1 TIMOTI 1:17 - DAÜLANGPÜ LAIHING (BSI)

¹⁷ Shaang dohpü neshiüpü, ongpa, nemahnemenpü, ne-eeaokpü büpa mon Kahvang kü dhüm hatü müknyinshekhang den den kü nyute, Amen.

1 TIMOTI 1:17 Referans Kwoze

JUD SHAHSHA APPÜ 1:25

Jisu Khrista jenei Shembüpa homei Kahvang jen Yemleipüba kü mon denshem peü kü, shaang hatü dohpü neshiüi müknyinshekhang, dhüm, ngan, hatü wong nyute. Amen.

SHAKEI VAMPÜ 19:1

Hapa pheikü khongnyü longpülei ngeü keiha ngei vangsholei hapakei eyei dan: “Halleluyah! Yemleipü, müknyinshekhang hatü ngan jenei Kahvangei,

1 SHÜPPÜKENGPÜ 29:11

Oh Shembüpa, lupülongpü, ngan, müknyinshekhang, aokpü hatü dhemeilaüma vangsholei hatü kahdoknyülei nyupü kemei nüngei. Oh Shembüpa, ongchingao nüngei, hatü nüngü lemphü shak kü shangjing.

SHAKEI VAMPÜ 17:14

Jomi Mi Cheha khüei vehok hokhen, hatü Mi Chehai jom neühen; mehenangkü büpayü shembüthü khongkü Shembüpa, ongthü khongkü Ongpa, hatü büpa mü nyupüthüyü nyüklangpü, jelangpü hatü hinglempüthü.

KOLOSI 1:15

Büpayü müki ne-eepü Kahvang lajei, lingpü peü kü shongpüba.

SHAKEI VAMPÜ 19:16

Büpalei bhagthuh hatü shüngkung kü büpalei men hapakei nyangei nyüke: “ONGTHÜ KHONGKÜ ONGPA HATÜ SHEMBÜTHÜ KHONGKÜ Shembüpa.”

ROM SHAHSHA APPÜ 1:23

hatü mechemao nedipü Kahvang müknyinshekhang hangku lepü nevaijü ouhiyüh nevaijü yemhimak nevaijü biühimakthülei lajeithü lepü kü jeiteinyüke.

MENVIH KESHO 45:6

Nüngei ong uoshing denden kü nyuhen, Oh Kahvang, shahhing lenshuoh-ü nüngei ongchingei lenshuoh nyuhen.

SHAKEI VAMPÜ 19:6

Hapheikü ngei khongnyü longpülei ngeü kei, yungmok ngeü kei, hatü klang vangteng ngeü kei lenei epü ngei hapakei danteke: “Halleluyah! Mehenangkü jenei Shembüpa, Jeiyong Kahvangi vanglem lemnyeih.

1 JOHAN 4:12

Üpaiyao Kahvang ne-ee; jen hüki hük mü bamteijema Kahvang jen kü nyunyeih, hatü büpa bampai jen kü changeishaei leihünyeih.

JOHAN 1:18

Üpaiyao Kahvang ne-ee, shejao hapayü Kahvang Halom Ha, üpa Pa philei nyu, büpai büpa nyinghüteke.’ ”

MATHI 6:13

Nüngi ham shüveipülei temühü, shejao nemeipü leipü ham yangtuh. Mehenangkü ongching ngan, hatü müknyinshekhang düngei nüng lompü vaituh.” Amen.

MENVIH KESHO 90:2

Kahshangthü lingshekü, nevaijü kahdoknyü bhaoshekü nüngü Nedohnetenpü kübü nedohnetenpü thahshi Kahvang nyuhampeih.

MENVIH KESHO 10:16

Shembüpayü den dok kü den ongpa; büpalei kahdok leipü jatthü mahdaihen.

SHAKEI VAMPÜ 15:3

hatü jomi Kahvang chongphopü Mosalei kesho, hatü Mi Chehalei kesho hapakei lok: “Longpü hatü yashanpeyü nüngei douthü khih, Jeiyong Shembüpa Kahvang! Shahhing hatü jiüpeyü nüngei lemthü, jatthülei Ongpa!

SHAKEI VAMPÜ 7:12

hatü hapakei kesho lok: “Amen! Moihiman, müknyinshekhang, hatü kihikon, dupü-oupü, dhüm, ngan, hatü wong kemei den den kü jenei Kahvangei vaituh! Amen.”

2 PETER 3:18

Shejao phahji hatü jenei Shembüpa hatü yemleipü Jisu Khrista nyingpü kü longtuh. Büpa kü shaang hatü nedohnetenpü nyih thahshi düngei müknyinshekhang vaituh! Amen.

1 PETER 5:11

Den den kü ngan kemei büpa lompü vaihütuh. Amen.

HEBREW 11:27

Hinglempai büpai ongpai mongshihpü kü nenyemi Ijip tuhphong; mehenangkü büpai müki ne-eepü Kahvang eepheikei munenei nyu.

