1 SAMUEL 26:23 - DAÜLANGPÜ LAIHING (BSI)

²³ Shembüpai daülangshemshepü hatü shahhing epüthü kü thintho shuohnyeih; mehenangkü Shembüpai shinnyih ngelei lak kü nüng shuohteke, shejao Shembüpai jepü ong vaipü nangkü ngei nüng kü lak nehingangpih.

1 SAMUEL 26:23 Referans Kwoze

MENVIH KESHO 62:12

hatü bampeyü nüngei, Oh Shembüpa. Mehenangkü laophülei dou aimü nüngi peü kü shemnyeih.”

NEHEMIAH 13:14

Ngei deih-ei dangtuh, Oh ngelei Kahvang, hatü ngelei Kahvangei shem hatü halei khümhen shingvaishi mehe ngei lanei shuoh-ei düktepa, ha nüngi dhitei teyaktük.

1 ONGPATHÜ 8:32

nüngi vangsho leipü hapa bangtuh, hatü düktuh hatü pungpüba nyonghüei büpai dükpü büpalei shangjing kü kohütuh, hatü jiüpüba kü jiüpü shangshi thintho shuoh-ei dah shakhütuh.

1 SAMUEL 26:11

Shejao Shembüpai jepü shennyak kü lakhünghen Shembüpai nemongnyih. Shejoong büpalei shoshelei haongpü phung hatü yungshong yahtuh hatü daishah” shei e.

1 SAMUEL 26:9

Shejao Davidi Abishai kü, “Büpa tejü; üpai Shembüpai jepü ong kü lak hethenshang, büpa pungpü nevaihen je?” shei e.

1 SAMUEL 24:12

Ji aa kü Shembüpai-üng shah nyemphenkei! Nüngi ngei kü nejiü-i dükpü nangkü Shembüpai nüng hanghihühen aok, shejao ngelei laki shei nüng kü nehongpih.

1 SAMUEL 24:18

Shembüpai ngelei yangnyu nüngei lak kü shuohshingkü nüngi ngei nejü shejao mekei nüngi ngei kü meipü dükpa hapa jung shinnyih nüngi nih-ei eküteke.

1 SAMUEL 24:19

Mehenangkü üpai laophülei vepa heütü meishi yangei leishihpü nyüpa? Nüngi shinnyih ngei kü mei dükpü shing Shembüpai nüng kü thintho nyemshuoh.

1 SAMUEL 26:22

Davidi, “Oh ongpa, nüngei phung hammü shepeih, veshanthü hanei deishihei hapa leihahtuh.

2 SAMUEL 22:21

Ngei daülangshemshepü aimü Shembüpai ngei kü dükpeih; Ngelei lak daülangpü aimü büpai ngei kü laklei shuohpeih.

1 SAMUEL 24:11

Opa, ngelei lak leipü nüngei ashakjung kü veihümao! Ngei nüngei ashakjung vetei yahpeih shejao nüng nejüangpih. Hapa homei ngei nüng khüei nejiüpü dükhen hatü nüng jühen shei deihpü neshiüang shei nyingtuh” shei e. Ngei nüng kü meheyao pungei nedükangpih, shejao nüngi ngei jühen yemnyu khih.

2 SAMUEL 22:25

Ngei daülangshemshepü aimü, ngei büpa touei daülangi nyupü aimü Shembüpai ngei kü laklei shuohpeih.

JOB SHAHSHA APPÜ 34:11

Shennyaki mehe dük, ha kü büpai nyokei shuohnyeih, hatü laophülei doui shangpü kei büpai shuohnyeih.