1 TIMOTI 1:5 - DAÜLANGPÜ LAIHING (BSI)

⁵ Shejao hapakei nyuhpüvenpü mükhongü daülangpü mongdang, mongdeih meipü hatü kenhingei vaipü kübü vampü bampü nyüpeih.

1 TIMOTI 1:5 Referans Kwoze

1 TIMOTI 1:19

hatü hinglempü nyuei mongdeih meipü nyutuh. Hapa mongdeih meipü yaktükpü homei shennyak haneiyü jom vaipü kü beneilangei leidaiteke.

GALATIA 5:22

Shejao Laangha betjükü bampü, mongongpü, chingmei, munenpü, phahjipü, nekaungi shuohpü, hingshangpü,

2 TIMOTI 2:22

Thehila hepak iyjeiphailei kübü nyaidaituh, hatü daülangshemshepü, hinglempü, bampü hatü chingmeivangmei changei daülangpü mongdang kübü vamei Shembüpa kü nyükpüthü mü daituh.

2 TIMOTI 1:5

Ambi Lois kü shongei nyupü hatü anyü Eunice kü nyupü hinglempü ha nüng kü shaangao nya-aipih shei deihnyeih, hatü nüng kü nyupü hinglempü lekpü ha ngei deih-ei dangnyüke.

2 TIMOTI 1:3

Mechem ngei nyakhingai thüngei phoppü kü ngei nüng deihei danghenshang, bühipai khümpükei ngelei chudeih mongdang daülangpai khümpü Kahvang kü ngei menvih shuohnyeih.

1 PETER 3:21

Hapa yungü shaang am yangpü baptükpü lajei nyüke– hapayü büm kübü mag daüpü nevai, shejao Kahvang touei chudeih mongdeih meipai Jisu Khrista yangei leipü homei vangteipü hük nyüke.

1 PETER 3:16

Shejao hapayü inyainyempai dhüm kohshi etuh. Am kü yaüpüthüi ammi Khrista kü doumei dükpü eeyei thaüvaüpüthü veühühen shingvaishi ammei chudeih mongdeih daülangi tuhtuh.

1 PETER 1:22

Shaang ammi shahhing shah kü ven danpai ammei laangha daüdaiteke, hatü ammei jeihinaü nyahinaüthü kü hingshangpai bamhen mü vamteke; mongdang kübü vamei chüloh-i hüki hük mü bamteituh.

2 PETER 1:7

Kahvang nyingpü mü jeihinaü bamteipü, hatü jeihinaü bamteipü mü bampü nyutuh.

ROM SHAHSHA APPÜ 10:4

Üami hinglem, peüi daülangshemshepü danghen shingvaishi Khristayü shahkung dohpü nyüke.

TITUS 1:15

Daüshi nyupü am keyü lemphü daüshi nyüpeih, shejao üam sheihdai hatü hingnelem, jom shingvaishi meheyao daülangpü neshiü. Jomei sholi mongdang kemei sheihdaiteke.

1 TIMOTI 3:9

jomei mongdeih daülangpai hinglempü shahjo kü wongshongi shoungpü vaihen vongbong.

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

MENVIH KESHO 51:10

Ngei kü daülangpü mongdang hük lingshih, Oh Kahvang, hatü ngelei mongkü ja, hatü jiüpü laangha hük shihshih.

1 PETER 4:8

Peü shak kü hüki hük mü bamteishi nyutuh; mehenangkü bampai mang longi küptüknyeih.

JAKOB 4:8

Kahvang yopailei peikei hatü büpa am yopailei peikahen. Ammei lak daütüktuh, am mang shennyakthü, hatü ammei mongdang daütüktuh, am mong nyi kohpüthü.

PHONGSHANTHÜ DOU 23:1

Pauli shahtap kübü nanglakthü kü hüngei veitü, “Jeihinaüthü, shinnyih thahshi ngei ngelei chudeih mongdang meipüba kü Kahvang touei ngelei yangnyu jiüshi nyuei heihtepih” shei e.

MENVIH KESHO 24:4

üam lak hatü mongdang daülangi nyu; üami pü lajei kü nekhüm, nevaijü shahshemi nelahnya, hathü yaongaokhen.

1 JOHAN 3:3

Hapa monglem nyupüthü peüi büpa daülangi nyupükei laophü nyingi daülangi nyutuh.

