1 SAMUEL 22:14 - DAÜLANGPÜ LAIHING (BSI)

¹⁴ Ahimelekh-i ongpa kü, “David keiha nüngei chongphobüthü khongkü mong kemei shuohpü, nüngei yiükha yahpü shennyak, nüng yompü veshanthü kü mübü, hatü nüngei ongching kü peüi longi dhüm shuohpü shennyak üpa nyüpa?

1 SAMUEL 22:14 Referans Kwoze

1 SAMUEL 20:32

Hahepak kü Jonathani chepa Saul kü, “Mehe med kü büpa jühenang? Büpai mehe dükphopa?” shei e.

1 SAMUEL 26:23

Shembüpai daülangshemshepü hatü shahhing epüthü kü thintho shuohnyeih; mehenangkü Shembüpai shinnyih ngelei lak kü nüng shuohteke, shejao Shembüpai jepü ong vaipü nangkü ngei nüng kü lak nehingangpih.

1 SAMUEL 24:11

Opa, ngelei lak leipü nüngei ashakjung kü veihümao! Ngei nüngei ashakjung vetei yahpeih shejao nüng nejüangpih. Hapa homei ngei nüng khüei nejiüpü dükhen hatü nüng jühen shei deihpü neshiüang shei nyingtuh” shei e. Ngei nüng kü meheyao pungei nedükangpih, shejao nüngi ngei jühen yemnyu khih.

1 SAMUEL 22:13

Sauli büpa kü, “Jesselei cheha anjinyi-i ngei khüei mehekei phaüshah shownya? Shinnyihpü keiha büpai ngei khüei yaongei ngei nyemjütük shei mehekei nüngi büpa kü hahying, hatü yanlu shuoh-ei büpa nangkü Shembüpa kü phepa?” shei e.

1 SAMUEL 21:2

Davidi Ahimelekh ngongpa kü, “Ongpai ngei hayaoha dousho hük kü shompeih hatü hapa nang üpa kao tenyinghü shei ephopeih, hatü ngei ngelei shennyakthü mü shing haneilei pongteipeih.

1 SAMUEL 18:27

David hatü büpalei shennyakthü daiyei Philistia am kho nyi jü, hatü Davidi hathülei shuw vetei leiyei ongpa mü shaonghinang vaihen kemei shuoh. Sauli büpa mü büpalei yiükha Mikhal shem yemhü.

1 SAMUEL 18:13

Hanangkü büpai David büpa mü nyupü deitük hatü büpa kü veshan haja shak kü mübü vaihen shuoh, hatü hokpüshengpü peü kü Davidi veshanthü mütei.

1 SAMUEL 17:25

Israel ami, “Shehongei laoei heihteipü hapa shennyak eela? Büpayü Israel am kü vehok chenghen heihnyu khihma. Üpai hapa shennyak jühenshang ongpai büpalei yiükha mü shem yemhühen hatü jom shemi lat thaipü meheyao neshuohhen lah-ei nyüpeih” shei eteke.

1 SAMUEL 25:28

Nüngei chongphobüi pungpü kü chingmeilemlingei mang tükshih; mehenangkü hingmei Shembüpai nüng kü nemahnechahpü ongching hük linghen; mehenangkü nüngi Shembüpalei med kü hoknyüpeih. Nüng yemmü nyupü thahshi mehe pungpüshaipao nevamhühen.