1 SAMUEL 4:21 - DAÜLANGPÜ LAIHING (BSI)

²¹ Pinnyüi hapa naü kü Ikabod, lappai, “Israel kübü müknyinshekhang yandaiteke” shei men; mehenangkü Kahvangei Vangpüshuwpü Pela yahlang; chepahalei chepa hatü chepahayao didai.

1 SAMUEL 4:21 Referans Kwoze

MENVIH KESHO 26:8

Oh Shembüpa, ngei nüng nyupü shem, hatü nüngei müknyinshekhang nyupü shing kü bamnyeih.

MENVIH KESHO 78:61

Büpai laophülei Vangpüshuwpü Pela shuohhütük, hatü büpalei müknyinshekhang vepaleilak kü shuohtük.

JEREMIAH 2:11

Kahvang nevaijao üam jatiyao laophülei kahvang jeipü eela? Shejao ngelei nanglakthüi yahlak neshiüpü lajei kü ngelei müknyinshekhang jeiteitükteke.

MENVIH KESHO 78:64

Jomei ngongpathü yani mah, hatü jomei vaümnyüthüi nethep neyoungnyu.

HOSEA 9:12

Jomi hapeüthü bühlangmao, ngei jom hashih shihphonghen. Mechem ngei jom yakphonghen, jomü onyükei shei ponghen.

1 SAMUEL 4:11

Kahvangei Vangpüshuwpü Pela omei yahlang; hatü Elilei cheha Hophni hatü Phinehas nyiyao jütük.

MENVIH KESHO 106:20

Jomi Kahvang müknyinshekhang thüng hahteipü mohohbaongei lajei mü jeiteitük.

1 SAMUEL 4:22

Pinnyüi, “Israel kübü müknyinshekhang yandaiteke; mehenangkü Kahvangei Vangpüshuwpü Pela yahlangteke” shei e.

1 SAMUEL 14:3

Hathü khongkü ngong-ow owpü Ahijah omshi nyu. Büpayü Shilohlei ngongpa vaipü Elilei cheha Phinehas, Phinehaslei cheha Ahitub, Ahitubei chenaü Ikabodei cheha nyuteke. Jonathan lüdaiteke shei üpaiyao nenying.

1 SAMUEL 2:34

Mechem nüngei anha Hophni hatü Phinehas nyi nyihcha hük kü dihenshang, ngei epü peü nüng kü dhaümhen nyangeihepü hük nyukahen.

1 SAMUEL 3:12

Hapa nyih chongpangpü kübü dohpü thahshi ngei Eli hatü jom shem khüei dükhen shei epü peü dükhen.

YOUNG LAI 2:1

Shembüpa mongshihpai Zion phumnyaki jümtük. Büpai Israel am dhemeilaümapü vangsho leipü kahdokei vütük. Büpa mongshihpü nyih büpai laophülei lashoup shingao betük.