1 SAMUEL 16:13 - DAÜLANGPÜ LAIHING (BSI)

¹³ Hanangkü Samueli mainga shong yah-ei büpalei chejei ami eeshi mainga-i phuteke, hatü ha nyih mü pangei Shembüpalei laangha David kü pei. Hapheikü Samuel Ramahlei leidai.

1 SAMUEL 16:13 Referans Kwoze

1 SAMUEL 10:6

Ngangahük kü Shembüpalei laangha ngani nüng kü yephen, hatü nüngao jom mü teteivanei ehen hatü nüngü hayaoha shennyak kei yeiyadaihen,

HEBREW 1:9

Nüngi daülangshemshepü kü bam, mang kü jiühit; Hanangkü Kahvang, nüngei Kahvangi nüngei küphüthü mü nyeishi nüng kü mongongpü mainga-i phupeih.”

JOHAN 3:34

Büpa üpa Kahvangi shom, büpai Kahvangei shah enyüke, mehenangkü büpai Laangha maei shuoh.

1 SAMUEL 10:1

Hahepak kü Samueli mainga shong yah-ei Saulei shangjing kü nyioei om kü jüptü, “Shembüpai nüng Israel nanglak shak kü vanglem lemhen jeteke” shei e. Nüngi Shembüpalei nanglak shak kü vanglem lemhen hatü nüngi peü lem kübü vepathülei lak kübü jomphong yanghen. Shembüpai nüng büpalei nanglak shak kü vanglem lemhen jepü nyangeihepü ha nyukahen.

SHAHPHENBÜTHÜ 11:29

Hahepak kü Shembüpalei laangha Jephthah kü pei. Büpai Gilead hatü Manasseh homei dai, hatü Gilead kü nyupü Mizpah homei büpai Ammon am khüei hokhen dai.

SHAHPHENBÜTHÜ 3:10

Shembüpalei laangha yiüei büpa kü bak, hatü büpa vehokei dai, hatü Shembüpai Aram amei Kushan-Rishathaim ongpa Othnielei lak kü shuoh-ei büpa neütük.

BHEI-IE 27:18

Hanangkü Shembüpai Mosa kü, “Nunei cheha Joshua, üpa kü laangha nyu, büpa deiyei büpa kü nüngei laki shüngtuh.

1 SAMUEL 16:18

Büpalei chongphobüthü khongkü shennyak hüki, “Bethlehem am Jesselei cheha hük ngei eeyei nyüpeih. Büpai kesho meishi harp vüngei loknyeih; büpayü monglongshi, nethe meishi vehokbü meipü, hatü büpai shah vang tetshi eaoknyeih. Shembüpa büpa mü omshi nyüke” shei e.

2 ONGPATHÜ 9:6

Jehu yaongei shem mongei shüteke. Hahepak kü thibüpai Jehulei shangjing kü maingai langtü, “Shembüpa, Israel Kahvangi hapakei enyüke: ‘Ngei ngelei nanglak Israel shak kü ong vaihen nüng jenyeih.

1 SAMUEL 11:6

Mechem Sauli jomphongei shah dan, büpa kü Kahvang laangha ngan pei, hatü büpa longi mongshih.

SHAHPHENBÜTHÜ 14:6

Shembüpalei laangha büpa kü peiyei büpai hapa mailang lakhingi yum cheha hük shaakpükei shaaktük. Shejao büpai mehe dük, ha chenyü hi chepa nyi kü ne-eja.

SHAHPHENBÜTHÜ 13:25

hatü mechem büpa Mahaneh-Danlei Zorah hi Eshtaol nyi aa kü nyupa, Shembüpalei laanghai büpa kü dou dükhen chongpang.

BHEI-IE 11:17

Hatouei ngei yiükahen hatü nüng mü eteihen, hatü ngei nüng kü shuohpü laangha hanei yah-ei jom kü shuohhen. Nüng monhai hathü kemei nekohen; shaangü jomi nanglakthülei hanggovih kohen nüng kü sheühphahen.

PHONGSHANTHÜ DOU 13:22

Saul dohtükpheikü büpai David yah-ei jomei ong vaihüpeih. Büpai büpa nang hei e: “Ngelei mongi napükei ngei Jesselei cheha David dangteke; ngei dükhahhüpü dou peü büpai dükkahen.”

HEBREW 11:32

Shao meshük nyeishi ngei ehen? Gideon, Barak, Samson, Jephthah, David hatü Samuel hatü thibüthü jung ehen hepaki nechangang.

1 SAMUEL 2:35

Ngelei mongkü deihpü aimü chongphohen ngongpa hük ngei jehen. Ngei büpalei shemong chongkhenei linghen, hatü büpai ngei thiteiphuei jepü shingei düngei chongphohen.’

1 SAMUEL 18:12

Saulü David kü nyem, mehenangkü Shembüpa David mü nyu, shejao Saul kübü yandai.

2 SAMUEL 2:4

Hahepak kü Judah nanglakthü peiyei Judah phangkü ong vaihen David jeteke. Mechem jomphongi David kü, “Saulei mahngü Jabesh-Gilead ami vüpeih” shei eshuohpa,

2 SAMUEL 5:3

Hanangkü Israel am behethü peü Hebronei David ongpa touei pei, hatü Shembüpa tou mü ongpai jomphong mü vangpüshuwpü ling, hatü jomi Israel shak kü ong vaihen David je.

2 SAMUEL 12:7

Hahepak kü Nathani David kü, “Hapa shennyak-ü nüng khih! Shembüpa, Israel Kahvangi hapakei enyüke: ‘Ngei nüngü Israel shak kü ong vaihühen shingvaishi thiteiphuei jepeih, hatü Saulei lak kübü ngei nüng yangpeih.

2 SAMUEL 23:1

Hathüyü Davidei shahshomthü khih: Jesselei cheha Davidi epü, Kahvangi longei anshihpü shennyakei shah; Jakob, Kahvangi jepü shennyak, Israel amei kesho venbü.

MENVIH KESHO 89:20

Ngei ngelei chongphobü David kü daülangpü mainga nyioei ong vaihen jetepih.

1 SAMUEL 1:19

Nepphei dhom mü lomi jijinyi paoei Shembüpa kü khüm, hatü hapheikü Ramahlei jomei shem yemei lei. Elkanah-i chenyüha Hannah mü shi, hatü Shembüpai pinnyü deih-ei dangteke.

1 SHÜPPÜKENGPÜ 11:3

Mechem Israel am behethü peü Hebronei David touei peipa, büpai Hebronei jomphong mü Shembüpa touei vangpüshuwpü ling, hatü Samuel homei Shembüpai lahpükei Israel kü ong vaihen shingvaishi jomphongi David thiteiphuei je.

MENVIH KESHO 89:21

Ngelei lak düngei büpa mü nyuhen, ngelei laki büpa düngei wong kohhühen.