1 SAMUEL 26:20 - DAÜLANGPÜ LAIHING (BSI)

²⁰ Hanangkü shaang, ngelei iy lebü kung kahdokei Shembüpa toueipü yanei daiyei teyenhü; mehenangkü Israel amei ongi nyemei lüdaipü pheikü phaüouha jününg daipükei daiküpü je?” shei e.

1 SAMUEL 26:20 Referans Kwoze

1 SAMUEL 24:14

Üpa khüei Israel ongpa layaongei daipa? Üpa kü nüngü changei dainya? Shimahng kü changei dainyu hi shepaung kü changei dainya?

MATHI 26:55

Hahepak kü Jisui khongnyü kü, “Amphongü gühpa hük kü keiha ngei yephen yan hatü miyaung noshi peiküpü je? Nyihjeih ngei phopshemei uotü nyuh-ei nyushingkü ammi ngei neyep.

MATHI 26:47

Mechem büpa shah eyei nyupa, anpünyi khong kübü hük Judas pei. Büpa mü khongnyü longpü hük yanlu hatü miyaung notü ngongpathü hatü behethü khong kübü peiteke.

1 SAMUEL 25:29

Hanei ami nüng kü changlangmao hatü nüng jütüknüng yemlangmao Shembüpa, nüngei Kahvangi büpalei kaokphang yangphangi jümshi yanglanghen, shejao nüngei vepathüyü büpai nyeikaunglah kübü yaongphaang kapei deitükpükei yaktükhen.

1 SAMUEL 2:9

Büpai hingshangpüthülei la yomhen, shejao nemeipüthüyü shangmang kü jütükhen; shennyak hüki laophülei wongi aokpü nedangnyih.”

1 SAMUEL 24:11

Opa, ngelei lak leipü nüngei ashakjung kü veihümao! Ngei nüngei ashakjung vetei yahpeih shejao nüng nejüangpih. Hapa homei ngei nüng khüei nejiüpü dükhen hatü nüng jühen shei deihpü neshiüang shei nyingtuh” shei e. Ngei nüng kü meheyao pungei nedükangpih, shejao nüngi ngei jühen yemnyu khih.

JEREMIAH 16:16

Shaang ngei nyah yepbüthü longi nyükhen shomnyüpeih, hatü jomü ha nanglakthü nyah kei yephen. Hapheikü ngei sikari shennyakthü nyükhen, hatü jomi hapa nanglakthü kahshang, shangching hatü yaongvak peü leipü jüei leihen.

YOUNG LAI 3:52

Ngei meheyao shaitükpü neshiüpü kü ve vaipüthüi ngei ouha kei jütükteke.

1 SAMUEL 24:15

“Shembüpai-üng ji aa kü üpa jiüpa shah nyemphenkei. Ngelei nang büpai veihen, hatü büpai ngei nüngei lak kübü yangei ngei dah shakhühen” shei e.