1 TIMOTI 1:9 - DAÜLANGPÜ LAIHING (BSI)

⁹ Ha lappai shahkungnyü-ü neshaipüthü shingvaishi netem shei nyingnyüke, shejao shahkung mangpü, ven nedanpü, Kahvang nenyingpü hatü mangthü, nedaünelangpü hatü sheihdaipü, laophülei nyü nevaijü pa jüpüthü, shennyak jüpüthü,

1 TIMOTI 1:9 Referans Kwoze

GALATIA 3:19

Shejema shahkungnyülei mükhongü meheang? Pungpeyü meheang ha huhen shingvaishi shuohpeih, hatü hapayü lahpü shuohpü Abrahamei Li peipü thahshi nyuhen. Hapa shahkungü vangsho phongshani lembü hük homei shuohhen shuohpeih.

1 PETER 4:18

Laihingi ha enyüke: “Daülangpüthü dangkao yanghen wongjema, Kahvang nenyingpü mangthü mehe leihen?”

ROM SHAHSHA APPÜ 5:20

Shejao mang nyeinya dahühen shingvaishi shahkungnyü vamhü; shejao melei mang dapa, nyeinya phahji dapeih.

GALATIA 5:23

inyainyempü hatü laophü nying ungei-aeipü. Hapa keipü douthü khüei shahkungnyü neshiü.

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

ROM SHAHSHA APPÜ 6:14

Ammü shahkungnyü phangkü nevai, shejao phahji phangkü nyupü nangkü mangi am shak kü vanglem nelemhen.

ROM SHAHSHA APPÜ 1:30

hatü mih vüshih-ei enyüke; jomü Kahvang jiühitpüthü, mih vüshihpüthü, changmeipü, awdapü, mang yemei dangpüthü, nyühipa khüei yaongpüthü,

SHAKEI VAMPÜ 22:15

Chingshelei nyupüthüyü shithü, phongyompüthü, mükbongjuyungpüthü, shennyak jüpüthü, lajei khümpüthü hatü shahshem kü bampü hatü ha dükpüthü.

SHAKEI VAMPÜ 21:8

Shejao mong nelongpü, hingnelempü, sheihdaipü, shennyak jüpüthü, mükbongjuyungpüthü, phongyompüthü, lajei khümpüthü, hatü shahshem epüthülei shingü awkaong meli kü aw bahpü shemyungei nyuhen; hapayü nyipabü dipü.”

TITUS 1:16

Jomi Kahvang nyingnyeih shei enyüke, shejao jomei doui büpa yaktüknyüke. Jomphongü jiühitbenüng, ven nedanpü hatü doumei shingvaishi mounghibhang kü nejiüpüthü nyüke.

1 PETER 3:20

Hathüyü Noah-i jahas lingpü nyihthü kü Kahvangi nenteiaokei danpü hepak kü ven nedanpüthülei laanghathü nyüke; hapa kü maani mon– shennyak shet mon yung kübü yangteke.

HEBREW 11:31

Hinglempai büm yupü Rahabi ven nedanpüthü mü nemah; mehenangkü pinnyüi gühshuk peipüthü mongongshi yah.

2 THESALONIKA 2:8

Hapheikü shahkung benpü hük shakei vamkahen hatü Shembüpa Jisulei ju kübü ngü vampai noei shüktükhen hatü büpa yiüpü müknyinshekhangi büpa mahtükhen.

ROM SHAHSHA APPÜ 4:13

Mehenangkü büpai kahdoknyü mükjüp danghen shei lahpeyü Abraham kü nevaijü büpalei hühihathü kü shahkung homei nepei, shejao hinglempü daülangshemshepü homei pei.

MATHI 10:21

Jeihinaüi jeihinaü jütükhen nangkü yutükhen, pa-i ha yuhen, hatü hapeüthüi nyühipa khüei yaonghen hatü jütükhen.

EZEKIEL 21:25

“Oh sheihdaipü hatü nemeipü Israel ong, am hanghihen dohpü nyihhihe ngoiteke.

JEREMIAH 23:11

“Thibü hatü ngongpa nyiphen Kahvang nenying; Ngelei shemei dangkao ngei mang eenyüke” shei Shembüpai enyüke.

KANDOK 30:17

Mük, mepai laophülei pa kü naamei veinya, hatü laophülei nyüven lenya, kahjilei nyupü ashathüi büpalei mük luklanghen, hatü alangthüi ha hahtükhen.

KANDOK 30:11

Shennyak hanei-i laophülei pa kü thaüvaüpü, hatü hümlungnyü kü moihiman neshuohpü nyüke.

KANDOK 28:24

Üpai laophülei nyühiha leipü güh-ei yahtü, “Hapayü pungpü nevai” shei ehenshang, büpayü ten dükpülei mongjempa.

