1 SAMUEL 3:7 - DAÜLANGPÜ LAIHING (BSI)

⁷ Shaang Samueli shaoüng Shembüpa meishi mangnying, hatü Shembüpalei shah chemao shakei vamei mangeshuoh-i nyuteke.

1 SAMUEL 3:7 Referans Kwoze

PHONGSHANTHÜ DOU 19:2

Büpai jomphong kü, “Am vaipü hepak kü ammi Laangha Daülangpü yahla?” shei phe. Jomi, “Neyah, hami Laangha Daülangpü nyüpüja sheiyao nedanangpih” shei jangei e.

JEREMIAH 9:24

shejao üami changmeinya, jomi Shembüpa nyingpü nangkü maühehütuh; ngei monghahpü douthüyü bampai, shahhingi hatü daülangpai hapa kahdoknyü kü dou düknyeih shei Shembüpai enyüke.

1 KORINT 13:11

Mechem ngei hashih nyupa, ngei hashih-i kei epeih, ngei hashih-i kei deihpeih, hatü ngei hashih-i kei deih-eilepeih. Mechem ngei behe leipa, ngei hashihlei yemnya deiaei kemei yaktüktih.

1 SAMUEL 3:6

Shembüpai shao “Samuel!” “Samuel!” shei nyük. Samueli paoei Eli touei heih-ei, “Nüngi nyükpü nangkü ngei heihküpeih” shei e. Shejao büpai, “Hapeü, ngei nenyükangpih; leiyei lemdaituh” shei e.

1 SAMUEL 3:8

Shembüpai Samuel kü shao jempabü nyük, hatü büpai paoei Eli touei heih-ei, “Nüngi nyükpü nangkü ngei heihküpeih” shei e. Hahepak kü Eli-i naü keyü Shembüpai nyükshuohnyu khih shei nying.