1 SAMUEL 4:18 - DAÜLANGPÜ LAIHING (BSI)

¹⁸ Mechem büpai Vangpüshuwpü Pela jung omei ejapa, Eli-i büpa uopü uoshing ngaümphei phi lemei doei shatüngei shük hatü büpa ngaümchong mangtük, hatü büpa hammü di; mehenangkü büpayü vüdaipü nangkü laknolathan neaoki nyu. Büpai Israel am bong pinyi thahshi müteke.

1 SAMUEL 4:18 Referans Kwoze

MENVIH KESHO 69:9

Nüngei shem kü nyakpükenpai ngei kü aw kei bahnyüke; nüng kü ne-ienelemi epüthülei shahlong ngei shangkü nyüke.

MENVIH KESHO 42:10

Ngelei büm kü dihen mü ma yahtü nyüpeih; ngelei vepathüi ngei kü yaüei, “Nüngei Kahvang melei nyüpa?” shei düngei enyüke.

MENVIH KESHO 42:3

Ngelei vepathüi nedoh-i ngei kü, “Nüngei Kahvang melei nyüpa?” shei pheshingkü ngelei hahyingü ngelei mükphi nyuhampeih.

MENVIH KESHO 26:8

Oh Shembüpa, ngei nüng nyupü shem, hatü nüngei müknyinshekhang nyupü shing kü bamnyeih.

1 SAMUEL 4:13

Mechem büpa ngoijapa, Eli-ü lem philei veishi uoshi nyu; mehenangkü büpai Kahvangei Vangpüshuwpü Pela nang deih-ei nyuteke. Mechem hapa shennyak ching ngoiyei mehe vampa ha jung ejashingkü ching kemei leneiwong.

LEVI 10:3

Hahepak kü Mosai Aaron kü eteke, “Mechem Shembüpai epa, büpai hapa nang epeih: Üami ngei yopailei peiyei chongphonya, jom homei ngelei daülangshemshe huhen, hatü nanglakthü peü touei ngelei müknyinshekhang shakei vamhühen.” Shejao Aaroni ju kü shah nevami nendai.

1 SAMUEL 4:17

Shahjang koei leipü shennyaki jangei, “Israel am peü Philistia am kü nyemei nyaipeih, hatü veshanthü longi mahdaitih, hatü nüngei anha Hophni hatü Phinehas nyiyao mahdai, hatü Shembüpalei Vangpüshuwpü Pela-ao yahlangtih” shei e.

1 SAMUEL 4:19

Shaang chehalei shembünyü, Phinehaslei chenyüha büm nekongi hapeü anghen hepak ngoidaitü nyu. Mechem pinnyüi Kahvangei Vangpüshuwpü Pela yahlangpü, hatü chepahalei chepa hatü chepahayao didaipüja shei danpa, pinnyü kü shaang tou aa kü tüngpü peiyei naü büh.

SHAHPHENBÜTHÜ 15:20

Philistia ami vanglem lempü hepak kü Samsoni vangbong kukha thahshi Israel am müteke.