1 TIMOTI 1:12 - DAÜLANGPÜ LAIHING (BSI)

¹² Ngei wong kohhüpü Khrista Jisu, jenei Shembüpa kü ngei mongongnyeih; mehenangkü büpai ngei hingshangi nyüke shei nyingei ngei büpalei dousho kü jeteke.

1 TIMOTI 1:12 Referans Kwoze

PHILIPPI 4:13

Ngei wong kohhüpüba homei ngei dou peü dükaokhen.

2 TIMOTI 4:17

Shejao ngei homei shahjangmei changshi baonghen, hatü Kung ami ha danhen shingvaishi Shembüpa ngei mü nyu, hatü ngei kü wong shuohpeih, hatü ngei mailangei jusha kübü yangpeih.

KOLOSI 1:25

Kahvangei shah changei nyinghühen nangkü am shingvaishi ngei kü shuohpü Kahvangei kangpü dou aimü ngei hapalei chongphobü leipeih.

PHILIPPI 2:11

hatü Pa Kahvang kü müknyinshekhang shuoh-ei jubenyeijaang peüi Jisu Khristayü Shembüpa shei lahhen.

2 KORINT 4:1

Hanangkü hami Kahvang phahji homei hapa dousho dükpü nangkü hami mong nelainyih.

1 KORINT 7:25

Shaang shem neyempüthü nangkü ngeilei Shembüpalei shahkung neshiü, shejao Shembüpalei phahji homei monglemaokpü shennyak hük keiha ngei am kü ngelei chudeih shuohnyeih.

PHONGSHANTHÜ DOU 9:22

Saul nyeinya wong koh-ei lei, hatü Damaskalei nyupü Jehoda am mü Jisu-ü Messiah hih shei nih-ei epü nangkü jomi büpa kü meheyao shah neleiaok.

PHONGSHANTHÜ DOU 9:15

Shejao Shembüpai büpa kü, “Heihtuh, mehenangkü ngei büpayü Kung am, ongthü hatü Israel nanglakthü touei ngelei men nyinghühen shingvaishi ngei büpayü hadir hük vaishi jetepih.

PHONGSHANTHÜ DOU 16:15

Mechem pinnyü hatü jom shem peü baptükpa, pinnyüi hamphong kü, “Amphongi ngeiyü Shembüpa kü hingshangi vaipü shennyak shei nyingaokjema ham shemei leiyei nyutuh” shei ephopeih, hatü jomei leihen pinnyüi hamphong kü nyükphopeih.

1 TIMOTI 1:11

hatü ngei kü shuohpü moihimanpü Kahvangei müknyinshekhang shahjangmei kü jiüshi nyuhpüvenpü meipü khüei nyupüthü shingvaishi shahkungü lingpeih.

1 KORINT 15:10

Shejao Kahvang phahji homei ngei shaang mehe nyu ha hih, hatü büpalei phahji ngei shingvaishi angsha neleidai. Halei meyü jomphong peü mü ngeiang nyeishi kheyei dükpeih– hapayü ngei nevai, shejao ngei mü nyupü Kahvang phahji homei.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

1 KORINT 3:5

Shejema Apollos meheang? Paul meheang? Henjiphen Shembüpai dou dükhen shuohpü am hinglempü lemei müpü chongphobü nyi mon.

GALATIA 3:26

mehenangkü Jisu Khrista kü hinglempü homei am peü Kahvangei hapeüthü leiteke.

GALATIA 3:28

Sheyü hajük kü Jehoda am nevaijü Greek am, aa nevaijü bümei, nyüha nevaijü baha baong hanpü meheyao neshiü; mehenangkü am peü Khrista kü hük khan.

1 TIMOTI 1:1

Paul, jen Yemleipüba Kahvang hatü jenei monglem Khrista Jisulei shahkung homei Khrista Jisulei phongshan toueipü,

1 TIMOTI 1:2

Vaipü kü ngelei mong hahpü hapeü Timoti touei: Pa Kahvang hatü jenei Shembüpa Khrista Jisu leipü phahji, yahyang hatü chingmei nyute.

1 TIMOTI 6:13

Peü kü yangnyu shuohpü Kahvang touei, hatü Khrista Jisu, üpai Pontius Pilat touei denpü shuohshingkü lahpü meipü lingpa,

2 TIMOTI 2:2

hatü denpü longi homei nüngi mepa ngei leipü danpa, ha mih kao nyuh-aokhen monglemaokpü shennyakthü kü koeishuoh.

TITUS 1:4

Hinglempü kü hean yahpü ngelei hingshangpü hapeü Titus touei Pa Kahvang hatü jen Yemleipüba Jisu Khrista leipü phahji hatü chingmei nyute.

PHILEMON 1:9

ngei bampü kü laphentü nüng kü khümei enyeih– hatü ngei, Pauli hapayü pajei hük leshi hatü Khrista Jisu kü khoklatei küppü hük keiha enyeih.

MATHI 20:4

hatü büpai jomphong kü, “Amphongao ngelei nyalingngupai kahlei shatuh, hatü am kao jiüpü aimü nanglat shuohhen” shei e. Hanangkü jomphongao shateke.