1 SAMUEL 27:1 - DAÜLANGPÜ LAIHING (BSI)

¹ Shejao Davidi laophü nyingi, “Nyih hükpayü ngei Saulei lak kü mahhen khih; ngei shingvaishi peü mü meipeyü Philistialei paüei daiyei nyupü meihen khih. Shejüang Sauli Israel kemeilei ngei yempü dohhen hatü hapai mon ngei büpalei lak kübü yangaokhen khih” shei deih.

1 SAMUEL 27:1 Referans Kwoze

ISAIAH 51:12

Ngeiyü am nyiushem meihüpü Shembüpa, Didai mahdaihen hangku kü mehekei ammi nyemnya? Jomü phenha kei kaudaihen shennyakthü mon.

1 SAMUEL 23:17

“Lanshei tenyem. Opa Saulei laki shei nüng nejüaokpih. Nüngi nyih hükü Israel amei ong vaihen, hatü ngei nyipabü vaihen hatü hapayü opai meishi nyingei nyüpeih” shei e.

KANDOK 13:12

Monglempü nejiüjü mong kü tüngnyüpeih, shejao monglempü jiüpeyü yangnyu pü nyüke.

MENVIH KESHO 116:11

Ngei longi mongshang kü nyushing kü, “Peü shahshem khih” shei epeih.

1 SAMUEL 29:2

Philistia am ongthü laophülei veshanthü kho mü haja mü shei mütü daishingkü David hatü büpalei shennyakthüao Akhish ongpa pheikü müshi dai.

1 SAMUEL 25:30

Mechem Shembüpai nüng kü lahpü doumeithü kemei dükpa, hatü Israel kü ong vaihen jepa,

1 SAMUEL 22:5

Hahepak kü Gad thibüi David touei peiyei, “Nüng yaongshalei joshi tenyu; Judah kahdokei lüdaituh” shei e. Hanangkü Davidi haleipü daiyei Hereth phaülei nyu.

1 SAMUEL 16:13

Hanangkü Samueli mainga shong yah-ei büpalei chejei ami eeshi mainga-i phuteke, hatü ha nyih mü pangei Shembüpalei laangha David kü pei. Hapheikü Samuel Ramahlei leidai.

1 SAMUEL 16:1

Shembüpai Samuel kü, “Ngei Saul Israel amei ong hean kübü yaktükpheikü nüngi meshük lushi büpa nangkü thepeiyoungei nyuhenang? Nüngi shong kü olive mainga maei shihtuh hatü Bethlehem am Jesse touei ngei nüng shomhen; mehenangkü büpalei hapeüthü khongkü ong vaihen hük ngei jepeih” shei e.

MÜLANGPÜ 14:12

Henüng ponghahmangkü shei Ijiplei nyushi-üng hami nüng kü, ‘Ham halei-üng tuhphongtuh; hami Ijip am-üng chongphoei nyudaishah’ shei neeangpü je? Jahpanei dileimeyü Ijip am chongphoei nyupü-üng ham shingvaishi meihah shepeih” shei eteke.

2 KORINT 7:5

Mechem ham Macedonialei peipa, hamei büm nyiumei kü nenyu, shejao hamphongi lem peü philei shangpongpeih– shakei dehilao, mongei nyempü nyupeih.

MARK 4:40

Büpai jomphong kü, “Am mehekei nyemnya? Am shaang thahshi hinglempü neshiüpü je?” shei e.

MATHI 14:31

Shüshülangi Jisui büpalei lak lüei büpa kü düktü, “Oh maani mon vaipü shennyak; nüng mehekei jü-üpa?” shei e.

BHEI-IE 14:3

Mih-ei lak kü dihen mü Shembüpai mehekei ham hapa kahdokei müei daipa? Hamei nyühihathü kemei vepathüi shetei lüdaihen khih. Ijiplei nyokei leidaijüang meihen khih!” shei eteke.

1 SAMUEL 26:19

Hanangkü shaang ngelei shembü ongpai nüngei chongphobülei shahthü kü banghümao. Shembüpai ngei khüei nüng shompü vailangmeyü büpai ngelei moila yahpai mongmeidaihen; hapayü shennyakthüi dükpü vaijema Shembüpalei thaüvaü jom kü hethen, mehenangkü jomi shinnyih ngei Shembüpalei mükjüp kübü changtüktü, ‘Daituh lebü kahvangthü chongphotuh’ shei hanpü khih.

1 SAMUEL 29:3

Philistia am veshan mübüthüi jomphong eeyei, “Hathü Hebrew am hatouei mehe lingnya?” shei phe. Akhish ongpai Philistia am mübüthü kü, “Hapayü Israel ongpa Saulei lakchongbü David nevaipü je? Büpa ngei mü bong kansho hük nyuei heihpeih hatü büpai Saul tuhphongtü peiküpü nyih kübü shinnyih thahshi büpai pungpü shei ngei neheüangpih” shei e.

1 SAMUEL 20:3

Shejao Davidi lah-ei, “Nüngi meshük ngei kü kennya ha ampai nyingei nyüke, hatü büpai, ‘Jonathan kü ha nenyinghüpih, hei nevaijema büpa hanghihen’ shei deihnyüke. Shejao vanyangyem Shembüpalei men kü, hatü nüng yemmü nyupü thahshi ngei hatü dihen nyi aa kü lakham hük mon nyüke” shei e.

1 ONGPATHÜ 12:26

Hapheikü Jeroboami büpa nyingi hapakei deih, “Hapa ongchingü David am shemei nyokei leidaihen vaaishang.

1 ONGPATHÜ 12:28

Hapakei deih-ei dangtü ongpai hon yah-ei mohoh cheha nyi ling, hatü büpai nanglakthü kü, “Jerusalemei khümnüng aonghenü amphong kü lem ahshi ludaiteke. Oh Israel am, amphong Ijip leipü müei leipü kahvangthü hatouei nyüke” shei e.

1 ONGPATHÜ 19:3

Elijah-i ha kü nyemei yanglem yemei büpalei chongphobü mütü Judah kahdok Beer-shebalei lüdai. Büpalei chongphobü halei tuhphongtü,

2 SHÜPPÜKENGPÜ 25:17

Judah ongpa Amaziah-i büpalei lakchongbüthü mü chudeih hanteitü büpai Israel am Jehulei cheha Jehoahaz, Jehoahazlei cheha Joash ongpa kü, “Dhe dhe gongei hokshah, aongkei” shei e.

MENVIH KESHO 55:7

hingmei ngei tailuei daiyei jahpanei nyudaihah shepeih;