1 SAMUEL 23:9 - DAÜLANGPÜ LAIHING (BSI)

⁹ Mechem Sauli büpa jühen temnyüke shei Davidi danpa, büpai ngongpa Abiathar kü, “Bhagthuh deikei” shei e.

1 SAMUEL 23:9 Referans Kwoze

1 SAMUEL 30:7

Davidi Ahimelekhei cheha Abiathar ngongpa kü, “Ngei kü bhagthuh deikei” shei e. Abiathari büpa kü hapa deiyei shuoh,

1 SAMUEL 23:6

Mechem Ahimelekhei cheha Abiathar laongei daiyei Keilahlei David touei peipa, büpai bhagthuh hük noei peiteke.

BHEI-IE 27:21

Eleazar ngongpa touei büpa yaonghen hatü büpa shingvaishi Shembüpa toueipü Urim hatü Thummim kü Eleazari pheyei Shembüpai mongpü nyinghen. Hapa keiha Eleazari Joshua hatü Israel am khong kempü kü lem hupükei jom daihen hatü leihen” shei e.

PHONGSHANTHÜ DOU 14:6

Mechem phongshan nyi-i ha danpa, jijinyi-i Lykaonia kahdok kübü chingnyü nyi Lystra hatü Derbe hatü lebü kahmükei nyaiyei lüdai;

PHONGSHANTHÜ DOU 9:24

shejao jomi shah showpü Sauli nyingdai. Jomi penyüshalei nyakhingai thüngei büpa jühen veiyei nyu;

JEREMIAH 33:3

Ngei kü nyüktuh hatü ngei nüng kü janghen hatü nüngi nenyingpü longpü hatü douja nüng kü ephahen.

1 SAMUEL 22:20

Shejao Ahitubei cheha Ahimelekh, Ahimelekhei cheha Abiathar laongei daiyei yang hatü David mü nyu.

1 SAMUEL 14:18

Sauli Ahijah kü, “Kahvangei Vangpüshuwpü Pela halei deikei” shei e. Hahepak kü hapayü Israel am mü shiüteke.

1 SAMUEL 23:8

Hanangkü Sauli Keilahlei yiüei David hatü büpalei shennyakthü kü shümei yahtü hokhen shingvaishi büpalei veshanthü peü nyükteke.

1 SAMUEL 23:10

Hapheikü Davidi, “Oh Shembüpa, Israel Kahvang, Sauli Keilahlei yiüei ngei tata kü hapa ching hahtükhen küpjan tempü nüngei chongphobüi lekei danteke.

1 ONGPATHÜ 2:26

Ongpai ngongpa Abiathar kü, “Ammei kahmük Anathoth yemei leidaituh. Nüng dihen shangteke, shejao shaang payü ngei nüng nejü-ü; mehenangkü nüngi opa David mü nyushi Jeiyong Shembüpalei Vangpüshuwpü Pela kopeih, hatü opalei hanghi peü kü sheühteipeih” shei e.

HOSEA 3:4

Hapa keiha Israel ami nyih longi longhiong neshiüi, moila neshuoh-i, hatü daülangpü yaongthü nevaijü yaongnaüya nevaijü lajeithü neshiüi nyuhen.

1 SAMUEL 10:22

Hanangkü jomphongi Shembüpa kü, “Hatouei peikahen shennyak shao hanei nyüpü je?” shei phe, hatü Shembüpai jangei, “Veituh, büpayü hanggothü phangei joshi nyüke” shei e.