1 SAMUEL 2:5 - DAÜLANGPÜ LAIHING (BSI)

⁵ Chem moh-eileyei hahhampüthü shaang nük ju omhük kü nang shanyüke, shejao aeiyei nyupüthü hajük kü ne-aeinyu. Nyülani hapeü nyet angteke, shejao hapeü longi angpü nyüang hükao neshiü.

1 SAMUEL 2:5 Referans Kwoze

LUK SHAHSHA APPÜ 1:53

Büpai aeipüthü doumei-i mahü, hatü shemmeithü lakkong deitük.

MENVIH KESHO 113:9

Büpai nyülan kao hapeüthüi mongongpü nyü leiyei nyuhen bükhishem shuohnyeih. Shembüpa men longtuh.

JEREMIAH 15:9

Naü nyetei nyü shomeiyingei shahen, hatü ngüshom heetü dihen. Nyihnüng vaishi tuhtü pinnyülei vanghenyü shüdaihen; Pinnyü veühen hatü hai danghen. Yangei aoei nyupüthü vepalei yani mahhühen shei Shembüpai enyüke.

MENVIH KESHO 34:10

Mailangao wong nekoh-i leinyeih, hatü aeinyeih, shejao üami Shembüpa kü nyemnya, doumei mepaiyao taoei nenyunyih.

LUK SHAHSHA APPÜ 16:25

Shejao Abrahami e, “Hapeü, nüng yemmü nyushingkü nüngi nüngei heanmei dangpü deihtuh, hatü Lazari nemeipü hean dangpeih. Shejao shaang büpa nyiushemmei kü nyüke, hatü nüngü hanghi kü nyüke,

ISAIAH 54:1

“Loktuh, Oh nyülan, hapeü chemao mangpohpü; Kesho loktuh, mongongpai lentuh, am aokvomi chemao mangtüngpüthü; Baha nyupü nyühathülei hapeüthü meyü, yaktükpü nyühathülei hapeüthü nyeishi nyuhen” shei Shembüpai enyüke.

1 SAMUEL 1:6

Mehenangkü Shembüpai pinnyü nyülan leitükpü nangkü pinnyü mü chemi nyupü nyüha-i pinnyü kü longi ne-ienelemi shüvei.

1 SAMUEL 1:20

Hahepak kü Hannah büm nekongi lei, hatü yeshang hük büh. Pinnyüi naü kü, Samuel, lappai, “Ngei büpayü SHEMBÜPAleipü yühahpeih” shei men.

GALATIA 4:27

Mehenangkü ha nyangei nyüke: “Mongongtuh, Oh nüng nyülan, hapeü ne-angpü nüng; Mongongpai lenei wongtuh, hapeü anghen tüngpü ne-eepü nüng; mehenangkü yaktükpü nyühalei hapeüthüang baha nyupü nyühalei hapeüthü mao nyeinya nyüke.”

RUTH 4:15

Büpai nüngei yangnyu ja leiyei linghen, hatü nüng viüei nyupü hepak kao büpai nüng junghen. Nüngei lipeü üpai nüng kü bamnya, hatü üpa kü nüngi nethe nyet angpü mao nyeinya bamnya pinnyüi nüng kü hüpeü hük angphüteke” shei e.

ISAIAH 33:9

Kahdok vandai, hatü lavüngtoiyei leidai, Lebanonü veüshi vandaiteke. Sharonü bhih kahdok leidai, Bashan hatü Karmel Kahshang kübü phenlakvungpha peü kaongdaiteke.