shennyak Ha kei hük bhagthuh lula thuhtü hatü jaaba kü bhag-ai aitü eeteke.

MATHI 1:1

Hapayü Abrahamei cheha David, Davidei cheha Jisu Khristalei bülem jung nyangpü.

PHONGSHANTHÜ DOU 4:12

Üpa kao yemleipü neshiü; mehenangkü jen yanghen shingvaishi vangsho phangkü hangku üpa kao lebü men shuoh-ei neshiü.”

ROM SHAHSHA APPÜ 1:3

laophülei Ha, phai phikü David kübü phaakpü,

1 TIMOTI 6:13

Peü kü yangnyu shuohpü Kahvang touei, hatü Khrista Jisu, üpai Pontius Pilat touei denpü shuohshingkü lahpü meipü lingpa,

1 JOHAN 2:1

Ngelei maanpü hashihthü, ammi mang nethahhen shingvaishi ngei hathü dou jung am kü nyangnyeih. Shejao hanei ami mang thahjema Pa mü daülangpü Jisu Khrista jenei sheühbü nyüpeih;

LUK SHAHSHA APPÜ 14:22

Chongphobüi, “Longpüba, nüngi mehe e, ha düktepih, hatü shao-üng shing aoei nyüke” shei e.