1 SAMUEL 14:1 - DAÜLANGPÜ LAIHING (BSI)

¹ Nyih hük Saulei cheha Jonathani büpalei vehok phunglang kopü nethepa kü, “Kei, ji Philistia amei baümtap hükei heihshah” shei e. Shejao büpai chepa kü ha jung ne-eshuoh.

1 SAMUEL 14:1 Referans Kwoze

MIKA 7:5

Ammi chingnyü kü hingtelem, ammei küphü hük kü mongtelem. Nüngei nyüha touei dangkao mehe enya nüngi lituh, hatü nüngei ju yomtuh.

1 SAMUEL 25:19

pinnyülei chongphobüthü kü, “Ngei am pheilei mükahen hih, amphong shelei kamei chongkei” shei e. Shejao pinnyüi chepaha Nabal kü hapa nang ne-eshuoh.

1 SAMUEL 13:22

Hanangkü vehok hepak kü Saul hatü cheha Jonathan nyilei nyupü mü lenei veshanthü üpa leiyao yan hatü phung nenyuham.

1 SAMUEL 13:2

Sauli Israel am khong kübü shennyak haja jem mon je; haja nyiyü Saul mü phaüshang kahmük Bethel kü Mikhmashlei, hatü haja hükü Benjamin jat amei kahdok Gibeahlei Jonathan mü tuh; aopüthü kemei büpai shemei leitükkem.

SHAHPHENBÜTHÜ 14:6

Shembüpalei laangha büpa kü peiyei büpai hapa mailang lakhingi yum cheha hük shaakpükei shaaktük. Shejao büpai mehe dük, ha chenyü hi chepa nyi kü ne-eja.

SHAHPHENBÜTHÜ 6:27

Hanangkü Gideoni büpalei chongphobüthü jom an mütü Shembüpai büpa kü epükei dük, shejao büpai hapa nyihnüng dükhen jomei ching am hatü jom shem am kü nyempü nangkü büpai ha yanüng dükteke.

1 SAMUEL 13:23

Shaang Philistia am veshan khong hükü Mikhmash beilem kü yomhen shom.

1 SAMUEL 14:2

Saul-ü veshan kho vok hükshing mütü Gibeah yopailei Migronei Pomegranat betjük pü phangei nyu. Büpa mü veshanthü kho vok hükshing nyu.

SHAHPHENBÜTHÜ 14:9

Büpai hapa nyahjiü yah-ei lakei notü hahyaki daiteke. Büpai chenyü hi chepa nyi kao maanbaongi shuoh, hatü jijinyi kao hapa nyahjiü mailangei mahng leipü yahpeih shei ne-eshuoh.