1 SAMUEL 20:41 - DAÜLANGPÜ LAIHING (BSI)

⁴¹ Hapa naü aongdaipheikü Davidi yaong khongpü toueipü vamei Jonathan touei jempa thahshi kahdokei aümei shatü khüm. Jiji om kü jüptei, hatü chemi thep shejao Davidi nyeishi thep.

1 SAMUEL 20:41 Referans Kwoze

1 SAMUEL 18:3

Hatü Jonathani laophü kü kei David kü bampü nangkü büpa mü vangpüshuwpü lingteke.

KAHBHAO 29:11

Hahepak kü Jakobi Rachel kü om kü jüptü wong mü thep.

PHONGSHANTHÜ DOU 20:37

Halei jom peü longi theptei, hatü jomi Paul kü khaaitü ju kü jüpteke;

2 SAMUEL 19:39

Hapheikü David hatü nanglakthü peü Jordan homei lei. Ongpai Barzillai kü om kü jüptü moihimanshuoh, hatü büpa laophülei shemei leidai.

2 SAMUEL 9:6

Mechem Saulei chehü, Jonathanei cheha Mephibosheth David touei peipa, büpai büpa kü dhüm huei aümei sha.

2 SAMUEL 1:26

ngei nüng kü mahng thepnyeih, Oh ngelei mongjempa Jonathan; Nüngi ngei kü longi kenpeih; Nyühathüi kenpü mao nyeishi nüngi ngei kü kenpü thamashi.

1 SAMUEL 25:23

Mechem Abigaili David eepa, pinnyü shülangi gadu dokshang leipü shüh-ei kahdok kü dhe shüshi David touei aümei sha.

1 SAMUEL 10:1

Hahepak kü Samueli mainga shong yah-ei Saulei shangjing kü nyioei om kü jüptü, “Shembüpai nüng Israel nanglak shak kü vanglem lemhen jeteke” shei e. Nüngi Shembüpalei nanglak shak kü vanglem lemhen hatü nüngi peü lem kübü vepathülei lak kübü jomphong yanghen. Shembüpai nüng büpalei nanglak shak kü vanglem lemhen jepü nyangeihepü ha nyukahen.

KAHBHAO 45:15

hatü büpai cheihinaüthü peü kü om kü jüptü jomphong mü thep. Haphei küang cheihinaüthüi büpa mü shah etei.

KAHBHAO 43:28

Jomphongi, “Nüng chongphobü, opayü meishi-üng shaang thahshi yemmü nyüpeih” shei e, hatü jomphongi aümei shatü büpa kü dhüm shuoh.

KAHBHAO 29:13

Labani chenaüei hapeü Jakob jung danhinüng büpai büpa mü pongnüng mok; büpai büpa kü khaaitü om kü jüptü shemei müei lei, hatü Jakobi Laban kü lemphüli ejateke.

KAHBHAO 42:6

Shaang Joseph-ü hapa kahdok kü governor vaiteke; büpai kahmük kübü nanglak peü kü hahying yuteke. Josephei chejeihijei amao yiüei büpa touei jomei dhe kahdokei aümei sha.

1 SAMUEL 20:40

Jonathani büpalei lah hapa naü kü shuohtü, “Hapa koei chingei aongei chongkei” shei e.

KAHBHAO 33:4

Shejao Esau büpa mü pongnüng heih-ei büpa kü üng kü khaaitü om kü jüp, hatü jiji thep.

1 SAMUEL 24:9

“Davidi nüng jütüknüng yemnyüke” shei ephopü shah kü mehekei nüngi bangnya?

2 SAMUEL 1:2

Nyih jempabü kü Saulei baümtap leipü shennyak hük büpalei büm-ow kemei shaaktüktü shangjing kü bhihla nyiotü David touei peiyei dhüm huei kahdokei doei lem.

2 SAMUEL 14:4

Hapa Tekoa am nyühai ongpa touei peiyei büpa kü dhüm shuohei kahdokei dhe aümei shatü, “Oh ongpa, ngei kü sheühshih” shei e.

1 ONGPATHÜ 1:16

Bathsheba-i ongpa touei aümei sha, hatü ongpai pinnyü kü, “Nüngei nadang meheang?” shei phe.

1 ONGPATHÜ 1:23

Jomphongi ongpa kü, “Nathan thibüao peiyei nyüke” shei eshuoh. Büpa ongpa touei shüei kahdokei aümei sha.

1 ONGPATHÜ 1:31

Hahepak kü Bathshebai dhüm huei ongpa touei kahdokei aümei shatü, “Ngelei shembü David ongpa denden kü nyutuh!” shei e.