HEBREW 10:22

kenhingpü mongdang hatü hinglempü lekpü kü nemeipü chudeih kübü daüdaipü mongdang mü daülangpü yungi jenei büm paütüktü jeni Kahvang yopailei peishah.

1 KORINT 13:1

Ngei hangku hatü vangsho phongshanthülei shah mü ejao, ngei kü bampü nenyujema, ngeiyü ngeü mohpü dam hatü melangnyiam kü kaongpü leidainyüke.

ROM SHAHSHA APPÜ 14:15

Nüngi hahpai jeihinaü hatü nyahinaü huluh shuohhüjema, nüngü hajük kü bampü kü nekamnyu. Nüngi hahpai jeihinaü hanei üam shing Khrista di, jom telomohhü.

ROM SHAHSHA APPÜ 9:1

Ngei Khrista kü shahhing enyeih– ngei shahshem neenyih; Laangha Daülangpü homei ngelei mongdeih-i ha lekhünyüke.

PHONGSHANTHÜ DOU 24:16

Hanangkü ngei meiden doh-ei Kahvang hatü hangku touei düngei chudeih mongdang daülangi nyuhen khenyeih” shei e.

PHONGSHANTHÜ DOU 15:9

hatü hinglempai jomei mong daühüei büpai jom hatü jen aa kü meheyao baong hanei nenoang.

MATHI 12:35

Shennyakmei-i meipü dou jaoei tuhpü leipü doumei ngainyeih, hatü shennyakteni nemeipü dou jaoei tuhpü leipü nemeipü dou ngainyeih.

MATHI 5:8

Thentoimongdang daülangi nyupüthü moihiman; mehenangkü jomphongi Kahvang eehen.

1 JOHAN 3:23

Hapayü büpalei shahkungnyü: büpai jen kü shahkung shuohpükei jeni Cheha Jisu Khristalei men kü hinglemhen hatü hüki hük mü bamteihen vongbong.

HEBREW 13:18

Ham shing phopshih. Ham kü mongdeih daülangi nyupü hami nyingei nyüpeih; mehenangkü lemphü kü dhüm kohshi jiüpü dükei nyuhünyeih.

HEBREW 9:14

nedohnetenpü Laangha homei laophü nyingi Kahvang kü kawhikang neshiüpü moila shuohpü Khristalei iy homei didaipü douthü kübü vanyangyem Kahvang kü khümhen shingvaishi jenei chudeih mongdang meshük nyeishi daütükphahen!

GALATIA 5:6

Mehenangkü Khrista Jisu kü japtükpü hatü nejaptükpü kü meheyao nanglei neshiü; iehen dou hükü bampü homei hinglempai dou dükpü ha mon nyüke.

JEREMIAH 4:14

Oh Jerusalem, am yanghen shingvaishi ammei mongdang leipü mang daütüktuh. Meshük lushi ammei mongei küpjan ten nyuiyei tuhhenang?

SHAHKÜP 10:12

Shaang, Oh Israel nanglakthü, Shembüpa, ammei Kahvangi am kü mehe yünya shei shejema, Shembüpa, ammei Kahvang kü nyemhen, büpalei lemthü kü kamhen; ammei mongdang hatü laangha kempai büpa kü bamhen hatü büpa chongphohen,

ZEPHANIAH 3:7

Ngei hapa chingnyü kü, “Hingmei, ammi ngei kü nyemtuh, hatü ngei yeanpü shah yahtuh. Shejema am nyushing nemahtükhen, nevaijü ngelei hanghi am kü nepeiküpih” shei etepih. Shejao jomi dükpü lemphüli kü nyeinya nemeipü düknyüke.

ROM SHAHSHA APPÜ 12:9

Bampeyü hingshangpü vaihütuh. Mehe ten ha kü jiühittuh; mehe mei ha kü shoungtuh.

1 TIMOTI 1:18

Timoti, ngelei hapeü, nüng nangkü shelei tetpüvanpü shahthü keiha nüngi hathü mü kamei vehok meipü hok-aokhen shingvaishi ngei hapa nyuhpüvenpü nüng kü shuohnyeih,

1 JOHAN 3:10

Üpa Kahvangei ha, üpa kahshihlei ha hapakei jeni nyingdainyeih: Üpai jiüpü nedük nevaijü laophülei jeihinaü hatü nyahinaüthü kü nebam, büpayü Kahvangei ha nevai.