1 SAMUEL 5:1 - DAÜLANGPÜ LAIHING (BSI)

¹ Mechem Philistia ami Kahvangei Vangpüshuwpü Pela yahpa, jomi Ebenezar leipü Ashdodlei koei lei.

1 SAMUEL 5:1 Referans Kwoze

1 SAMUEL 7:12

Hapheikü Samueli yaong hük yah-ei Mizpah hatü Shen nyi aa kü haong, hatü büpai hapa kü Ebenezer lappai, “Hajük thahshi Shembüpai ham kü sheühpeih” shei nyükteke.

1 SAMUEL 4:1

Samueli epü shah Israel am peü kü peiteke. Hathü nyih kü Philistia ami Israel am khüei hokhen thai. Hanangkü Israel amao jom mü hokhen layaongei dai, hatü jomi Ebenezerlei baümtap ve, hatü Philistia ami Apheklei baümtap ve.

1 SAMUEL 4:22

Pinnyüi, “Israel kübü müknyinshekhang yandaiteke; mehenangkü Kahvangei Vangpüshuwpü Pela yahlangteke” shei e.

JOSHUA 13:3

‘Ijip kü heongphi Shihor kübü apshaphi Ekron viong thahshi, hathü kü Kanan am shei enyüke; halei Philistia am ongthü, Gaza, Ashdod, Ashkelon, Gath hatü Ekron kü nyüke’, hatü Avvim amei kahdokthü,

PHONGSHANTHÜ DOU 8:40

Shejao Philip Azotuslei vam, hatü mechem büpai hapa moidoi homei daipa büpai Kasarea mangngoi thahshi jila peü kü shahjangmei baongteke.

1 SAMUEL 4:11

Kahvangei Vangpüshuwpü Pela omei yahlang; hatü Elilei cheha Hophni hatü Phinehas nyiyao jütük.

JOSHUA 11:22

Israel kahdok kü Anakim am hükao aoei netuh; maani mon Gaza, Gath hatü Ashdod kü aoei nyuteke.

MENVIH KESHO 78:61

Büpai laophülei Vangpüshuwpü Pela shuohhütük, hatü büpalei müknyinshekhang vepaleilak kü shuohtük.

ISAIAH 20:1

Assyria am Sargon ongpai büpalei veshan mübü longpü hük shomei Philistia kü Ashdod chingnyü hah.

AMOS 3:9

Ashdod leipü hatü Ijip leipü penyüshathü kü baongeishuoh: “Am nyingi Samaria kahshangthülei thaituh, hatü hapa mongkü bukpüshaanpü longpü hatü halei shüveidoidei nyupü kü veituh.”

1 SAMUEL 6:1

Shembüpalei Vangpüshuwpü Pela Philistia kahdokei lenyang nyet thahshi angteke.