1 SAMUEL 15:11 - DAÜLANGPÜ LAIHING (BSI)

¹¹ “Saul ong vaihüpü nangkü ngei mong bhagei deihnyüke, mehenangkü büpai ngei epükei nedüki ngei toueipü lepdaiteke” shei e. Samuel longi mongshih, hatü vangnyak büpai Shembüpa kü len.

1 SAMUEL 15:11 Referans Kwoze

1 SAMUEL 13:13

Samueli büpa kü, “Nüngü ngadou dükteke. Nüngi Shembüpa, nüngei Kahvangi nüng kü shuohpü shahkung jiüshi nedükang; nüngi hapakei düklangmeyü Shembüpai Israel kü nüngei ongching den kü chongkhenei lingei tuhhen,

KAHBHAO 6:6

Kahdoknyülei büpai hangku lingei tuhpü nangkü Shembüpa mongshang, hatü büpalei mong kü tüngteke.

MENVIH KESHO 119:136

Nüngei shahkung nedükpü nangkü ngelei mükphi yungyen leiyei yennyüke.

2 SAMUEL 24:16

Mechem vangsho phongshani Jerusalemao mangtüknüng shei lak nopa, nanglakthü dipü eeyei Shembüpai mong yeiya hatü nanglakthü hanghihüpü vangsho phongshanthü kü, “Hajük-üng! Amphongei lak leilangtuh” shei e. Shembüpalei phongshanthü ha hepak kü Jebus am Araunahlei hah tenshingei nyu.

JEREMIAH 9:18

Hamei mük kü mükphi lomi vamhen shangmü jom lomi ham kü mahng kesho venei nyemtheppha.

MENVIH KESHO 36:3

Jomei ju kübü shahthüyü mang hatü shahshem mon nyüke; Jomi kon kohshi dükhen hatü mei dükhen dohdaiteke.

1 SAMUEL 15:35

Samuel mangdi thahshi büpa nangkü mongshangei deihlangmao Samueli Saul mü nepongtei. Saul Israel amei ong vaipü nangkü Shembüpai mongmangei deih.

1 SAMUEL 15:9

Shejao Saul hatü veshanthüi Agag ongpa hatü mi, mohoh, mohohbaong hatü mithü meipü meipü kemei, hatü lebü doumeithü kemei yangei tuh. Jomi chemjalak kü payü nemahtük. Jomi yahlak neshiüpü douthü mangtük.

1 SAMUEL 15:3

Shaang daituh hatü Amalek am hahtuh, hatü jomi angpü lemphüli chemjalak kü mangtüktuh. Meheyao aoei tetuh; nyüha, baha, hashihnaüha, mohoh, mi, ut hatü gaduthü kemei jütükkemtuh” shei e.

HEBREW 10:38

Shejao ngelei daülangpü nanglak hinglempai nyuhen. Shejao üam ngümpheilei shinei leidai, büpa kü ngei mongneonghen.”

MATHI 5:44

Shejao ngei am kü enyeih, ammei vepa kü bamtuh hatü am kü shüveipüthü shing phopeishuoh;

JEREMIAH 13:17

Shejao nüngi ven nebangjema, nüng changmeipü nangkü ngelei laanghai joshi thephen. Ngei shahyaki thephen, hatü ngelei mük kü mükphi yenhen; mehenangkü Shembüpalei mithü wüpküpei deilangteke.

JEREMIAH 9:1

Oh ngelei shangjing paoh yunglok vailangmeyü, ngelei mük kü paoh mükphi yunglok vailangmeyü, ngelei nanglakthü jütükpü nangkü nyakhingai thüngei ngei thephen vaipeih.

MENVIH KESHO 125:5

Shejao üami kaokhinyom lemei lepnya, Shembüpai ten dükpü am mü changtükhen. Israel kü chingmeivangmei nyutuh.

MENVIH KESHO 110:4

Shembüpai ha lahteke, hatü büpalei mong neyeiyahen, “Nüngü Melkizedek aimü düngei ngongpa vaihen.”

MENVIH KESHO 109:4

Ngei bampü nangjei jomi ngei kü thaüvaünyüke, ngei jom shing phopshing kao hapakei düknyüke.

MENVIH KESHO 78:57

shejao lemnyong kü daiyei chebü chepa am kei hingnelem; kaokdaipü lahhan keiha monglem neshiüi leidai.

1 SAMUEL 12:23

Nyeinya vaishi, ngei nangkeyü am shingvaishi nephoppü nangkü shei Shembüpa touei ngei mang nethahpih, hatü ngei am kü meipü, hatü jiüpü lem huphahen.

JOSHUA 22:16

“Shembüpalei nanglakthü kempai hapakei enyüke, ‘SHEMBÜPABÜPA khüei shinnyih am nyingi moidü lingei Shembüpa phei müpü kübü lepdaihen mü Israel Kahvang khüei ammi mehekei mang dou dükpa?

LUK SHAHSHA APPÜ 6:12

Shaang hathü nyih kü büpa kahshangei phopnüng dai, hatü büpai Kahvang kü phopei paümteke.

