1 TIMOTI 1:15 - DAÜLANGPÜ LAIHING (BSI)

¹⁵ Hapayü dhao mü yah-aokbenüng hingshangpü shah: Khrista Jisu-ü mangthü yangnüng kahdoknyülei yiü, ha khongkü ngei peü mü nemeipüba.

1 TIMOTI 1:15 Referans Kwoze

MARK 2:17

Mechem Jisui ha danpa, büpai jomphong kü, “Meishi nyupü am shingvaishi meli nopü am napü neshiü, shejao tüngpüthü shingvaishi nadang; ngeiyü daülangpüthü nevai mangthü nyüknüng peipeih” shei e.

LUK SHAHSHA APPÜ 19:10

Mehenangkü Shennyak Hayü mahdaipüthü yemhen hatü yanghen peipeih” shei e.

JOHAN 12:47

Ngelei shah dantü nedükpü shennyak shingvaishi ngei shah nephennyih; mehenangkü ngeiyü kahdoknyü shahphenhen yiüpü nevai, yanghen yiüpeih.

JOHAN 1:12

Shejao üami büpa yah, büpalei men kü hinglem, büpai hathü peü kü Kahvang hathü leihen ngan shuohteke.

LUK SHAHSHA APPÜ 5:32

Ngeiyü daülangpüthü nevai, mangthü mong lephen nyüknüng peipeih” shei jangei e.

1 JOHAN 3:5

Büpayü mang yah-ei lüdainüng shakei vampeih shei ammi nying, hatü büpa kü mang neshiü.

1 TIMOTI 1:13

Chem ngei büpa kü ten eyei, shüveipü am, hatü iy-aongmashahüpü am nyu, shejao ngei kü phahji hupeih; mehenangkü ngei ha nenyingi hatü hingnelempai dükteke.

MATHI 20:28

mehenangkü Shennyak Hayao chongphohahhen shingvaishi nevai, shejao chongphohen, hatü longshi shing angei leihen nangkü laophülei yangnyu bhei shuohhen yiüpeih.”

1 KORINT 15:9

Mehenangkü ngeiyü phongshanthü khongkü peü mü maanpü, phongshan shei nyükhen neshangpü; mehenangkü ngei Kahvangei attoi kü shüveihampeih.

JOHAN 1:29

Nyihphei Jisu büpa philei heihja-i eeyei büpai, “Kahdoknyü mang koei lüdaipü Kahvang Mi Cheha kü veituh” shei e.

MATHI 9:13

Shejao daituh hatü, ‘Ngeiyü jakpü moila nevai, phahji napeih’ shei epü mehe lappa, ha nyinghahtuh. Mehenangkü ngeiyü daülangpüthü nevai, mangthü nyükhen peipeih” shei e.

MATHI 1:21

Pinnyüi yeshang hük angkahen, hatü nüngi büpa kü, ‘Jisu’ shei menhen; mehenangkü büpai laophülei nanglakthü jomei mang kübü yanglanghen” shei e.

HEBREW 7:25

Hanangkü büpa homei Kahvang touei peipüthü peü den kü yangei tuhhen aoknyüpeih; mehenangkü büpai den kü jom shing phopnyüke.

1 TIMOTI 4:9

Hapa epeyü hingshangpü hatü dhao mü yahhen shangpü nyüke.

ROM SHAHSHA APPÜ 5:6

Mechem jen wong nekoh-i nyupa, hepak jiüpü kü Khrista mangthü shingvaishi dipeih.

1 JOHAN 3:8

Mang thahpü peü kahshihlei hapeüthü; mehenangkü chongpanghinüng kahshih-i mang thahhampeih. Kahshihlei dou mangtükhen mükhong kü Kahvang Ha shakei vampeih.

1 TIMOTI 3:1

Hayü hingshangpü shah: Shennyak hanei-i attoi mübü vaihüjema, büpai doumei kü kennyüke.

