1 SAMUEL 2:30 - DAÜLANGPÜ LAIHING (BSI)

³⁰ Hanangkü Shembüpa, Israel Kahvangi hapakei enyüke: Ammei shemong hatü mükhiphangi düngei ngei touei chongphohen shei lahteke, shejao shaang Shembüpai enyüke: ‘Ngei toueipü taishi lüdaituh; üami ngei kü dhüm shuohnya, ngei jom kü dhüm shuohhen, üami ngei yaktüknya, ngeiyao jom nyonghühen.

1 SAMUEL 2:30 Referans Kwoze

JOHAN 12:26

Üami ngei chongphonya, ngei phei mütuh, hatü ngei melei nyu, halei ngelei chongphobüthü nyuhen. Üami ngei chongphonya, Opai-i dhüm huhen” shei e.

MALAKI 1:6

Hapeü hüki laophülei pa kü, hatü aa hüki laophülei shembü kü dhüm shuohnyüpeih. Ngei ammei pa vaijema, ngei kü melei dhüm shuohnya? Ngei ammei shembü vaijema, ngei kü nyempü melei nyüpa? shei Shembüpa Kahvangi enyüke. Oh ngongpathü, ammi ngelei men ne-ienelemnyu, shejao ammi, “Hami nüngei men mekei ne-ienelemi nopa?” shei phenyüke.

2 SHÜPPÜKENGPÜ 15:2

Büpai Asa mü pongteinüng heih-ei, “Ngei epü banghümao, Asa, Judah hatü Benjamin am peü. Am Shembüpa mü nyupü thahshi büpayao am mü nyüke. Ammi büpa yemjema, ammi büpa danghen, shejao ammi büpa yaktükjema, büpaiyao am yaktükhen.

ISAIAH 29:13

Shembüpai enyüke: “Hathü shennyakthüyü jomei jui mon ngei yopailei peinyüke, hatü jubenyeijaangi mon ngei kü dhüm shuohnyüke, shejao jomei mong ngei toueipü longi taishi lüdaiteke. Jomi ngei kü khümpeyü shennyaki nyuhshuohpü vanglem kü mon khümnyüke.

MÜLANGPÜ 29:9

hatü jom kü shüngshep shepeishuoh, hatü jomei shangjing kü athen theneishuoh. Hapa keiha nüngi Aaron hatü chehathü thiteiphuhen. Jom hatü jomei hühihathü thahshi denden kü jomi ngei kü ngongdou dükei chongphohen.

MENVIH KESHO 91:14

Üami ngei kü bam, ngei jom yanghen; ngelei men nyingpüthü ngei jom yanglanghen.

MENVIH KESHO 50:23

Üpai menvih shuohpü moila shuohnya, ngei kü dhüm hunyüke; hatü ngei Kahvang yemleipü büpa kü huhen shingvaishi büpai lem temhahnyüke.”

1 PETER 1:7

Honü mahdaihen dou vaijao awi doknyüpeih. Am hinglempeyü hon mao nyeinya douvang vaipü nangkü mechem Jisu Khrista shakei vamhen, menvih, müknyinshekhang, hatü dhüm kohshi eehen shingvaishi kentuh.

JOHAN 5:23

shejüang Pa kü dhüm hupükei Ha kao dhüm huhen. Üpai Ha kü dhüm nehu, büpai büpa shompü Pa kü dhüm nehunyu” shei e.

MENVIH KESHO 18:20

Ngei daülangshemshepü aimü büpai ngei kü laklei shuoh; ngelei lak daüshi nyupü aimü büpai ngei kü moihimanpeih.

JOHAN 8:49

Jisui, “Ngei kü kahshih neshiüpih, shejao ngei Opa kü dhüm shuohnyeih, hatü ammi ngei kü dhüm nehunyu.

DANIEL 4:34

Mechem vangbong nyet peihpa, ngei, Nebukadnezzar vangsho philei ngangei vei, hatü ngei kü deih-aokhen chudeih peiküteke. Ngei Jaipüba Kahvang kü men long hatü denden nyupü büpa kü dhüm hatü müknyinshekhang shuohteke. Büpa vanglem lempü denden kü nyuhen, büpalei ongching hüdenhalenshi nyuhen.

BHEI-IE 11:20

shejao lenyang hük kemei ammei shuonghiju kü yenshi, hatü mangteng thahshi hahhen. Mehenangkü ammi am mü nyupü Shembüpa yakphong, hatü, “Ham Ijip leipü mehekei layaongei daihahpa?” shei büpa kü eelaei eteke.

