1 SAMUEL 24:6 - DAÜLANGPÜ LAIHING (BSI)

⁶ hatü büpalei shennyakthü kü “Ngelei shembü, Shembüpai jepü kü ngei hapakei dükhen, hatü ngei büpa khüei lak nohenü büpai nemongnyih; mehenangkü büpayü Shembüpai jepeih” shei e.

1 SAMUEL 24:6 Referans Kwoze

ROM SHAHSHA APPÜ 12:14

Nüng kü shüveipüthü kü moihimaneishuoh; moihimaneishuoh hatü jom kü tethaüvaü.

1 THESALONIKA 5:15

Am üpaiyao ten kü ten neshemhen lituh, shejao düngei hüki hük mü, hatü peü mü mei dükhen kentuh.

MATHI 5:44

Shejao ngei am kü enyeih, ammei vepa kü bamtuh hatü am kü shüveipüthü shing phopeishuoh;

1 ONGPATHÜ 21:3

Shejao Naboth-i Ahab kü, “Obülei mükjüp nüng kü shuohtükhenü Shembüpai nemongnyih” shei e.

2 SAMUEL 1:14

Davidi büpa kü, “Shembüpai jepü shennyak hük kü lak shihhen nüng nenyemang je?” shei e,

1 SAMUEL 12:3

Ngei hammü nyüpeih. Ngei lemhük dangkao pungei dükei nyujema Shembüpa, hatü büpai jepü ongpa touei ngei khüei denpü shuohtuh. Ngei üamei mohoh nevaijü gadu dangkao yahlangphüla? Nevaijü ngei üam kü lueilemei nevaijü ühingei nyüpa? Üpalei lak kübü ngei yawhdou yahpai ngelei mük phüngei nyüpa? Ngei hathü hük dangkao dükei nyujema shemhen” shei e.

1 SAMUEL 24:7

Hanangkü Davidi büpalei shennyakthü kü nemei-i lohshuoh hatü Saul jühen jomphong kü nemongshuoh. Hapheikü Saul paoei yaongdung leipü layaongei lüdai.

2 SAMUEL 24:10

Shejao Davidi veshanthü shangkuk iepheikü büpa longi mongshangei deih, hatü büpai Shembüpa kü, “Ngei dükpü doui nüng touei mang longi thahteke. Shejao shaang, Oh Shembüpa, nüngei chongphobüi thahpü mang tükshih shei phopnyüpeih; mehenangkü ngei ngadou dükpü khih” shei e.