1 SAMUEL 2:14 - DAÜLANGPÜ LAIHING (BSI)

¹⁴ phaidük kü hapa haoklak hingtü meshük omei aongjahenshang laophü shing yahhamteke. Hapa keiha Israel am Shilohlei peijapü peü kü dükhamteke.

1 SAMUEL 2:14 Referans Kwoze

ISAIAH 56:11

Jomü mechemao moh nemeipü hahnempü shi khih. Jomphongü kon neshiüpü mi yombüthü; Jom peü laophülei lem kü mon lüdaikemnyüke, peüi laophü nanglei danghen lem mon yemnyüke.

1 SAMUEL 2:29

Nanglakthü kü yüpü jakpü moila hatü lebü moilathü kü mehekei hahnemei, hatü ngei kü dhüm shuohhen nangjeiyei Israel ami shuohpü moila kübü hean meipü üh-ei anhanyi kü-ang dhüm shuohnya?

LEVI 7:34

Yemhalei amma hatü hapalei shüngdahphiyü hayaoha thintho Shembüpai Israel nanglakthü kübü yah-ei ngongpathü kü shuohpü nyüke. Hapayü Israel ami ngongpathü kü hüdenhalenshi shuohhen phaihan nyüke.

MALAKI 1:10

Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

1 SAMUEL 2:13

nevaijü ngongpathüi nanglakthü kü dükhen dousho kü mong neshuoh. Mechem shennyak hanei-i jakpü moila shuohhenshang ngongpalei chongphobüi lakjaang jem phaakpü haoklak notü peiyei phai cheüei nyushingkü,

1 SAMUEL 2:15

Nyeinya vaishi cheü aw kü jakshekü ngongpalei chongphobü peiyei jakpü moila shuohpüthü kü, “Ngongpai shoukei hahhen phaithüng yahshih; büpai am leipü phailang neyahkahen; phaithüng mon yahkahen” shei ehamteke.

MIKA 3:3

Ammi ngelei nanglakthülei phai hahnyüke, hatü jomei shuw nyiuknyüke, hatü jomei vang khih mü nihtüknyüke, hatü haodük leipü phaiphukei khih mü dehtüknyüke.