EPHESIA 3:8

Ngei Kahvangei nanglakthü maanpü khongkü ahshi-üng maanpü hük vaijao, Kung am kü yemei neaokpü Khristalei mop jung shahjangmei kohen,

SHAKEI VAMPÜ 22:6

Hapheikü büpai ngei kü eteke, “Hathü shah-ü hinglemhen hatü shahhing; mehenangkü Shembüpa, thibüthülei laangha Kahvangi mehe lomi vamhen ha laophülei chongphobüthü kü huhen shingvaishi büpalei vangsho phongshanthü shomteke.”

SHAKEI VAMPÜ 5:9

Jomphongi kesho ja hük lok: “Nüngü laidü yahhen, hatü hapalei füoshang aphen shangpü; mehenangkü nüng jütükteke, hatü nüngei iy homei Kahvang shingvaishi jat, shahlem, nanglak hatü kahmük peü kübü daülangpüthü angei leiteke;

TITUS 3:8

Üami Kahvang kü hinglemei pei, hathüiyao doumei kü lanei shuohhen shingvaishi nüngi hathü kü dhaümshi dükkahen ngei nanyüpeih; hathü dou longi meipeih, hatü peü shing nanglei nyüpeih.

2 TIMOTI 2:11

Hapa shah-ü hingshangpü: “Jeni büpa mü dipü vaijema, jenphongao büpa mü yemmü nyuhen;

PHONGSHANTHÜ DOU 3:26

Mechem Kahvangi büpalei ha yangei leishihpa, ammei mang lemthü kübü lepei am kü moihimanhen shingvaishi büpai shongei büpa am touei shompeih.

JOHAN 3:36

Üami Ha kü hinglem, yangnyuyem nyüke, üami Ha kü hingnelem, yangnyuyem nedanghen shejao Kahvang mongshihpü heühen.

SHAKEI VAMPÜ 21:5

Hahepak kü ong uoshing kü uopübai, “Veituh, ngei dou peü ja lingnyüpeih” shei e. Shao büpai, “Ha nyangtuh, mehenangkü hathü shah-ü hinglemhen hatü shahhing” shei e.

1 JOHAN 5:11

Denpeyü hapa hih: Kahvangi jen kü yangnyuyem shuohpeih, hatü hapa yangnyuyemü büpalei Ha kü nyüke.

1 TIMOTI 1:19

hatü hinglempü nyuei mongdeih meipü nyutuh. Hapa mongdeih meipü yaktükpü homei shennyak haneiyü jom vaipü kü beneilangei leidaiteke.

MATHI 18:10

Nüngi hathü maanpü hük kü dangkao ne-ienelemi nedükhen lituh; mehenangkü ngei am kü enyeih, vangsholei jomphongei vangsho phongshanthüi vangsho leipü Opalei dhe kü düngei veinyüke.

PHONGSHANTHÜ DOU 11:18

Mechem jomi ha danpa, jomphong nendai, hatü jomi Kahvang men longei, “Shejema Kahvangi Kung am kao yangnyuyem touei mülanghen mong lephen shuohhen khih” shei e.

PHONGSHANTHÜ DOU 11:1

Shaang phongshanthü hatü Judea leipü vaipüthüi Kung amiyao Kahvang shah yahteke shei dan.

EZEKIEL 16:63

Ammi dükpü mang kemei ngei am kü tükhen shejao ammi hathü deih-ei veüpai ju neka-aokhen” shei Shembüpa Kahvangi enyüke.

JOB SHAHSHA APPÜ 42:6

Hanangkü ngei etükpeyü nejiü shei ngei lahnyeih, hatü ngei bhihla hatü depla kü hoiyei mong lepnyeih.”

LUK SHAHSHA APPÜ 15:2

Pharisee hatü shahkung nyuhbüthüi langmaanei, “Hapa shennyaki mangthü yahnyüke hatü jom mü hahyingnyüke” shei e.

ROM SHAHSHA APPÜ 11:14

hapayü ngelei nanglaki mükhühhühen hatü jom hanei dangkao yanghen.

1 TIMOTI 6:13

Peü kü yangnyu shuohpü Kahvang touei, hatü Khrista Jisu, üpai Pontius Pilat touei denpü shuohshingkü lahpü meipü lingpa,

MATHI 18:11

Mehenangkü Shennyak Ha mahdaipüthü yangnüng yiüpeih.