1 SAMUEL 18:3 - DAÜLANGPÜ LAIHING (BSI)

³ Hatü Jonathani laophü kü kei David kü bampü nangkü büpa mü vangpüshuwpü lingteke.

1 SAMUEL 18:3 Referans Kwoze

1 SAMUEL 20:42

Jonathani David kü, “Meishi daituh; mehenangkü ji Shembüpalei men kü, ‘Ji aa kü hatü jiei hühihathü aa kü düngei Shembüpayü denbü vaihen’ shei lahteitükteke” shei e. Hapheikü David lüdai, hatü Jonathan chingei aongdai.

2 SAMUEL 21:7

Shejao ongpai Jonathanei cheha Mephibosheth yangei tuh; mehenangkü David hatü Saulei cheha Jonathan nyi aa kü Shembüpalei men kü vangteitükpü nyuteke.

1 SAMUEL 23:18

Hahepak kü jiji Shembüpa touei vangpüshuwpü ling; Davidü Horeshlei nyu hatü Jonathanü shemei leidai.

1 SAMUEL 20:41

Hapa naü aongdaipheikü Davidi yaong khongpü toueipü vamei Jonathan touei jempa thahshi kahdokei aümei shatü khüm. Jiji om kü jüptei, hatü chemi thep shejao Davidi nyeishi thep.

1 SAMUEL 22:8

Hanangkü am peüi ngei khüei phaüshah shownyu je? Ngelei hapeüi Jesselei cheha mü vangpüshuwpü lingpü üpaiyao ngei kü ne-epha. Shinnyih lingpü keiha ngelei chongphobüi ngei jühen nangkü ngelei hapeüi lem lingpü nang amphong üpaiyao ngei kü mong nemei-i deihtü ha jung ne-epha” shei eteke.

1 SAMUEL 19:1

Sauli cheha Jonathan hatü büpalei chongphobüthü kü David jühen jung eteke. Shejao Saulei cheha Jonathani David kü longi ken,

KANDOK 18:24

Küphü haneiyü neshennejungnyih; Küphü haneiyü laophülei cheihinaü mao mongkhen-püba nyunyüpeih.