ROM SHAHSHA APPÜ 16:27

hapa Jisu Khrista homei kon kohpü Kahvang kü düngei müknyinshekhang vaituh! Amen.

ROM SHAHSHA APPÜ 11:36

Mehenangkü douthü peü büpa leipü hatü büpa homei hatü büpa kü nyüpeih. Büpa kü düngei müknyinshekhang vaituh. Amen.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

ROM SHAHSHA APPÜ 1:20

Kahvangi kahdoknyü linghinüng müki ne-eeaokjao büpalei nedohnetenpü ngan hatü Kahvang nyingnyoi büpai lingpü douthü homei lekei nyingteke hatü eeteke. Hanangkü ha shennyakthü shingvaishi yanglem neshiü;

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

MATHI 25:34

Hahepak kü ongpai büpalei lakdah philei nyupüthü kü, “Peikei, amphong Opai moihimanpüthü, kahdoknyü chongnyiam lingshingkü am shing tempü ongching mükjüp yahtuh;

MALAKI 1:14

Mi khongkü meipü mi chebaong nyüpeih, hatü ha shuohhen shei lahtü üpai lueilemei kawhikang kohpü yem Shembüpa kü moilanya, büpa thaüvaüthemthetuh. Mehenangkü ngeiyü longpü ongpa hatü jatthü peüi ngelei men kü nyemhen shei Shembüpa Kahvangi enyüke.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

DANIEL 7:14

Hangkuli peüi, jatphüi hatü shahlem laolao epü peüi büpa chongphohen shingvaishi büpa kü vanglem lemhen wong hi ngan, dhüm hatü longhiong hean shuohteke. Büpa vanglem lempü nedohneteni denden nyuhen, hatü büpalei ongching mechemao nemahnechahhen.

DANIEL 4:37

Hanangkü shaang, ngei, Nebukadnezzari vangsho ongpa kü men long, vihpülüpü hatü dhüm shuohnyüpeih; mehenangkü büpai dükpü lemphüli jiüshangi hatü büpalei lem shahhing nyüke, hatü büpai changmeipüthü maanpü leitüknyüke.

DANIEL 4:34

Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.

JEREMIAH 10:10

Shejao Shembüpayü hingshangpü Kahvang; büpayü vanyangyem Kahvang, nedohnetenpü Ongpa. Mechem büpa mongshihhen, kahdok jennyüpeih; jatthüi büpa mongshihpü nenenaoknyih.

MENVIH KESHO 145:13

Nüngei ongchingü nedohnetenpü ongching, hatü nüng vanglem lempü hüdenhalenshi nyunyeih. Shembüpai büpalei shahthü peü jiüshi düknyeih, hatü büpai phahjipai douthü peü düknyeih.

MENVIH KESHO 106:48

Nedohneteni Shembüpa, Israel Kahvang moihimantuh. Nanglakthüi, “Amen” shei etuh. Shembüpa men longtuh.

NEHEMIAH 9:5

Hahepak kü Levi am, Jeshua, Kadmiel, Bani, Hashabneiah, Sherebiah, Hodiah, Shebaniah hatü Pethahiah hathüi, “Yaongtuh hatü nedohneteni Shembüpa, ammei Kahvangei men longtuh. Nüngei müknyinshekhang men moihimantuh, hatü moihiman menvih peü shak kü longei anshihtuh” shei e.

DANIEL 2:44

Hathü ongthülei nyih kü, vangsho Kahvangi mechemao nemahnechahhen ongching hük linghen, nevaijü vepai nehahhen. Hapai lebü ongchingthü kemei ngümtükhen, hatü dohtükkemhen, shejao hapa ongching denden kü nyuhen.

MENVIH KESHO 57:11

Vangshothü shak kü nüng longei aongtuh, Oh Shembüpa, nüngei müknyinshekhang kahdok peü shak kü nyuhütuh.

MENVIH KESHO 45:1

Shahmük meipai ngelei mong mateke; ngelei ongpathü kü hathü lailüngthü nyangshingkü ngelei yei-ü lai nyangbü meipülei lainyangshong kei nyuteke.

MENVIH KESHO 41:13

Shembüpa, Israel Kahvangei men hüdenhalenshi vihtuh, Amen! Amen!

JOHAN 5:44

Üpa mon Kahvang nyu, ammi büpa leipü peipü müknyinshekhang neyemi am hüki hük leipü dupü-oupü yemyaki mekei etü am hinglemhen?

ROM SHAHSHA APPÜ 2:10

shejao mei dükpüthü peü shingvaishi müknyinshekhang, dhüm hatü chingmei nyuhen: Shongpü kü Jehoda am shingvaishi, hapheikü Kung am shingvaishi.

HEBREW 2:7

Nüngi büpa vangsho phongshanthü mü kansho hük shingvaishi maani phangpa kü ling; nüngi büpa kü müknyinshekhang hatü dhümi athen thenhü,