1 SAMUEL 13:5 - DAÜLANGPÜ LAIHING (BSI)

⁵ Philistia ami Israel am mü hokhen shingvaishi koyei khari haja hapüan, koyei kü uotü hokhen shennyak haja vok, hatü veshanthü yungching bhihhiphang kei thaitü aongei Beth-Aven heongphi Mikhmashlei baümtap veteke.

1 SAMUEL 13:5 Referans Kwoze

1 SAMUEL 14:23

Hanangkü Shembüpai ha nyih Israel am kü aokpü danghü, hatü Beth-Aven peihshi hokei heih, hatü Saul mü nyupü veshanthü peüshep 10, 000 hükshing nyuteke. Hapa vehok phaüshang kahmük Ephraim kemeilei yaüei dai.

JOSHUA 11:4

Jomi jomei veshanthü kemei hatü vehok koyei hatü koyei kharithü yungching bhihhiphang kei ienüng neaoki vam.

JOSHUA 18:12

Apshaphi kü jomei viongü Jordan mü pangei heihpü apshaphi Jeriko kahshong peih-ei phaüshang kahmük heshüphi kü heih-ei Beth-Aven yingnyü kü leanshi nyu.

HOSEA 10:5

Samarialei nyupüthüi Beth-Aven leipü mohoh lajei hahtükpü nangkü nyemhen. Haleipü nanglakthü hatü lajei chongphopü ngongpathüi haleipü müknyinshekhang yandaipü eeyei mahng thephen.

HOSEA 5:8

Gibeahlei vehok amit vüngtuh, Ramahlei veshemm kaongtuh. Beth-Avenlei men dhüngtuh, thepju kü heihtuh, Oh Benjamin.

HOSEA 4:15

Oh Israel, nüngi mükbongjuyung düklangmao, Judah amao pungpü teleihü. “Amphong Gilgalei nevaijü Beth-Avenlei aongei tekhüm, nevaijü vanyangyem Shembüpa men kü tevangteshuw.”

JEREMIAH 15:8

Yungching bhihhiphang mao nyeishi ngei vaümnyü longi vamhühen. Heshotapa kü ngei thehilathülei nyüthü khüei jühen am müei peihen. Ngangahük kü ngei jom kü shanghah hatü nyemhihan koei peihen.

ISAIAH 48:19

Ammei hühihathü molo bhihhiphang kei; ammei hapeüthü ienüng neaokpü shokuk melaü kei nyuhah shepeih; Jomei men nekatihen nevaijü jom ngei toueipü nemahtükhen vaipeih.”

2 SHÜPPÜKENGPÜ 1:9

Oh Shembüpa Kahvang, ngelei opa David kü nüngi lahpü jiühütuh; mehenangkü nüngi ngei molo bhihhiphang kei nyupü nanglak shak kü ngei ong vaihüteke.

SHAHPHENBÜTHÜ 7:12

Midian am, Amalek am hatü heongphi kübü jat shennyakthü shoukthü kei kahjilei yaüshi hatü jomei utthüyü yungching bhihhiphang kei eeteke.

JOSHUA 7:2

Shaang Joshua-i Jeriko leipü shennyak hanei Bethel heongphi Beth-Aven yopailei nyupü Ai chingnyülei shom, hatü jomphong kü, “Aongtuh hatü hapa kahmük gühshuktü leikei” shei eteke. Hanangkü shennyakthü aongei Ai chingnyü gühshukteke.

KAHBHAO 22:17

ngei nüng kü moihimanhen, hatü nüngei lihila vangsho lithathü kei hatü yungching bhihhiphang kei daeisheyei leihühen. Nüngi ngelei shah bangpü nangkü nüngei hühihathüi vepathülei chingnyüthü kaamlanghen,

ROM SHAHSHA APPÜ 9:27

Israel am nangkü Isaiah-i hapakei lennyüke: “Israel nanglak yungching bhihhiphang kei nyujao aopüthü mon yanglanghen.

1 SAMUEL 7:13

Hanangkü Philistia am neütük, hatü hajük kü jom Israel amei viong peih-ei neshü. Samuelei den kemei Shembüpai Philistia am kü lak vihyaki noteke.

1 SAMUEL 13:2

Sauli Israel am khong kübü shennyak haja jem mon je; haja nyiyü Saul mü phaüshang kahmük Bethel kü Mikhmashlei, hatü haja hükü Benjamin jat amei kahdok Gibeahlei Jonathan mü tuh; aopüthü kemei büpai shemei leitükkem.

1 SAMUEL 13:11

Samueli jangei, “Nüngi mehe dükpa?” shei phe. Sauli, “Nanglakthü yandaipü eeyei hatü nüngao tetpü hepak kü jiüshi nepei, Philistia am Mikhmashlei thaipü eeyei,

1 SAMUEL 17:1

Shaang Philistia ami hokhen shingvaishi veshanthü temei jom Judah kahdok Sokohlei thai. Jomphongi Sokoh hi Azekah aa kü Ephes-Dammimlei baümtap ve.

2 SAMUEL 17:11

“Shejao nüng kü ekahen shahnyingü ha hih: Dan kübü Beer-sheba thahshi yungching bhihhiphang keiha Israel am aokpü thahshi nüng touei thaihütuh, hatü nüngao omshi hoknüng daituh.

1 ONGPATHÜ 20:27

Israel amao peü temei hoknüng aong. Israel amü jom mü shetteijema yum cheha nyi keiha jom mü khangteishi baümtap ve, shejao Aram amü kahmük maei nyuteke.

ISAIAH 10:28

Vepathü Aiathlei shüteke, jom Migron homei daiteke, jomi douhinang, hahying kemei Mikhmashlei yowei tuhteke.

1 SAMUEL 14:52

Saulei den kemei Philistia am mü shahyaki hok, hatü mechem Sauli wongkoh monglongpü shennyak eehenshang büpai veshan vaihen jehamteke.