1 SAMUEL 7:2 - DAÜLANGPÜ LAIHING (BSI)

² Kiriath-Jearimei Shembüpalei Vangpüshuwpü Pela tuhpheikü hepak luangi bong kukha hükshing daipheikü Israel nanglakthü kemei thepeiyoungei Shembüpa yemteke.

1 SAMUEL 7:2 Referans Kwoze

MATHI 5:4

Mahng theppüthü moihiman; mehenangkü jom nyiushem meihen.

JEREMIAH 31:9

Jom thepyaki nyokei leikahen, ngei jom leishingkü phopyaki leikahen. Ngei jomü yungyen lemei mühen; Jom huluh neshuohhen mü jintükpü lem kü müei leihen; Mehenangkü ngeiyü Israel amei pa, hatü Ephraim amü ngelei hashongpa.

JEREMIAH 3:13

Shembüpa, ammei Kahvang khüei mang thahteke, püdhüm meipü peü phangei kung amei kahvang lajeithü kü bampü khih, hatü ngei epü kü nebang shei deih-ei dangtuh shei Shembüpai enyüke.

SHAHPHENBÜTHÜ 2:4

Mechem Shembüpalei phongshani ha eyei kempa, Israel am kemei vaüei thepteke.

JOSHUA 9:17

Hanangkü Israel am layaongei aongei nyih jempabü kü jom nyupü chingnyüthü: Gibeon, Kephirah, Beeroth, hatü Kiriath-Jearim ngoi.

1 SAMUEL 7:1

Hanangkü Kiriath-Jearim am shennyakthü yiüei Shembüpalei Vangpüshuwpü Pela koei anei shangtaolei nyupü Abinadabei shemei tuh, hatü büpalei cheha, Eleazari hapa Shembüpalei Vangpüshuwpü Pela kü veihen daühüteke.

1 SAMUEL 7:3

Hahepak kü Samueli Israel phang kempü kü, “Ammi ammei mongdang kempai Shembüpa touei lepei leipü vaijema, am toueipü kung amei kahvangthü hatü Astartes kahvangthü yaktüktuh, hatü Shembüpa kü lanei shuohtuh hatü büpa mon chongphotuh; shejema büpai am Philistia amei lak kübü yangphahen” shei e.

1 SHÜPPÜKENGPÜ 13:3

Jeni jen touei jenei Kahvangei Vangpüshuwpü Pela leishah; mehenangkü Sauli vanglem lempü hepak kü hapa baong neyemi tuhtükpeih” shei e.

JEREMIAH 26:20

Shao lebü shennyak hük Shembüpalei men kü teteivanei nyu. Büpayü Kiriath-Jearim leipü Shemaiahlei cheha Uriah nyu. Büpai hapa chingnyü hatü kahdok khüei Jeremiah-i epü shah meimei teteivanei nyu.

1 SHÜPPÜKENGPÜ 13:5

Hanangkü Davidi Israel am peü Ijip leipü Shihor Yungyen kübü Lebo-hamath thahshi Kiriath-Jearim leipü Kahvangei Vangpüshuwpü Pela leihen shingvaishi thaihü.