MATHI 24:13

Shejao üpai dohpü thahshi nenhen yemleihen.

MENVIH KESHO 78:41

Jom leiyei leiyei Kahvang kü dokpeih, hatü Israel amei Daülangpü Hük mongmanghüpeih.

ZEPHANIAH 1:6

Shembüpa phei nemü-i lüdaipüthü, hatü büpa baong neyempüthü, nevaijü büpa kü nephepüthü mahtükhen.

JONAH 4:2

Büpai Shembüpa kü, “Oh Shembüpa, ngei shem leipü layaonghinüng hapakei dükküshasha hih shei ngei epü ha nevaiang je? Hanangkü ngei shüshülangi Tarshish lemei lüdaipeih. Nüngü phahjipü hatü yahyang shinshangpü Kahvang, mongshihhen youngmü, hatü bampü kü bhashahshi, shangpong yakying shomhen kübüao mang tükpü Kahvang shei ngei nying.

JONAH 3:10

Mechem Kahvangi jomi dükpü hatü mekei jomei mang lemthü kübü mong leppü eepa, büpai büpalei mong yeiya, hatü büpai dükhen shei tempü hanghi jom kü neshuoh.

AMOS 7:3

Hahepak kü Shembüpa mong leiteke; “Hapa am kü nevamküpih” shei Shembüpai ephüteke.

KAHBHAO 6:7

Hanangkü Shembüpa i, “Kahdok shak kü ngei lingpü hangku, kahdokei kamteipü yemhimakthü hatü shangouthü thitei yaktükhen hih– ngei hathü lingpü nangkü ngei mongshangnyüke” shei e.

MÜLANGPÜ 32:11

Shejao Mosai Shembüpa, büpalei Kahvang kü khümei eteke, “Oh Shembüpa, nüngei laklu wong longpai Ijip kahdok leipü nüngi müei leipü nüngei nanglakthü khüei mehekei mongshih vamnya?

MÜLANGPÜ 32:14

Hahepak kü Shembüpai laophülei nanglakthü kü koei peihen shei tempü shanghah neshuohhen mong leiteke.

1 SAMUEL 8:6

Shejao mechem jomi, “Ham kü müphahen shingvaishi ong hük jeshih” shei eshuohpa, hapai Samuel longi mongmang; hanangkü büpai Shembüpa kü phop,

1 SAMUEL 15:10

Hahepak kü Shembüpalei shah Samuel touei peiyei,

1 SHÜPPÜKENGPÜ 21:15

hatü Kahvangi Jerusalem am mahtükhen vangsho phongshan hük shom. Vangsho phongshani hapa dou dükei nyushingkü Shembüpai hapa lomoh aühaü pongpü eeyei mong kü tüngei vei, hatü hapa nanglakthü jüpü vangsho phongshan kü, “Hajük-üng! nüngei lak teno” shei e. Vangsho phongshan hahepak keyü Jebus am Araunahlei hahten shingei yaongshi nyuteke.

JOB SHAHSHA APPÜ 34:27

mehenangkü jomi büpa phei nemü-i lepdai, hatü büpalei lem mepa kao ieyeilemei neyah,

JEREMIAH 11:10

Ngelei shah nebang-ü shei chebü chepalei mang kü nyokei lüdaiteke. Jomphongü lebü kahvangthü chongphoei lüdaiteke. Israel hatü Judah am shem nyipheni ngei chebü chepathü mü lingpü vangpüshuwpü mangtükteke.

JEREMIAH 34:16

Shejao shaang ammi ha kübü nyokei leiyei ngelei men sheihtükteke, hatü nyüha, baha aathü jomi mongpülei daihen ammi bümei hean shuohtükpüthü shao nyeanei aa leihüpeih.

EZEKIEL 18:24

Shejao mechem daülangpü shennyak hük mang lemei nyokei daiyei mang thah-ei mangthüi dükpü jiühitnalai douthü dükei daihenshang, hapa shennyak yemmü nyuaokhen je? Hapa shennyaki dükpü daülangpü dou hükao deih-ei nedangpih; mehenangkü hapa shennyaki hingnelempü hatü büpai thahpü mangthü nangkü büpa dihen.

1 SAMUEL 16:1

Shembüpai Samuel kü, “Ngei Saul Israel amei ong hean kübü yaktükpheikü nüngi meshük lushi büpa nangkü thepeiyoungei nyuhenang? Nüngi shong kü olive mainga maei shihtuh hatü Bethlehem am Jesse touei ngei nüng shomhen; mehenangkü büpalei hapeüthü khongkü ong vaihen hük ngei jepeih” shei e.

1 ONGPATHÜ 11:9

Büpa touei nyipa thahshi vamei hupü Shembüpa Israel Kahvang toueipü mong lepei lüdaipü nangkü Shembüpai Solomon kü mongshih.

1 SHÜPPÜKENGPÜ 10:13

Saul-ü Shembüpa kü hingnelempü nangkü di; büpai Shembüpai epü shah nebang; büpai lem müpü danghen yimpi laang kü pheteke,