1 SAMUEL 18:6 - DAÜLANGPÜ LAIHING (BSI)

⁶ Davidi Goliath jüpheikü mechem shennyakthü shemei leijapa, Israel kü nyupü jilathü peü kübü nyühathü Saul ongpa mü pongteihen mongongpai kesho lokei, phaukteiyei tambourin hatü liping kongkoih vüngei daiteke.

1 SAMUEL 18:6 Referans Kwoze

SHAHPHENBÜTHÜ 11:34

Mechem Jephthah-i shem yemei Mizpahlei leijapa, büpalei yiükha phaam kaongei phaukteiyaki chepa ombomei vamjateke. Pinnyü-ü büpalei halomnyü; pinnyü mü lenei yeshang nevaijü yiükha üpa-ao nenyu.

MÜLANGPÜ 15:20

Hahepak kü Aaronei chenya Mariami tambourin yah-ei no, hatü nyühathü peü pinnyü phei kü tambourin notü vüngei phaukteiyei dai.

MENVIH KESHO 68:25

She philei kesho lokbüthü, ha pheilei kesho venbüthü, ha khong nyi aa kü nelathü nyüke.

MÜLANGPÜ 15:21

Mariami jomphong kü hapakei kesho venteke: “Shembüpa kü kesho loktuh; mehenangkü büpai yashanshi aokpü dangteke; Koyei hatü ha kü uopüthü büpai yungchingei hüngtükteke.”

1 SAMUEL 18:5

Sauli David melemei shomhenshang lemphüli aokpü dangei mon leijapü nangkü Sauli büpa veshanthü shak kü mübü vaihü. Hapakei dükpü nangkü nanglakthü hatü Saulei lakchongbüthü peüi mongongei deih.

2 SAMUEL 1:20

Gathlei ha jung te-e, Ashkelon chingyangshong kü ha baongei yaüei te-e; Hei nevaijema Philistia nelathüi mongonghen, hatü nejaptükpüthülei yiükhathüi mongmeihen.

2 SAMUEL 6:5

David hatü Israel phang kemei Shembüpa touei jomei wong kempai kesho lokei, lyre, harp, tambourin, castanet hatü cymbal vüngei phaukteiteke.

MENVIH KESHO 68:11

Kahvangi shahkung shuohnyüke, hatü nyühathüi hapa shahjang baongnyüke.

MENVIH KESHO 149:3

Jomi phaukteiyei büpalei men longtuh, tambourin hatü lyre vüngei, ünghinyah meipai büpa kü lohtuh.

ISAIAH 30:32

Shembüpai büpalei lenshuoh-i jom kü bhei shan ieyei phaam hatü harp ngeü mü vamhen. Kahvangi laophü lomei Assyria am mü hokhen.