1 SAMUEL 26:21 - DAÜLANGPÜ LAIHING (BSI)

²¹ Hahepak kü Sauli, “Ngei pungei dükteke; nyokei leikei, ngelei hapeü David; hajük kü ngei nüng kü meheyao ne-epih; nüngi ngelei yangnyu shinnyih yangei tuhteke; ngei ngapü khih; ngei longi pungteke” shei e.

1 SAMUEL 26:21 Referans Kwoze

1 SAMUEL 24:17

Büpai David kü, “Nüngü ngei mao nyeinya daülangpü khih; mehenangkü nüngi ngei kü mei shuohteke shejao ngeiyü nüng kü ten shuohteke.

1 SAMUEL 15:24

Sauli Samuel kü, “Ngei mang thahteke; mehenangkü ngei Shembüpalei shahkung shaiteke hatü nüngei shah nebang; mehenangkü ngei nanglakthü kü nyempai jomei shah bangpeih.

MÜLANGPÜ 9:27

Hahepak kü Pharaoh-i Mosa hi Aaron nyi nyükei, “Shinnyih-ü ngei mang thahteke; Shembüpayü jiüshangpü nyüke, shejao ngei hatü ngelei nanglakthü nejiüpü khih.

MATHI 27:4

Büpai, “Ngei daülangpü shennyak jühen luhahpai mang thahteke” shei e. Shejao jomphongi, “Hami ha mehe vaihen? Hayü nüng mong khihma” shei e.

1 SAMUEL 15:30

Hahepak kü Sauli, “Ngei mang thahteke, shejao Israel am behethü hatü nanglakthü touei ngei kü dhüm huei ngei Shembüpa nüngei Kahvang kü khümhen chemi leishah” shei e.

MENVIH KESHO 116:15

Shembüpa kü hinglempü shennyak hük dipeyü büpa touei douvang hih.

MENVIH KESHO 49:8

Yangnyu hük angei leihenü bhei wongshi; mechemao ha kü lop changshi shuohtü,

1 SAMUEL 27:4

Mechem Sauli David Gathlei yiüdaitekeja shei dan, büpai hajükü David neyem.

1 SAMUEL 26:24

Shinnyih ngei nüngei yangnyu yangei tuhpükei Shembüpai ngelei yangnyuao yangei nyemtuhpha hatü lebü shanghahthü peü kübü büpai ngei nyemyangpha” shei e.

1 SAMUEL 18:30

Hapheikü meshükpa Philistia ami hokhen daihenshang hajükpa Saulei lakchongbüthü meyü Davidei shennyakthü nyeinya aokpü dang; hapa keiha Davidü men-e leiteke.

BHEI-IE 22:34

Balaami vangsho phongshan kü, “Ngei mang thahteke. Ngelei yendai lem banghen nüng lemei yaongshi nyüpeih shei ngei nenyingangpih. Nüngi ngelei yendai nejiüang shei deihjema, ngei nyokei leidaihen” shei e.

1 SAMUEL 26:22

Davidi, “Oh ongpa, nüngei phung hammü shepeih, veshanthü hanei deishihei hapa leihahtuh.

MENVIH KESHO 72:14

Shüveipü hatü mophicheü kübü büpai jom yanglangnyeih, hatü jomü büpa touei douvang nyüke.

1 SAMUEL 13:13

Samueli büpa kü, “Nüngü ngadou dükteke. Nüngi Shembüpa, nüngei Kahvangi nüng kü shuohpü shahkung jiüshi nedükang; nüngi hapakei düklangmeyü Shembüpai Israel kü nüngei ongching den kü chongkhenei lingei tuhhen,

2 ONGPATHÜ 1:13

Hanangkü ongpai jempabü veshan mübü, hatü büpalei veshan jom pinyipüan shom. Jempabü veshan mübüi aongei Elijah touei aümei shatü, “Oh Kahvang shennyak, chingmeilemlingei ngei hatü nüngei chongphobü jom pinyipüanei yangnyu kü phahjishih.

2 ONGPATHÜ 1:14

Veituh, shelei anshihpü veshan mübü nyi, hatü jiji mü anshihpü veshanthü peü vangsho leipü aw yiüei hahtükteke, shejao nüngi ngei kü phahjishih!” shei khümei e.