KANDOK 28:17

Shennyak hanei-i mih jüpü mang jotü hanghijema, büpa mangdi thahshi paüeiyonei angtuh; üpaiyao büpa kü tesheüh.

KANDOK 20:20

Hanei-i laophülei nyühipa kü thaüvaüjema, nüngei yangnyu vangnyak kü awdük metdaipükei ponghen.

2 SHÜPPÜKENGPÜ 32:21

hatü Shembüpai vangsho phongshan hük shomei Assyria ongpalei baümtapei nyupü veshanthü, mübüthü hatü lakchongbüthü peü jütük. Hanangkü büpa mongshangei laophülei kahdok yemei leidai. Mechem büpa laophülei kahvang khümshemei shüpa, chehapeü hanei büpa kü yani bapei jü.

2 ONGPATHÜ 19:37

Nyih hük büpa büpalei Nisrokh kahvangei khümshemei khümei nyushingkü cheha Adrammelekh hi Sharezer nyi-i büpa jüphongtü Ararat kahdokei nyaiyei lüdai. Cheha Esarhaddoni büpa kü jeiyei ong vaiteke.

2 SAMUEL 16:11

Davidi Abishai hatü büpalei chongphobüthü peü kü, “Ngelei hapeü dangkao ngei jühen yemjü Benjamin ami neyemhen je? Büpa hei-üng nyemnyu, hatü büpai nyemthaüvaü; mehenangkü Shembüpai hapakei dükhen eshuohpü khih.

SHAHKÜP 27:16

“Nyühipa kü dhüm neshuohpü shennyak kü thaüvaü hettuh”. Hahepak kü nanglak peüi, “Amen!” shei ehen.

LEVI 20:9

Shennyak hanei-i laophülei nyühipa kü thaüvaüjema, hapa shennyak jütükhen, hatü büpalei iy büpa shak kü nyuhen.

MÜLANGPÜ 21:14

shejao hanei-i nyingshangi küpjan temtü lebü shennyak jütükjema, ammi büpa ngelei moidü toueipü yah-ei daiyei jütüktuh.

MÜLANGPÜ 20:13

Nüngi tejü.

1 PETER 2:7

Shaang am meshüki hapa yaong kü douvang shei hinglem, hapayü douvang, shejao üami ha kü hingnelem, hathü shingvaishi hapayü, “Shem vepüthüi yaktükpü yaong peü mü shongnyü shoukbaong yaong leipeih.”

HEBREW 12:16

Üpaiyao Esau kei nük omhük kü laophülei behepa hean yutükpü mükbongjuyung hatü Kahvang nenyingpü shennyak neleihen kentuh.

GALATIA 5:21

mükhakpü, chokpümokpü, hahngayungpe hatü hakeipü douthü vamteke. Ngei shelei shuohpükei ngei am kü shahvüng shuohnyeih: Üami henüng keipü douthü düknya, Kahvang ongching mükjüp nedangpih.

GALATIA 5:18

Shejao am Laanghai mühüjema, ammü shahkungnyü phangkü neshiü.

1 TIMOTI 4:7

Sheihdaipü bütet shahthü hatü nyü changthülei yimpila kübü yantuh, shejao Kahvang nyingshi nyuhen nüng nyingi nyuhhahtuh.

1 TIMOTI 6:20

Timoti, nüng kü mehe kophopa, ha yomtuh. Ten vapvappü, hatü mepa hanei ami pungei, “Kihikon” shei eshi neshetnephen ngashah shükteinya, henüng kübü khaatdaituh;

2 TIMOTI 2:16

Nedaünelangpü shah jaüteipü kübü yantuh; mehenangkü hapai shennyakthü nyeinya nyeinya nedaüpü lemei mülanghen,

2 TIMOTI 3:2

Mehenangkü shennyakthüi laophü kü mon bampü, lop bampü, daühingam epü, changmeipü, deyeinaamei epü, nyühipalei ven nedanpü, menvih neshuohpü, nedaünelangpü,

TITUS 1:6

Behe hükü eela neshiüpü, nyüha hük mon nyupü, hapeüthü peü vaipü am leihüpü, hatü jomphongü lohmangpü hatü ven nedanpüthü nevaihen vongbong.

TITUS 1:10

Khüei yaongpü shennyakthü, yahlak neshiüpü shah epüthü, lawlüppü, anyei vaishi japtükpüthü longi nyüke.

JUD SHAHSHA APPÜ 1:15

büpai Kahvang nenyingpü lem kü Kahvang nenyingpü dou dükpüthü peü kü, hatü Kahvang nenyingpü mangthüi büpa khüei epü shahlong peü kü shahphenhen.”