1 KORINT 4:5

Hanangkü ittükpü hepak mangngoi shekü shah tephen. Shembüpa yiüküpü dantuh. Büpai vangnyakei joshi nyupü vangngailei ngaikahen, hatü hangkulei mongdangei deihpü shakei ngaikahen. Hahepak kü peüi Kahvang leipü dupü-oupü danghen.

JOHAN 5:44

Üpa mon Kahvang nyu, ammi büpa leipü peipü müknyinshekhang neyemi am hüki hük leipü dupü-oupü yemyaki mekei etü am hinglemhen?

BHEI-IE 35:34

Am nyupü kahdok tenyettük; mehenangkü ngeiyü Shembüpa, hatü ngei Israel nanglakthü mü nyunyüpeih.

SHAHPHENBÜTHÜ 9:10

Hapheikü püthüi adhapü kü, ‘Nüng hamei ong vaikütuh’ shei e.

MÜLANGPÜ 28:43

Mechem Aaron hatü chehathüi ashakshemei shühenshang jomi hapa owhen, nevaijü Daülangpü Shingei chongphohen moidü yopailei peishingkü ha owtuh, shejüang jom kü mang nehethen hatü jom nedihen. Hapayü Aaron hatü büpalei hühihathü shingvaishi düngeipü shing shahkung nyukahen.

1 ONGPATHÜ 11:11

Hanangkü Shembüpai Solomon kü, “Nüngi mongpükei deihtü nüngi ngei mü vangeishuwpü nedüki nüng kü ngei epü ngelei shahkungthü mangtükpü nangkü, ngei nüngei ongching nyi vaishi hantü nüngei chongphobü hük kü shuohtükhen.

MENVIH KESHO 73:20

Jomü paojapü mangh leidaitü nyupükei nyüke; paoei mangh mü eepü peü mahtüknyeih.

MENVIH KESHO 91:15

Mechem jomi nyükhen, ngei janghen; shanghah shingkü ngei jom mü nyuhen. Ngei jom yanghen, hatü dhüm huhen.

KANDOK 4:8

Pinnyü kü longi lümtuh, hatü pinnyüi nüng longei anshihhen; pinnyü kü khaaituh, hatü pinnyüi nüng kü dhüm yahphahen.

KANDOK 8:17

Ngei-i ngei kü bampüthü kü bamnyüpeih, hatü üami ngei yemnya, dangnyüpeih.

JEREMIAH 29:32

Shembüpai hapakei enyüke: Ngei Nehelam am Shemaiah hatü büpalei hühihathü hanghihühen; ngei ngelei nanglakthü kü mei dükpü eehen mü nanglakthü khongkü büpalei hühiha hükao yemmü netuhhen; mehenangkü büpai Shembüpa khüei yaongteke shei Shembüpai enyüke.

EZEKIEL 34:10

Ngei mi yombüthü khüei nyüpeih, hatü jomphongei lak leipü ngelei mithü yühen, hatü jomi mi jüei hajük kü nehahhen, mi yombüthü sheyü jom nying kü shümoh meiyei nenyuhen. Mithü jomei hahying neleihühen shingvaishi ngei jomei ju leipü mithü yanglanghen.

1 ONGPATHÜ 2:27

Shembüpai Shilohlei Eli am shem nangkü epü jiühühen shangmü Solomoni Shembüpalei ngongpa dousho kübü Abiathar changtük.

1 SHÜPPÜKENGPÜ 17:18

Nüngei chongphobü kü nüngi hajük thahshi dhüm hupü kü David, ngei ha mü lenei mehe ekününg? Mehenangkü nüngi nüngei chongphobü nyingei nyüke,

2 SHÜPPÜKENGPÜ 26:18

Jomphongi büpa mü shah dakteiyei e, “Uzziah, nüngi Shembüpa kü ayingshü jakpeyü jiüpü nevaipih. Hapayü ngongpathü, Aaronei hühihathüi ha dükhen nangkü jepüthülei dou hih. Hapa Daülangpü Shing leipü vamdaituh; mehenangkü nüng pungteke, hatü Shembüpa Kahvangi ha nangkü shei nüngi moihiman hatü vangdhüm nedangpih.”

MENVIH KESHO 18:26

daüshi nyupüthü touei nüngi daülangi hunyeih. shejao laülüki nenyupüthü touei nüngi kon kohshi düknyüke.

KANDOK 12:8

Laophülei kihikon aimü shennyak hük kü vihnyüpeih, shejao sholi neshiüpüthüyü ne-ienelemi yakphongnyeih.

JEREMIAH 49:15

Shaang ngei amü jatthü khongkü peü mü maanpü; hangku khong peüi yaktükpü nanglak leihühen.

MALAKI 2:3

Ngei ammei dhe kü ammi moilapü yemhimakei nühinami nyiohen, hatü am hapa nühinam shingei yah-ei daihen.