1 SAMUEL 15:3 - DAÜLANGPÜ LAIHING (BSI)

³ Shaang daituh hatü Amalek am hahtuh, hatü jomi angpü lemphüli chemjalak kü mangtüktuh. Meheyao aoei tetuh; nyüha, baha, hashihnaüha, mohoh, mi, ut hatü gaduthü kemei jütükkemtuh” shei e.

1 SAMUEL 15:3 Referans Kwoze

BHEI-IE 24:20

Hapheikü Balaami manghkhang kü Amalek am kü veiteke, hatü hapa tetpüvanpü shah eteke: “Jatthü khongkü peü mü shongpeyü Amalek am, shejao hapalei dohpeyü denden kü mahhen ha nyüke.”

1 SAMUEL 22:19

Sauli ngongpathülei chingnyü Nob, haleipü nyüha, baha, hashihnaüha, mohoh, gadu hatü mithü kemei jütük.

BHEI-IE 31:17

Shaang bahanaüthü kemei jütüktuh, hatü baha mü shiphei nyühathü kemei jütüktuh,

MÜLANGPÜ 20:5

Ammi hathü kü aümei tesha nevaijü ha kü tekhüm; mehenangkü ngeiyü Shembüpa, ammei Kahvangü mükhühpü Kahvang. Ngei yaktükpü nyühipathülei hühihathü kü denshem jem, ali thahshi ngei hanghi shuohnyüpeih,

KAHBHAO 36:12

Esaulei cheha Eliphazlei yiükphü hük Timna nyu, hatü pinnyüi Amalek büh. Hathüyü Esaulei chenyüha Adahlei hüpeüthü nyüke.

MÜLANGPÜ 17:14

Hahepak kü Shembüpai Mosa kü, “Deih-ei danghen shingvaishi hapa vehok neüpü laitap hük kü nyangtuh hatü Joshua-i danshi ietuh. Ngei vangsho phangkü Amalek am chemjalak kü deiheilehen kübü thitei yaktükhen” shei eteke.

1 SAMUEL 14:48

Büpai longi mangshi hok, hatü Amalek am neütük, hatü Israel am kü nemeipüthü peü kübü yangei tuh.

1 SAMUEL 15:9

Shejao Saul hatü veshanthüi Agag ongpa hatü mi, mohoh, mohohbaong hatü mithü meipü meipü kemei, hatü lebü doumeithü kemei yangei tuh. Jomi chemjalak kü payü nemahtük. Jomi yahlak neshiüpü douthü mangtük.

1 SAMUEL 15:18

Hatü büpai nüng kangpü dousho hük kü, ‘Daituh, hatü Amalek am jütüktuh, jom hep shei mangmahkem thahshi hoktuh’ shei etü shompeih.

1 SAMUEL 27:9

Mechem Davidi hapa kahdok hahhenshang, büpai nyüha, nevaijü baha üpayao yemmü netuhphong; shejao mi, mohoh, gadu, ut hatü ashakviha kemei yah-ei Akhish touei lei.

1 SAMUEL 30:17

Davidi nepnüng dhom mebü nyihphei om dhüshi jom mü hok. Nethe jom kho ali ut kü uotü nyaidaipü mü lenei üpayao neyangaok.

2 SAMUEL 1:8

büpai ngei kü, ‘Nüng üpaang?’ shei phephopeih. Ngei büpa kü, ‘Ngeiyü Amalek am hih’ shei eshuohjü,

JOSHUA 10:39

Büpai hapa ching, haleipü ongpa hatü hapa yopai leipü chingthü kemei hahtük; büpai Hebron am hatü Libnah hatü haleipü ongpa kü dükshuohpükei Debir hatü haleipü ongpa kao dük.