1 SAMUEL 16:7 - DAÜLANGPÜ LAIHING (BSI)

⁷ Shejao Shembüpai Samuel kü, “Nüngi büpalei dhe nevaijü bümhishao meipü kü tevei; mehenangkü ngei büpa yaktüktih. Shembüpa ngeiyü hangkui veipükei neveinyih. Shennyaki shakdok kü veinyeih, shejao Shembüpa ngeiyü mongdang kü veinyeih shei e.”

1 SAMUEL 16:7 Referans Kwoze

JOHAN 7:24

Ammi shakdokei eepü kü shah tephen, shejao jiüpü shahphen shuohtuh” shei e.

JEREMIAH 17:10

Shennyak hük kü büpai dükpü aimü, hatü büpalei doui shangpükei laklei shuohhen shingvaishi, Ngei, Shembüpai mongdang yemnyüpeih, hatü sholi doknyüpeih.

LUK SHAHSHA APPÜ 16:15

Hanangkü büpai jomphong kü, “Ammi laophü nyingi mih touei dahshaknyüke, shejao Kahvangi ammei mong nyingnyeih; mehenangkü hangkui mehe douvang shei deih, hayü Kahvang touei jiühitbenüng” shei e.

1 PETER 3:4

Haleimeyü, ammei owhiaiyü mongpa leipü vampü inyainyempü hatü nenaokpü laangha den kü nyuhen dhemeilaüma, mepa Kahvang touei douvang nyüpa, ha nyuhütuh.

KANDOK 16:2

Peüi laophülei lemthüyü jiüpeih shei mon deihnyüpeih, shejao Shembüpai mongdeih doknyüpeih.

KANDOK 31:30

Hangbong meipeyü mahdaihen, dhemeilaümapeyü lüdaihen, shejao üpa nyühai Shembüpa kü nyemnya, pinnyü kü vihhen nyüke.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

1 ONGPATHÜ 8:39

nüng nyushing vangsho leipü nüngi bangtuh, hatü mang tüktü dou düktuh. Shennyak ieyei mü büpai dükpü aimü dükeishuoh; mehenangkü nüngi büpalei mong nyingei nyüke, nüngi mon hangkulei mongdangei mehe nyu, ha nyingei nyüke.

PHONGSHANTHÜ DOU 1:24

Hapheikü jomphongi, “Shembüpa, nüngi peüei mong nyingei nyüke. Nüngi henyi khongkü üpa jepa?

2 SHÜPPÜKENGPÜ 16:9

Shembüpa kü mong kemei shuohpüthü kü wong kohhühen büpalei mük kahdoknyü peü lemei veishi nyüpeih. Nüngü ngadou dükteke, hanangkü shaang mebü vehok hokei mon nyuhen” shei e.

HEBREW 4:13

Hatü büpa touei lingpü dou mepayao joei neshiü, shejao büpalei mük touei lemphü bümbai hatü heeyei yeemshi nyüke, hatü jeni dükpü peü büpa kü ehen.

JEREMIAH 20:12

Oh Jeiyong Shembüpa, nüngi daülangpüthü kü doknyeih, hatü mongdang sholi dokei veinyüpeih. Nüngi jom kü bhüh yempü kü ngei veishah; mehenangkü ngelei nang nüng kü shuohtüktih.

MENVIH KESHO 139:2

Nüngi ngei uo ngei yaong nyingei nyüke; tailei-üng nüngi ngelei mongdeih nyingei nyüke.

SHAKEI VAMPÜ 2:23

hatü ngei jomei hapeüthü bheitü jütükhen. Shejüang attoithü peüi ngeiyü chudeih mongdang yempüba shei nyinghen, hatü ngei am peü kü ammei doui shangpükei shuohhen.

2 KORINT 10:10

Mehenangkü hanei ami, “Büpalei laiyü mangshi hatü wong kohshi khih, shejao büpa jen mü nyujü wong nekohnyu, hatü büpalei shah-ü yahlak neshiü” shei enyüke.

1 PETER 2:4

Hangkui yaktükjao Kahvangi jepü hatü büpa touei douvang yangnyuyem yaong, büpa touei peituh;

JOB SHAHSHA APPÜ 10:4

Nüng kü phai mük nyüpü je? Nüngi hangkui eepükei eenyu je?

2 SAMUEL 14:25

Shaang Israel kempü kü Absalom nethe meipü jung vih-ei epükei üpayao ehen mü nenyu. Shangnyüshang kübü lajaang laishi ajükao eelashing neshiüi meishi nyuteke.

1 SAMUEL 9:2

Büpalei hapeü meni, Saul shei mentü longi nethe meishi nyu. Israel am khong kü büpa mü nyeishi nethe meipü shennyak hükao nenyu; büpayü lebü peü mü shao lushi nyu.

JEREMIAH 11:20

Shejao, Oh Jeiyong Shembüpa, nüngü shahhing shahphenbü, hatü mongdang sholi dokpüba, nüngi jom kü bhüh yempü kü ngei veishah; mehenangkü ngelei nang kemei nüng kü lanei shuohtüktih.

KANDOK 15:11

Dipü hatü mahpeyü Shembüpa touei aptüktü nyüke, mekei shennyak hüki deihpü Kahvang touei joaokhen?

MENVIH KESHO 7:9

Oh nemeipüthülei douten dohhütuh, shejao daülangpüthü chonglinghütuh, nüngi mongdang hatü sholi doknyeih, Oh daülangpü Kahvang.

2 KORINT 10:7

Amphongü shakdok leipü dou kü mon veinyüke. Amphong hanei ami hamphongü Khristalei shei monglemei nyujema, amphong Khristalei vaipükei hamphongao Khristalei shei deih-ei dangtuh.

JOHAN 8:15

Ammiyü shennyakei laphen aimü shahphennyüke, shejao ngei üpa kao shahnephennyih.

KAHBHAO 4:5

shejao Kain hatü büpalei moila neyah. Hanangkü Kain mongshih hatü büpalei dhe yim.

1 SAMUEL 2:3

Hajük ahshi changmei shah te-e; nüngei ju kübü changmei shah tevamhü; Mehenangkü Shembüpayü kihikon Kahvang, hatü büpai dükpü douthü peü doknyüpeih.

2 SAMUEL 7:20

Ngei mehe nyeinya ekününg! Mehenangkü nüngi nüngei chongphobü nyingei nyüke, Oh Shembüpa Kahvang!

2 SHÜPPÜKENGPÜ 6:30

nüngi nüng nyushing vangsho leipü bangtuh, hatü mang tükeishuoh. Laophüi dükpü aimü nüngi jom kü dükeishuoh; mehenangkü nüngi mon hangkulei mongdang nyingnyüpeih.

KANDOK 24:12

“Hami ha nang nenyingangpih” shei nüngi ejema, mongdang dokpü Kahvangi hapa ne-eehen je? Nüngei yangnyu yompübai ha nenyinghen je? Shennyak peü kü laophüi dükpü aimü neshuohhen je?

1 SHÜPPÜKENGPÜ 17:18

Nüngei chongphobü kü nüngi hajük thahshi dhüm hupü kü David, ngei ha mü lenei mehe ekününg? Mehenangkü nüngi nüngei chongphobü nyingei nyüke,

JOB SHAHSHA APPÜ 35:5

Vangsho philei ngangei veihümao; nüng mü shaoshi nyupü phumshang kü veihümao.