1 SAMUEL 24:9 - DAÜLANGPÜ LAIHING (BSI)

⁹ “Davidi nüng jütüknüng yemnyüke” shei ephopü shah kü mehekei nüngi bangnya?

1 SAMUEL 24:9 Referans Kwoze

KANDOK 29:12

Vanglem lembü hüki shahshem kü bangjema, büpalei lakchongbüthü kemei shennyakten leidainyeih.

JAKOB 3:6

Yeiyü aw khih. Hapayü jenei büm phaihan khongkü mangei kahdoknyü. Hapai büm kemei tentüknyeih, yangnyu lem kemei aw kü jaktüknyeih hatü laophü nyingi molo aw kü shukdainyeih.

KANDOK 26:28

Shahshem epü yeijaangi mongkü ma yahpüthü kü jiühitnyeih, hatü yawhpüyangpü jubeni lomoh danghünyeih.

KANDOK 25:23

Pehe vanglüki vang keipü keiha, shah luteipü shennyaki mongshihpü dhe hunyeih.

KANDOK 18:8

Mih-ei la epeyü ahshi-üng vüngnyangi nyüke; shennyaki hapa vüngnyangi lühnyüpeih.

KANDOK 17:4

Shennyaktenthüi ten epü kü bangnyüpeih, hatü shahshem ebüi shahshem shah kü bangnyüpeih.

KANDOK 16:28

Shahnyong epü shennyaki nekünejem vamhünyeih, hatü la-ejomshopai küphü yantüknyeih.

MENVIH KESHO 141:6

Mechem jom nyonghühen am kü jom lanei shuohtükhen, shejüang jomi ngelei shahthüyü shahhing khih shei nyinghen.

MENVIH KESHO 101:5

Joei chingyow kü lueilempü ngei mahtükhühen; changmeipü mongdang touei ngei nenteiaokei nenyuaoknyih.

1 SAMUEL 26:19

Hanangkü shaang ngelei shembü ongpai nüngei chongphobülei shahthü kü banghümao. Shembüpai ngei khüei nüng shompü vailangmeyü büpai ngelei moila yahpai mongmeidaihen; hapayü shennyakthüi dükpü vaijema Shembüpalei thaüvaü jom kü hethen, mehenangkü jomi shinnyih ngei Shembüpalei mükjüp kübü changtüktü, ‘Daituh lebü kahvangthü chongphotuh’ shei hanpü khih.

LEVI 19:16

Ammei nanglak khong kü shahshem langmaanei telongtei; chingyowpa lomohhütü nanglei danghen teyem. Ngeiyü Shembüpa nyüke.

1 SAMUEL 20:1

Hahepak kü Davidi Ramah kahdok Naioth leipü laongei daiyei Jonathan touei peiyei, “Ngei mehe ten dükpa? Ngei pungpü meheang? Büpai ngei jününg yemhen mü ngei ampa kü mehe nemeipü dükpa?” shei phe.

1 SAMUEL 24:8

Hapheikü Davidao yaongdung leipü vamei daiyei Saul kü, “Ngelei shembü ongpa!” shei nyük. Mechem Saul yaakei veipa, Davidi büpalei dhe kahdokei aümei shatü, Saul kü,

1 SAMUEL 24:10

Shinnyih mekei Shembüpai yaongdungei ngelei lak kü nüng shuohpa ha nüngei müki eeteke. Hanei-i nüng jütükhen nyeanphopeih shejao ngei jomphong kü, “Ngei ngelei shembü kü lak neshihpih; mehenangkü büpayü Shembüpai jepeih shei etü ngei nüng yangei tuhpeih.

1 SAMUEL 26:18

Hatü büpai shao, “Ngelei shembü nüngi mehekei nüngei chongphobü kü changnya? Ngei mehe dükphopa? Ngei mehe nejiüpü dükphaei nyüpa?

JEREMIAH 37:18

Shao Jeremiah-i Zedekiah ongpa kü, “Nüngi ngei khoklat kü küphen mü ngei nüng kü nevaijü nüngei lakchongbüthü nevaijü nanglak kü mehe ten dükphopa?

1 SAMUEL 20:41

Hapa naü aongdaipheikü Davidi yaong khongpü toueipü vamei Jonathan touei jempa thahshi kahdokei aümei shatü khüm. Jiji om kü jüptei, hatü chemi thep shejao Davidi nyeishi thep.